ທ.ທອງລຸນ ຊີ້ແນະຄໍາສັ່ງ ຫ້າມ ຕັດໄມ້ ຕ້ອງເຄັ່ງຄັດ

ໄມຊູລີ
2018-03-27
ອີແມວລ໌
ຄໍາເຫັນ
Share
ພິມ
ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ
ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ
Screen captured

ທ່ານ ທອງລຸນ ສີສຸລິດ ນາຍົກຣັຖມົນຕຣີລາວ ໄດ້ເນັ້ນໜັກເຣື້ອງການປະຕິບັດ ຄຳສັ່ງເລກທີ 15 ກ່ຽວກັບ ການຄວບຄຸມການຕັດໄມ້ ແລະ ສົ່ງໄມ້ອອກ ໃນກອງປະຊຸມ ຣັຖບານ ຄັ້ງທີ 1 ປະຈຳປີ 2018 ທີ່ຈັດຂຶ້ນໃນວັນທີ 22-23 ເດືອນ ມິນາ ຜ່ານມາວ່າ ໃຫ້ເຂັ້ມງວດກວດກາ ແລະປາບປາມ. ດັ່ງ ເຈົ້າຫນ້າທີ່ ປ່າໄມ້ ທ່ານນຶ່ງ ກ່າວຕໍ່ເອເຊັຽເສຣີ ໃນວັນທີ 26 ມິນາ ນີ້ວ່າ:

"ໂອ້ ໂດຍຮວມແລ້ວກໍໃຫ້ຊາບຫັ້ນແຫລະ ການມີນະໂຍບາຍເຣື້ອງໄມ້ເຣື້ອງຕໍນີ້ ຢາກຍາກແລ້ວ ເພາະການສືບຕໍ່ປະຕິບັດຄຳສັ່ງ ເລກທີ 15 ນີ້ແມ່ນ ໄດ້ສືບຕໍ່ປະຕິບັດຫັ້ນແລ້ວ ສືບຕໍ່."

ທ່ານກ່າວຕື່ມວ່າ ໃນກອງປະຊຸມຣັຖບານ ເທື່ອນີ້ ນາຍົກຣັຖມົນຕຣີລາວ ທ່ານ ທອງລຸນ ສີສຸລິດ ໄດ້ສັ່ງໃຫ້ຄນະຣັຖບານ, ເຈົ້າຄອງກຳແພງ ນະຄອນ, ບັນດາເຈົ້າແຂວງ ແລະ ຜູ້ແທນຈາກ ແຂວງຕ່າງໆ ໃຫ້ສືບຕໍ່ປະຕິບັດ ຄຳສັ່ງເລກທີ 15/ນຍ ຢ່າງເຂັ້ມງວດ ໂດຍສະເພາະ ຫ້ອງການກະສິກັມ ໃຫ້ເອົາໃຈໃສ່ໃນການ ປົກປັກຮັກສາປ່າໄມ້ ພ້ອມທັງຕິດຕາມກວດກາ ບໍ່ໃຫ້ເອົາໄມ້ທ່ອນ ສົ່ງອອກ ແລະໃຫ້ປັບໃຫມ ໃສ່ໂທດ ຜູ້ກະທຳຜິດຕາມຄຳສັ່ງ ສະບັບດັ່ງກ່າວ.

ໃນກອງປະຊຸມຄນະຣັຖບານ ເຈົ້າແຂວງ, ເຈົ້າຄອງກຳແພງນະຄອນ ແລະເຈົ້າຫນ້າທີ່ຈາກແຂວງຕ່າງໆ ໄດ້ຕີຣາຄາໃນຣະຍະ ທີ່ຜ່ານມາວ່າ ການຈັດຕັ້ງປະຕິບັດ ຕໍ່ຄຳສັ່ງດັ່ງກ່າວ ກໍມີຄວາມຄືບຫນ້າດີ ຫລາຍແຂວງ ໄດ້ສັ່ງປິດໂຮງງານໄມ້ ໃນເຂດປ່າ ປົກປ້ອງ ແລະປ່າສງວນ ຫລາຍໂຮງງານ ແລະພ້ອມທັງ ໂຮງເລື່ອຍ ແລະໂຮງຊອຍໄມ້ໄດ້ 1,186 ແຫ່ງ.

ແຕ່ເຖິງຢ່າງໃດກໍຕາມ ໃນບາງແຂວງ ກໍຍັງມີການລັກລອບຂົນໄມ້ ໄປຂາຍຕ່າງປະເທດ ຢູ່ ການກວດກາໂຮງເລື່ອຍໄມ້ ກໍມີການຊັກຊ້າ ຕົວຢ່າງໃນກາງປີ 2017 ເຈົ້າຫນ້າທີ່ ແຂວງອັດຕະປື ສາມາດຍຶດຣົຖຂົນໄມ້ ທີ່ຜິດກົດຫມາຍ ໄປວຽດນາມໄດ້ 27 ຄັນແລະໃນທ້າຍ ປີ 2017 ຢູ່ແຂວງຊຽງຂວາງ ກໍສາມາດຍຶດໄມ້ໄດ້ 13 ພັນແມັດກ້ອນ ຈາກກຸ່ມຄ້າໄມ້ທ່ອນ ທີ່ ຜິດກົດຫມາຍ.

ຄໍາເຫັນ (4)
Share

(

I heard you speak English. You know what? Please go back to school to learn some more. If you can't speak it you can perhaps remain silent. Very sincerely yours.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2018 05:31 AM

(

Dear Sir, I respect your position as Prime Mnister but you are worthless. You are not running the affairs of your country, you are just managing your private business. You got rich by the billions of dollars but how much money is used to improve the conditions of life for Lao people ? None. You pocket the money received from concessions or illegal logging and the rest is the least of your concern. Come to your senses Sir. I'm afraid that it's a bit late or maybe too late to turn things around. You're the laughing stock but at least try to be fair with your people.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2018 05:31 AM

Lao

ຈາກ Svnnkht

ປະກົດວ່າປິກາຍນີ້ກະເຄັ່ງຄັດ ປີກ່ອນໆກະເຄັ່ງຄັດ ສະຫລູບວ່າ ເວົ້າແຕ່ປາກ ເວົ້າຕົວະຄົນໂງ່ຊື່ໆພວກເຈົ້າ ພັກລັດບໍ່ມີນຳ້ຢາຫຍັງດອກ ຈອບຫາຈັບແຕ່ຄົນທິເວົ້າໃສ່ເພີ່ນຢູ່ເຟສ ມັກແທ້ໆໃຫ້ຍ້ອງເພີ່ນ ບໍ່ດີກະວ່າໃຫ້ດີ ບໍ່ແຊບກະວ່າໃຫ້ແຊບ ພັກລັດ ຮູ້ຫມົດທຸກສີ່ງທຸກຢ່າງ ແລະ ເຂົາເບີ່ງ ປຊຊ ໂງ່ຈ້າ ບໍ່ມີແນວຄິດ ບໍ່ມີຫຍັງ ບໍ່ໃຫ້ເວົ້າຫຍັງນອກຈາກຍ້ອງເພີ່ນລູກດຽວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 02, 2018 05:10 AM

(

Bla bla bla. While your friends keep on cutting trees. Shame on you Sir with due respect.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 30, 2018 05:52 AM

ເຕັມຫນ້າ