ພາຫະນະຢູ່ນະຄອນຫຼວງ ເພີ້ມຂຶ້ນ

ມະນີຈັນ
2016-09-26
ອີແມວລ໌
ຄໍາເຫັນ
Share
ພິມ
ຍວດຍານ ພາຫະນະ ຕາມທ້ອງຖນົນ ໃນ ນະຄອນຫລວງ ວຽງຈັນ
ຍວດຍານ ພາຫະນະ ຕາມທ້ອງຖນົນ ໃນ ນະຄອນຫລວງ ວຽງຈັນ
Citizen Journalist

ປັດຈຸບັນ ຊາວນະຄອນຫຼວງ ຊື້ຣົດ ຫຼາຍຂຶ້ນເລື້ອຍໆ ຍ້ອນວ່າ ບໍຣິສັດ ຣົດໃຫຍ່ ແຂ່ງຂັນ ກັນຂາຍ ຊື້ໄດ້ງ່າຍ ເຮັດໃຫ້ ເກີດບັນຫາ ການສັນຈອນຕິດຂັດ  ຕາມການເປີດເຜີຍ ຂອງເຈົ້າໜ້າທີ່ ສູນຣົດໂອໂຕ ນິສັນ ວຽງຈັນ ຕໍ່ ວິທຍຸ ເອເຊັຽເສຣີ  ເມື່ອວັນທີ 23 ກັນຍາ ນີ້ວ່າ:

"ຫຼາຍໄດ໋ ຄິດວ່າ ມີຄົນເມິດແຫຼະ  ມັນກໍເປັນ ຣັຖບານ ມີບໍຣິສັດ ມີຊາວໄຮ່ ຊາວນາ ນີ້ແຫຼະ ເຮັດຄ້າເຮັດຂາຍ ຊາວຄ້າ ຊາວຂາຍ ຊາວຄ້າ ຊາວຂາຍມີເໝິດ ຄົນເໝິດເລີຍ ໂອ້ແຕ່ລະປີນີ້ ມັນກໍຫຼາຍເຕີບ ມັນກໍ 7-8 ຮ້ອຍຄັນ ແລະ 7-8 ຮ້ອຍສະເພາະ ກະບະ".

ທ່ານຊີ້ແຈງວ່າ ເຖິງແມ່ນວ່າ ຣັຖບານ ຍັງ ເກັບພາສີຣົດ ແພງເຖິງ 100 ເປີເຊັນ ແຕ່ ປະຊາຊົນ ກໍຍັງ ພາກັນ ຊື້ຫລາຍຂຶ້ນ ຍ້ອນ ສາມາດ ຈ່າຍຜ່ອນໄດ້ ເປັນເວລາ ຫຼາຍປີ. ຄັນ 5 ປີ ຂຶ້ນເມືອ ດອກເບັ້່ຽ ສເລັ່ຽ ສູນ ຈຸດ 59 ເປີເຊັນ. ສ່ວນ ຄ່າພາສີ ຫາກແມ່ນ ຣົດ ນິສັນ ສເລັ່ຽແລ້ວ 10 ພັນປາຍ ໂດລາ ສະຫະຣັຖ ຕໍ່ຄັນ. ຂັ້ນຕອນ ການຊື້ ກໍບໍ່ ຫຍູ້ງຍາກ, ຈ່າຍເງິນ 30 ເປີເຊັນ ຫລື ບາງຍີ່ຫໍ້ ຕົວຢ່າງ ຣົດ ຮຸນໄດ ຈ່າຍແຕ່ 10 ເປີເຊັນ ຂອງ ຣາຄາຣົດ ແລະມີ ເອກສານ ຄົບຖ້ວນ ກໍຊື້ໄດ້ເລີຍ.

ຂນະດຽວກັນ ເຈົ້າໜ້າທີ່ ບໍຣິສັດ ໂຕໂຍຕາ ທີ່ມີ ຜູ້ຊື້ ຫຼາຍທີ່ສຸດ ໃນ ນະຄອນຫລວງ ກໍເວົ້າວ່າ ໃນ 2-3 ປີ ມານີ້ ຣົດກະບະ ໂຕໂຍຕ້າ ຣຸ້ນ ໄຮລັກວີໂກ້ ແລະ ວີອອດ ຂາຍດີ ຍ້ອນວ່າ ຜູ້ຊື້ ສາມາດ ຈ່າຍຜ່ອນໄດ້ ເຖິງ 7 ປີ. ບໍຣິສັດ ໂຕໂຍຕ້າ ຂາຍຣົດ 2 ປະເພດນີ້ ໄດ້ປະມານ 60 ຄັນ ຕໍ່ເດືອນ ຫລື 720 ຄັນ ຕໍ່ປີ ສະເພາະ ໃນ ນະຄອນຫລວງ ວຽງຈັນ. ໃນເມື່ອ ຄົນຊື້ຣົດຫລາຍ ຣົດກໍຕິດ ແລະ ບໍ່ມີ ບ່ອນຈອດ ດັ່ງຊາວລາວ ທ່ານນຶ່ງ ໃນ ນະຄອນຫລວງ ວຽງຈັນ ກ່າວວ່າ:

ວຽງຈັນ ດຽວນີ້ ຣົດຈະຕິດ ເປັນຊ້ວງ ເປັນຍາມ  ຄື ຍາມເຂົ້າການ ເຂົ້າໂຮງຮຽນ ແລະ ອອກການ ອອກໂຮງຮຽນ. ໃນເມື່ອກ່ອນ ຄົນລາວ ສ່ວນຫຼາຍ ມັກຊື້ຣົດ ດ້ວຍເງິນສົດ ຈ່າຍສົດ ຣົດຈຶ່ງ ບໍ່ເພີ່ມຂຶ້ນ ຫຼາຍປານໃດ. ແຕ່ ປັດຈຸບັນ ຜູ້ຊື້ຜ່ອນໄດ້ ແລະຜ່ອນໄດ້ ຫຼາຍປີ ຣົດ ຈຶ່ງເພີ່ມຂຶ້ນເລື້ອຍໆ.

ເຕັມຫນ້າ