ຄຣູອາສາ ຕັດໃຈລາ ປ່ຽນ ອາຊີບ

ໄຊຍາ
2019.06.06
F-worker ຊາຍໜຸ່ມລາວຫຼາຍໆຄົນ ທີ່ ຮຽນພາສາເກົາຫຼີ ແລ້ວໄປເຮັດວຽກ ຢູ່ເກົາຫຼີໃຕ້
RFA/SY

ຊາຍໜຸ່ມຈາກ ແຂວງໄຊຍະບູລີ ໄດ້ໃຫ້ສຳພາດ ຕໍ່ RFA ເມື່ອວັນອັງຄານ 4 ມິຖຸນາ ຜ່ານມາວ່າ  ຕ້ອງຕັດສິນໃຈ ລາອອກຈາກການເປັນ ຄຣູອາສາ ດ້ວຍຄວາມຈຳໃຈ ເຖິງແມ່ນວ່າຄວາມຫວັງ ຂອງເຂົາແມ່ນຕ້ອງການເຂົ້າເປັນຣັຖກອນ ແຕ່ກໍ່ທົນບໍ່ໄຫວ ສອນມາສາມປີ ບໍ່ມີເງິນ ເດືອນ ບໍ່ມີສະຫວັດດີການ ທີ່ສຳຄັນຍັງບໍ່ໄດ້ໂຄຕ້າ ທີ່ຈະສອບເສັງເຂົ້າເປັນຣັຖກອນ ໃນຂນະທີ່ບັນຫາຄຣູ ເຫຼືອບໍ່ພໍນັ້ນ ຍັງເປັນບັນຫາໃຫຍ່ ສຳລັບການບັນຈຸຣັຖກອນຄຣູ. ເຂົາຈຶ່ງຕັດສິນໃຈລາອອກ ແລ້ວຫັນປ່ຽນຈາກການເປັນຄຣູ.

ຈາກນັ້ນ ເຂົາກໍມາຮຽນພາສາເກົາຫຼີ ແລ້ວໄດ້ຜ່ານການຄັດເລືອກໄປເຮັດວຽກ ຢູ່ເກົາຫຼີໃຕ້ເປັນຊ່າງເຮັດປະຕູ. ເມື່ອຖາມວ່າ ວຽກໃໝ່ໄດ້ເງິນ ເດືອນພໍກິນບໍ່ ລາວຕອບວ່າ ພໍຢູ່ພໍກິນ ຊີວິດດີກວ່າແຕ່ກ່ອນ ແລະ ຈະອົດທົນເຮັດໃຫ້ເຖິງທີ່ສຸດ ເພາະໂອກາດ ແບບນີ້ ຫາບໍ່ໄດ້ອີກແລ້ວ. ເຊີນທ່ານຮັບຟັງ ການສຳພາດ.

ປັດຈຸບັນ ຜູ້ກ່ຽວພ້ອມດ້ວຍໝູ່ເພື່ອນ ພາກັນຕັ້ງໃຈເຮັດວຽກ ເພື່ອໃຫ້ໂອກາດຕົນເອງ ເຖິງແມ່ນວ່າການເຮັດວຽກຢູ່ຕ່າງປະເທສ ມັນຈະໜັກ ແດ່, ແຕ່ເມື່ອທຽບໃສ່ກັບຣາຍໄດ້ ຂອງປະເທສລາວແລ້ວ ແມ່ນສາມາດຊ່ອຍເຮັດໃຫ້ຕົນເອງ ແລະ ຄອບຄົວມີຊີວິດ ທີ່ດີຂຶ້ນໄດ້ໄວ ກໍຄືດີ ກວ່າຕອນເປັນຄຣູອາສາ ເຊິ່ງບໍ່ມີຄວາມຫວັງຫຍັງເລີຍ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.