ພັຍນ້ຳຖ້ວມແລະດິນເຈື່ອນຈະ ແຮງຂຶ້ນ

ສິດນີ
2014-08-22
Share
F-Landslides ສະພາບ ຝົນຕົກໜັກ ດິນເຈື່ອນ ເຊາະເອົານໍ້າ ເອົາດິນແລະຕົມ ລົງສູ່ໝູ່ບ້ານ ໃນທີ່ຕໍ່າ
Mek/fb

 

ຜູ້ທີ່ຂໍ ສງວນຊື່ ທ່ານນຶ່ງ ກ່າວຕໍ່ ນັກຂ່າວ RFA ເມື່ອວັນທີ 20 ສິງຫາ ວ່າ ປະຊາຊົນ ໃນເຂດ ພາກເຫນືອ ຂອງລາວ ຍັງມີ ຄວາມສ່ຽງ ສູງ ທີ່ ຈະປະສົບກັບ ພັຍນ້ຳຖ້ວມ ແລະ ດິນເຈື່ອນ ຢ່າງແຮງ ໃນ ອະນາຄົດ ອັນໃກ້ໆນີ້ ເນື່ອງຈາກ ພວກຂະເຈົ້າ ປຸກເຮືອນໃກ້ ແຄມ ທາງ ລຽບຮ່ອມພູ ອາດເຮັດໃຫ້ ຄົນ ເສັຽຊີວິດ ຢ່າງ ຫຼວງຫຼາຍ. ດັ່ງ ທ່ານ ກ່າວວ່າ:

"ເຣື້ອງການ ເຊາະ ເຈື່ອນ ຕໍ່ໄປນີ້ ດີນຊີ່ໄຫລລົງ ຄືກັນກັບ ປະເທດອື່ນ ໂດຍສະເພາະ ລະແມ່ນ ຂື້ນເມືອ ທາງເຫນືອນີ້ ຂື້ນເມືອ ທາງ ເຫນືອນີ້ ຄົນລະ ປຸກເຮືອນ ຕາມແຄມທາງ ຕາມພູ ລຽບພູຫັ້ນ ໃນເວລາ ນີ້ນັ້ນ ອັນຕຣາຍ ຫລາຍ".

ທ່ານກ່າວ ຕື່ມວ່າ ສາເຫດຫລັກ ທີ່ຈະພາໃຫ້ ເກີດນ້ຳຖ້ວມ ແລະ ດິນເຈື່ອນ ຢ່າງແຮງ ໃນເຂດ ພາກເຫນືອ ນັ້ນ ກໍແມ່ນເກີດຈາກ ການ ຕັດໄມ້ ທຳລາຍປ່າ ຢ່າງ ກວ້າງຂວາງ ການບຸກເບີກ ຫນ້າດິນ ເພື່ອ ສຳຣວດ ແຮ່ທາດ ຮ່ວມໄປຮອດ ໂຄງການ ສ້າງເຂື່ອນ ຫຼາຍແຫ່ງ ໃນລາວ ທີ່ ໄປກວມເອົາ ເນື້ອທີ່ປ່າໄມ້ ທີ່ ອຸ້ມນ້ຳ ຕາມ ທັມມະຊາດ ໃນ ຍາມຝົນ.

ໃນຂນະດຽວກັນ ເວລານີ້ ທາງການລາວ ກໍຂາດ ຫນ່ວຍງານ ສະເພາະກິດ ເພື່ອຮັບມື ກັບພັຍພິບັດ ດັ່ງກ່າວ ດັ່ງທີ່ເຫັນມາ ຫລາຍຄັ້ງ ໃນ ອະດີດ ນຶ່ງໃນນັ້ນ ກໍແມ່ນ ໃນຊ່ວງ ລົມພະຍຸ ນົກເຕັນ ພັດເຂົ້າ ພາກໃຕ້ ໃນທີ່ຜ່ານມາ ສ້າງຄວາມ ເສັຽຫາຍ ຢ່າງຫນັກໃຫ້ແກ່ ປະຊາຊົນ ຍ້ອນຂາດ ການຕຣຽມ ຊ່ອຍກູ້ພັຍ. ຖ້າເຫດການ ດັ່ງກ່າວ ເກີດຂື້ນອີກ ໃນເຂດ ພາກເຫນືອ ຈະສ້າງຄວາມ ເສັຽຫາຍ ຢ່າງຫນັກ ໃຫ້ແກ່ ປະຊາຊົນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ