ການກໍ່ສ້າງເຂື່ອນເມືອງປາກຊ່ອງ

ສົມເນ
2014-08-19
Share
f-roads ຕົວຢ່່າງຂອງ ຖນົນສາຍຫຼັກ ໃນລາວ
Citizen journalist

 

ການດໍາເນີນ ວຽກງານ ກໍ່ສ້າງ ເຂື່ອນ ໄຟຟ້າ ຫ້ວຍຍ້ອຍ ໃນ ເມືອງ ປາກຊ່ອງ ແຂວງ ຈໍາປາສັກ ໂດຍ ບໍຣິສັດ ດົງຕ້າ ເຮັດໃຫ້ ຫົນ ທາງ ເປ່ເພ ຫຼາຍທີ່ສຸດ ຊາວບ້ານ ໄດ້ຮຽກຮ້ອງ ໃຫ້ ທາງ ບໍຣິສັດ ແກ້ໄຂ ສ້ອມແປງ ແຕ່ທາງ ບໍຣິສັດ ກໍບໍ່ສົນ ໃຈນໍາ ຊາວບ້ານ ຈຶ່ງ ຕ້ອງໄດ້ ພາກັນ ສ້ອມແປງ ເອງ. ດັ່ງທີ່ ຊາວບ້ານ ໃນເມືອງ ປາກຊ່ອງ ເວົ້າວ່າ:

"ບັດນີ້ ສາເຫດ ຄື ບ່ອນນັ້ນ ຄືແມ່ນ ບໍຣິສັດ ດົງຕ້າ ເພິ່ນຊິເຮັດ ເຂື່ອນ. ໄປຈົກດິນ ຖົມຮ່ອງນໍ້າ ນໍ້າມັນ ກໍບໍ່ມີ ບ່ອນໄປ ແລ້ວກໍໄປ ຕັນທາງ ໄຫລຜ່ານທາງ ແລ້ວ ພາໃຫ້ ທາງຂາດ".

ການສ້ອມແປງ ທາງເທື່ອນີ້ ເປັນການ ຮ່ວມມື ຂອງຊາວບ້ານ ບ້ານ ຫ້ວຍເຕົ່າ ບ້ານ ໜອງບອນ ບ້ານ ໜອງກາ ແລະ ບ້ານ ສົມສນຸກ ໃໝ່ ປະມານ 700 ຄົນ. ແຕ່ລະຄົນ ໄດ້ໃຊ້ ອຸປກອນ ສ່ວນໂຕ ແລະ ໃຊ້ຫີນ ຂອງ ໂຍທາ ເມືອງ ປາກຊ່ອງ ຈົນສາມາດ ສ້ອມແປງ ແລ້ວ ໃນວັນທີ່ 11 ສິງຫາ ຜ່ານມາ.

ຫົນທາງ ທີ່ເປ່ເພ ນີ້ເປັນ ຖນົນຫຼວງ ແຂວງ ຈໍາປາສັກ ນັບແຕ່ ທາງແຍກ ໝາຍເລກ 36 ໄປຫາ ບ້ານໃໝ່ ໄຊສົມບູນ. ຊາວບ້ານ ວ່າ ໃນເມື່ອ ບໍຣິສັດ ເຮັດໃຫ້ ຫົນທາງເປ່ເພ ແລ້ວກໍຄວນ ຮັບຜິດຊອບ ແທນທີ່ ຈະເມີນເສີຍ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ