ກຸ່ມຂຸດຄໍາເຊໂປນ ປ່ອຍນໍ້າເສັຍ

2013-03-19
ອີແມວລ໌
ຄໍາເຫັນ
Share
ພິມ
ລໍານໍ້ານ້ອຍ ເກືອບທຸກສາຍ ໄຫລລົງສູ່ ແມ່ນໍ້າຂອງ ແລ້ວໄຫລລົງ ສູ່ທະເລ
ລໍານໍ້ານ້ອຍ ເກືອບທຸກສາຍ ໄຫລລົງສູ່ ແມ່ນໍ້າຂອງ ແລ້ວໄຫລລົງ ສູ່ທະເລ
Mrk/fb

ບໍຣິສັດ ຂຸດຄົ້ນ ບໍ່ຄໍາ ເຊໂປນ ຍອມຮັບວ່າ ໄດ້ປ່ອຍນໍ້າ ຈາກ ອ່າງເກັບນໍ້າ ເສັຍ ລົງສູ່ ແຫລ່ງນໍ້າ ທັມມະຊາດ ແຕ່ເປັນ ນໍ້າເສັຽ ທີ່ຜ່ານ ການ ບໍາບັດ ແລ້ວ.

ເຈົ້າໜ້າທີ່ ຂຸດຄົ້ນບໍ່ຄໍາ ເຊໂປນ ເວົ້າກັບ ເອເຊັຍເສຣີ ໃນວັນທີ 19 ມິນາ 2013 ນີ້ວ່າ ທີ່ຜ່ານມາ ບໍຣິສັດ ຂຸດຄົ້ນ ບໍ່ຄໍາ ແຫ່ງນີ້ ຍອມຮັບ ວ່າໄດ້ ຣະບາຍນໍ້າ ຈາກ ອ່າງເກັບນໍ້າ ເສັຍ ລົງສູ່ ແຫລ່ງນໍ້າທັມມະຊາດ ແທ້ ແຕ່ນໍ້າ ທີ່ປ່ອຍ ອອກໄປ ນັ້ນ ເປັນນໍ້າ ທີ່ຜ່ານການ ບໍາບັດ ແລ້ວ ແລະ ກໍບໍ່ໄດ້ສ້າງ ບັນຫາ ໃຫ້ແກ່ ສິ່ງແວດລ້ອມ ແນວໃດ:

"ທຸກນໍ້າ ທີ່ວ່າເຮົາໃຊ້ ໃນໂຮງງານ ເຮົາຈະບໍາບັດ ກ່ອນ ຫລັງຈາກ ທີ່ໄດ້ຕາມ ມາຕຖານ ສ່ວນໜຶ່ງ ເຮົາຈະປ່ອຍ ລົງແມ່ນໍ້າ ທັມມະຊາດ ຫລັງຈາກ ທີ່ໄດ້ຜ່ານ ຂະບວນ ການຄວບຄຸມ ກວດ ຄຸນນະພາບ ຮຽບຮ້ອຍ ແລ້ວ".

ທ່ານເວົ້າ ຕໍ່ໄປວ່າ ໃນຊ່ວງ ຣະດູຝົນ ປີນີ້ ທາງບໍ່ຄໍາ ກໍມີແຜນ ທີ່ຈະ ຣະບາຍນໍ້າ ອອກຈາກ ອ່າງເກັບນໍ້າເສັຍ ລົງສູ່ແຫຼ່ງນໍ້າ ທັມມະຊາດ ຢູ່ຄືເກົ່າ ແລະ ຍັງຢືນຢັນວ່າ ນໍ້າທີ່ວ່ານັ້ນ ຕ້ອງໄດ້ຜ່ານ ການບໍາບັດ ແລະ ກວດ ຄຸນນະພາບ ຈາກ ນັກວິຊາການ ດ້ານ ສິ່ງແວດລ້ອມ ຕາມເດີມ.

ເຖິງຢ່າງໃດ ກໍຕາມ ທີ່ຜ່ານມາ ເຈົ້າໜ້າທີ່ ແຂວງ ສວັນນະເຂດ ທ່ານນຶ່ງ ເຄີຍເວົ້າ ເມື່ອປີ 2011 ຜ່ານມາວ່າ ນໍ້າ ທີ່ ທາງບໍຣິສັດ ຂຸດຄົ້ນ ບໍ່ຄໍາ ເຊໂປນ ໄດ້ ປ່ອຍລົງໃສ່ ແຫລ່ງນໍ້າ ທັມມະຊາດ ໄຫລລົງໃສ່ ເຊນໍ້ານ້ອຍ ແລະ ເຊບັ້ງຫຽງ ນັ້ນ ບາງເທື່ອ ກໍຍັງມີ ສານເຄມີ ທີ່ເປັນ ອັນຕະຣາຍ ເຈືອປົນຢູ່ ເຮັດໃຫ້ສັດນໍ້າ ຮວມທັງປາຕາຍ ແລະຊາວບ້ານ ທີ່ອາສັຍ ແຫລ່ງນໍ້າ ນັ້ນ ທໍາມາຫາກິນ ກໍບໍ່ສາມາດ ໃຊ້ນໍ້ານັ້ນໄດ້ ຊົ່ວຄາວ ແລະ ຊາວບ້ານ ບາງຄົນ ກໍເປັນຕຸ່ມ ຕາມຕົວ ຍ້ອນນໍ້າ ເປັນພິດ ທີ່ທາງ ບໍຣິສັດ ຂຸດຄົ້ນບໍ່ຄໍາ ປ່ອຍລົງໃສ່ ຊຶ່ງ ທາງຜແນກ ຊັພຍາກອນນໍ້າ ແລະ ສິ່ງແວດລ້ອມ ຂອງ ທາງການລາວ ກໍ ປະຕິເສດ ວ່າ ບໍ່ເປັນຄວາມຈິງ.

ໃນເຣື່ອງນີ້ ຄວນວິຈັຍ ກັນ ໃຫ້ຄັກແນ່ ເພາະ ມັນພົວພັນ ກັບ ຊີວິດ ຂອງຄົນ ຂອງສັດ ແລະ ສິ່ງແວດລ້ອມ ອື່ນໆ.

ເຕັມຫນ້າ