ໂຮງໄຟຟ້າຖ່ານຫີນໄທຢູ່ລາວ ໃຜ ຈະຕ້ານ

ສົມເນ
2014-12-05
ອີແມວລ໌
ຄໍາເຫັນ
Share
ພິມ
ໂຮງງານໄຟຟ້າ ພລັງຖ່ານຫີນ ທີ່ເມືອງຫົງສາ ແຂວງໄຊຍະບູຣີ (ຮູປຖ່າຍ 10/14/2013)
ໂຮງງານໄຟຟ້າ ພລັງຖ່ານຫີນ ທີ່ເມືອງຫົງສາ ແຂວງໄຊຍະບູຣີ (ຮູປຖ່າຍ 10/14/2013)
Citizen Journalist

 

ເຄືອຂ່າຍ ພລັງງານ ຖ່ານຫີນ ເວົ້າວ່າ ປະເທດ ໄທ ສ້າງ ໂຮງງານ ໄຟຟ້າ ຖ່ານຫີນ ຢູ່ ສປປ ລາວ ແມ່ນເພື່ອ ຫລີກລ່ຽງ ການຕໍ່ຕ້ານ ຂອງ ປະຊາຊົນ ພາຍໃນ ປະເທດ, ໃນຂນະທີ່ ຄວາມ ຕ້ອງການ ພລັງງານ ມີ ສູງ. ການກໍ່ສ້າງ ໃນລາວ ນັ້ນ ບໍ່ມີຜູ້ໃດ ຈະ ຕໍ່ຕ້ານໄດ້.

ໂຮງງານ ໄຟຟ້າ ຖ່ານຫິີນ ລິກໄນ ທີ່ ສ້າງຂຶ້ນ ຢູ່ ເມືອງຫົງສາ ແຂວງ ໄຊຍະບູຣີ ນັ້ນ ສາມາດ ສນອງ ໄຟຟ້າ ໃຫ້ ຊາວໄທ ໄດ້ 2 ລ້ານ ຄອບຄົວ. ຊຶ່ງເປັນ ໂຮງງານ ທີ່ ປ່ອຍຄວັນ ທີ່ມີ ມົລພິດ ສູ່ ອາກາດ ຍ້ອນ ການເຜົາໄໝ້ ຂອງ ຖ່ານຫີນ ລິກໄນ.

ຍ້ອນ ເຫດຜົນ ດຽວກັນນີ້ ນັບແຕ່ ປີ 1990 ມານີ້ ໄທ ໄດ້ຂຍາຍ ການລົງທຶນ ສ້າງເຂື່ອນ ຜລິດ ໄຟຟ້າ ຢູ່ລາວ ຫຼາຍຂຶ້ນ, ຍ້ອນ ໃນໄທ ມີການ ຕໍ່ຕ້ານ ການສ້າງ ເຂື່ອນ ທີ່ ທໍາລາຍ ຣະບົບ ນິເວດ ຂອງ ແມ່ນໍ້າ ແລະ ວິຖີ ຊີວິດ ການ ເປັນຢູ່ ຂອງ ປະຊາຊົນ.

ນັ້ນຄື ບົດຄວາມ ໃນ ໜັງສືພິມ The Wall Street ທີ່ອ້າງຕາມ ຄໍາເວົ້າ ຂອງ ຍານາງ Aviva Imhof ຜູ້ ປະສານງານ ເຄືອຂ່າຍ ພລັງງານ ຖ່ານຫີນ ປາຊີຟິກ ທີ່ມີ ສໍານັກງານ ຢູ່ ປະເທດ ອອສເຕຣເລັຽ ທີ່ ຕໍ່ຕ້ານ ການໃຊ້ ພລັງງານ ຈາກ ຖ່ານຫີນ.

ຣາຍງານວ່າ ໂຮງງານ ໄຟຟ້າ ຫົງສາ ລິກໄນ ທີ່ ມີກໍາລັງ ຜລິດເຖິງ 1,800 ກວ່າ ເມກາວັດ ມີກໍານົດ ເປີດໃຊ້ ໃນເດືອນ ມີຖຸນາ ປີ 2015 ແລະ ຈະແລ່ນ ເຕັມຂີດ ໃນຕົ້ນ ປີ 2016. ທ່ານ ສົງກຣານ ພົງບູນຈັນ ທະນາຍຄວາມ ສັງກັດ ຢູ່ ອົງການ ສາກົນ Earth rights ທີ່ ຊ່ວຍເຫລືອ ຜູ້ຖືກ ໂຍກຍ້າຍ ຈາກ ໂຄງການ ອຸດສາຫະກັມ ກ່າວວ່າ ໂຮງໄຟຟ້າ ຫົງສາ ລິກໄນ ບໍ່ໄດ້ ປະເມີນຜົນ ກະທົບ ຕໍ່ ສິ່ງ ແວດລ້ອມ ໃນ ປະເທດໄທ ທີ່ ຫ່າງຈາກ ໂຮງງານ ພຽງແຕ່ ປະມານ 30 ກິໂລແມັດ ເທົ່ານັ້ນ.

ສ່ວນ ບໍຣິສັດ ບ້ານພູ ທີ່ ເປັນເຈົ້າຂອງ ເໝືອງ ຖ່ານຫີນ ລິກໄນ ໃນລາວ ທີ່ ໃຊ້ປ້ອນ ໂຮງງານ ນັ້ນ ເວົ້າວ່າ ໂຮງໄຟຟ້າ ຫົງສາ ຖືກກັບ ມາຕຖານ ສາກົນ ແລະວ່າ ທາງ ບໍຣິສັດ ໄດ້ຣາຍງານ ໃຫ້ ຣັຖບານ ລາວ ຊາບ ເປັນ ຣະຍະໆ.

ຄໍາເຫັນ (1)
Share

ຄຳຜັນ

ຈາກ ຫນອງສະໂນ

ພວກໄດພັນໄດ ມີແນວຄິດຈັງໄຮ ຂະບົດຂົດລ້ຽວ ສ້າງຮັ່ງຄູນມີ ເພືອຕົວເອງ ແລະ ຫມູ່ພວກກິນ ບໍ່ຮູ້ອີ່ມມີບໍ່ຮູ້ພໍ, ບໍ່ຫລຽວເບິ່ງ ພວກປະຊາຊົນ ທີ່ທຸກຈົນ ຫາເຊົ້າບໍ່ກຸ້ມຄ່ຳ, ມີໂອກາດຮວມຫົວກັນ ປຸ້ນແຜ່ນດິນລາວ ດ້ວຍອຳນາດ ບາດໃຫຍ່, ຈົ່ງເຮັດໄປໂລດ, ທຸກຢ່າງເປັນສົມບັດ ຂອງໂລກ, ເວລາຕາຍໄປ ສົມບັດ ດັ່ງກ່າວ ນີ້ແລ້ວ ຈະເປັນ ມໍລະສຸມໄຟ, ນຳໄປໄຫ້ມ ພວກຂີ່ໂຫດສາມານ ຊາຕານ ທຸກຕົວ ຢູ່ນາລົກອາເວຈີ ຢ່າງແນ່ນອນ. ບາບກັມ ມີຈິງ ສາທຸ !!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 07, 2014 04:16 PM

ເຕັມຫນ້າ