ລາວ ຂາດແພດແລະໝໍ ເພາະຂາດ ງົບປະມານ

ສຸພັດຕາ
2019-03-18
ອີແມວລ໌
ຄໍາເຫັນ
Share
ພິມ
ກະຊວງສາທາຣະນະສຸຂ ສປປ ລາວ
ກະຊວງສາທາຣະນະສຸຂ ສປປ ລາວ
Public Domain

ກະຊວງສາທາຣະນະສຸຂ ສປປລາວ ຂາດແພດແລະໝໍ ຍ້ອນໂຄຕ້າຣັຖກອນ ໃນແຕ່ລະປີ ມີໜ້ອຍ ເຮັດໃຫ້ແພດແລະໝໍ ບໍ່ພຽງພໍໍຕໍ່ການ ປິ່ນປົວຄົນປ່ວຍ, ອີກປັດໃຈນຶ່ງ ນັກຮຽນແພດຫຼາຍຄົນ ເມື່ອຈົບອອກມາແລ້ວ ບໍ່ໄປເສັງເປັນຣັຖກອນ, ອີງຕາມຄໍາເວົ້າ ຂອງເຈົ້າໜ້າທີ່ ກົມປິ່ນປົວ ກະຊວງສາທາຣະນະສຸຂ ໃນວັນທີ 15 ມິນາ ນີ້:

“ແຕ່ວ່າດຽວນີ້ ມັນເວົ້າເຣື່ອງວິຊາສະເພາະ ຄືວ່າການແພດປຣິນຍາຕຣີການແພດ ຄົນຮຽນຈົບມັນຫຼາຍ, ແຕ່ວ່າເຂົາບໍ່ສມັກງານ, ເວົ້າເຣື່ອງ ໂຄຕ້າກໍຈໍາກັດແນ່, ບາດນີ້ເວົ້າເຣື່ອງອີງໃສ່ການບັນຈຸ, ການຊັບຊ້ອນແນ່, ເຣື່ອງຣັຖກອນເຮົາກໍມັນຫຼາຍຢູ່.”

ທ່ານກ່າວຕື່ມວ່າ ປີນີ້ ຣັຖບານໃຫ້ໂຄຕ້າຣັຖກອນ ສາທາຣະນະສຸຂທັງໝົດ 220 ຄົນ, ຫຼຸດລົງຈາກປີກາຍເຖິງເຄິ່ງນຶ່ງທີ່ໄດ້ 440 ຄົນ, ຊຶ່ງແພດແລະໝໍ ທີ່ໄດ້ຮັບເຂົ້າເປັນຣັຖກອນ ກໍໍມັກຈະປະຈໍາຢູ່ຫ້ອງການ ເປັນນັກວິຊາການ ແລະປະຈໍາຢູ່ໂຮງໝໍໃຫຍ່, ບໍ່ໄປປະຈໍາຢູ່ ໂຮງໝໍແຂວງ ຫຼື ເມືອງ, ຈຶ່ງເປັນສາເຫດຫຼັກ ທີ່ແພດແລະໝໍ ບໍ່ພຽງພໍຕໍ່ການປິ່ນປົວ, ແພດແລະໝໍ ອີກຈໍານວນນຶ່ງເມື່ອຮຽນຈົບແລ້ວ, ກໍໄປເຮັດວຽກຢູ່ໂຮງໝໍເອກກະຊົນ, ບາງຄົນກໍເປີດຄລີນິກສ່ວນໂຕ ແລະບາງຄົນກໍໄປຮຽນຕໍ່ ປຣິນຍາໂທ ໃນຕ່າງປະເທດ.

ທ່ານວ່າ ສປປລາວ ມີຄວາມຕ້ອງການແພດແລະໝໍຢ່າງໜ້ອຍ 100 ຄົນໃນທຸກແຂວງ, ໃນນັ້ນບໍ່ຮວມພຍາບານ ແລະພະນັກງານອື່ນໆ:

“ບາງວິຊາພັດຫຼາຍໂພດ, ບາງວິຊາພັດຄວາມຕ້ອງການມີໜ້ອຍ, ມັນໜ້ອຍອີຫຼີ ຕົວຢ່າງ ປຣິນຍາຕຣີການແພດ, ວິຊາອື່ນພັດຫຼາຍ.”

ປັດຈຸບັນ ໂຄຕ້າຮຽນ ແພດແລະໝໍ ໃນລາວ ມີປະມານ 500 ຄົນຕໍ່ປີ ໃນນັ້ນ 300 ຄົນ ຈະຮຽນຢູ່ມະຫາວິທຍາລັຍແຫ່ງຊາດ, ນະຄອນຫຼວງວຽງຈັນ ແລະອີກ 200 ຄົນ ຣັຖບານຈະຄັດເລືອກ ແລ້ວສົ່ງໄປຮຽນທີ່ວຽດນາມ, ແຕ່ເມື່ອຈົບມາ ກໍມີໜ້ອຍຄົນ ທີ່ຈະເລືອກເປັນຣັຖກອນ ແພດແລະໝໍ.

ອີງຕາມຣາຍງານ ຂອງອົງການອະນາມັຍໂລກ ແພດແລະໝໍ 1 ຄົນ ຄວນຈະປິ່ນປົວຄົນປ່ວຍ 800 ຄົນຕໍ່ປີ, ເພື່ອໃຫ້ການປິ່ນປົວ ມີປະສິດທິພາບ ແຕ່ໃນສປປລາວ ແພດແລະໝໍ 1 ຄົນ ປິ່ນປົວຄົນປ່ວຍຢ່າງໜ້ອຍ 1,000 ຄົນຕໍ່ປີ ນັ້ນໝາຍເຖິງ ປະສິດທິພາບ ການປິ່ນປົວ ຂອງແພດແລະໝໍ ກໍຈະຫຼຸດລົງ.

ເຈົ້າໜ້າທີ່ກົມປິ່ນປົວ ກະຊວງສາທາຣະນະສຸຂ ທ່ານນີ້ເວົ້າອີກວ່າ ຣັຖບານຄວນຈະເພີ່ມຈໍານວນ ໂຄຕ້າຣັຖກອນ ແພດແລະໝໍ ແຕ່ລະປີ ໃຫ້ພຽງພໍ, ພ້ອມທັງຈັດຕັ້ງການຄຸ້ມຄອງ ບໍຣິຫານຢ່າງເປັນຣະບົບ, ປັບປຸງຂໍ້ມູນຂ່າວສານ ດ້ານສາທາຣະນະສຸຂ ໃຫ້ທັນສມັຍ ແລະເພີ່ມ ງົບປະມານ ໃຫ້ພຽງພໍ ໃຫ້ທົ່ວເຖິງທຸກໂຮງໝໍ ເພື່ອໃຫ້ແພດແລະໝໍ ຈົບໃໝ່ ສົນໃຈເຂົ້າມາ ເປັນຣັຖກອນຫຼາຍຂຶ້ນ.

ຄໍາເຫັນ (2)
Share

(

ຂາດແພດຂາດໝໍ ກໍວ່າເປັນນໍາການຂາດງົບປະມານ, ເວົ້າກັນຢູ່ຕໍ່ເນື່ອງເລື້ອງງົບປະມານ ແລະແນ່ນອນທຸກຢ່າງ ຢູ່ໃນກົງຈັກການນໍາພາຂອງພັກລັດ ນັ້ນມັນຕ້ອງໄດ້ໄຊ້ງົບປະມານໝົດ, ຕົວຢ່າງປູກຕົ້ນໄມ້, ຟື້ນຟູປ່າໄມ້ໄຫ້ໄດ້ທົ່ວປະເທດ ນັ້ນເຮັດ ບໍໄດ້ດອກ ເພາະຂາດງົບປະມານ ແຕ່ຢາກຖາມທ່ານໂຈມມາລີ ແດ່ຫຼືຜູ້ນໍາແນວລາວຮັກຊາດ, ສ້າງຊາດ, ຂາຍຊາດອີຫັຽງກໍແລ້ວແຕ່, ວ່າເມື່ອຕັດໄມ້ທໍາລາຍປ່າ ຄືບໍ່ວ່າຂາດງົບປະມານ, ບາດໄຫ້ມາປູກໄມ້ທົດແທນ ຊໍ້າມາວ່າເຮັດບໍ້ໄດ້ດອກ ເພາະຂາດງົບປະມານວ່າຊັ້ນ, ແລະຕັ້ງແຕ່ເລີ້ມຕົ້ນຈົນຮອດປະຈຸບັນນີ້ ກໍຢັງເປັນແບບນີ້, ເວົ້າແບບນີ້ ແລະຂໍຮ້ອງຂໍຄວາມຊ່ວຍເຫຼືອຢູ່ແບບນີ້ ແລະເບິ່ງບໍ່ເຫັນເລີຍມື້ທີ່ຈະສີ້ນສຸດສິ່ງເລົ່ານີ້,ຍ້ອນຈັ່ງຊີ້ລະ ສຫປຊ ຈິ່ງໄດ້ໄປພິສູດດ້ວຍໂຕເຂົາເຈົ້າເອັງວ່າ ຄໍາຕອບມັນຈະອອກມາໃນຮູບແບບໃດ, ແມ່ນແຕ່ (germany)ເອັງກໍຍັງເຊີນ ນຍ ໄປຖາມດ້ວຍຕົນເອັງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:22 AM

(

Also MDs have to pay huge sums of money to the party-state in order to open clinics. Those who can pay they're not even doctors. Laos should change its name to Fakeland.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:02 AM

ເຕັມຫນ້າ