ຣະວັງນໍ້າດື່ມທີ່ຖືກປອມແປງ

ໄມໂຊສີ
2014-02-24
Share
F-water ຣະວັງນໍ້າດື່ມ ທີ່ຖືກປອມແປງ ບໍ່ໄດ້ຜ່ານການຂາດເຊື້ອ ບໍ່ໄດ້ມາຕຖານ (ກະຕຸກນໍ້າດື່ມທີ່ໃຊ້ໃນນະຄອນຫລວງວຽງຈັນ)
Lao drinking water association

 

ເຈົ້າຂອງບໍຣິສັດນໍ້າດື່ມໃນນະຄອນຫລວງວຽງຈັນເປິດເຜີຍວ່າປັຈຈຸບັນຍັງພົບເຫັນນໍ້າດື່ມທີ່ບໍ່ໄດ້ມາຕຖານຍ້ອນມີຜູ້ຂາຍນໍ້າດື່ມຫົວໃສ ຫາກໍ່າໄຣຮ່າຍນໍ້າປະປາໃສ່ແລ້ວນໍາໄປຂາຍໂດຍບໍ່ໄດ້ຜ່ານຂະບວນການຂ້າເຊື້ອແລະຮັກສາຄຸນນະພາບແຕ່ຢ່າງໃດດັ່ງທ່ານເວົ້າວ່າ:

“ມັນມີພວກສາຂາ ໝາຍຄວາມວ່າ ພວກທີ່ມີຣົຖມີກະຕຸກ ໄປຮັບຊື້ຕາມໂຮງງານ ພວກນີ້ອາດຈະຊື້ຢູ່ 40-50(ກະຕຸກ)ແລ້ວກໍໄປຮ່າຍ ນໍ້າເອງຢູ່ເຮືອນຢູ່ຊານໃຊ້ນໍ້າປະປາ,ນໍ້າສ້າງ,ປະປົນໄປຈັ່ງຊິ້ນະມັນມັກມີຈັ່ງຊີ້ແຫລະທາງການເພີ່ນກໍໃຫ້ເຊົາແຕ່ວ່າມັນກໍຍັງດື້ດ້ານເຮັດ ອ້າງວ່າຕົວນີ້ຖືວ່າໄດ້ລົງທຶນລົງຮອນຊື້ຈັ່ງຊີ້ນະ”.

ເຈົ້າຂອງບໍຣິສັດນໍ້າເວົ້າອີກວ່າ ໃນນະຄອນຫລວງວຽງຈັນມີບໍຣິສັດຜລິດນໍ້າດື່ມທັງໝົດ 180 ບໍຣິສັດຜ່ານການອະນຸຍາດຂອງກະຊວງ ສາທາຣະນະສຸຂຊື່ງບໍຣິສັດເຫລົ່ານີ້ສ່ວນຫລາຍແມ່ນຜລິດນໍ້າທີ່ມີຄຸນນະພາບແຕ່ບັນຫານໍ້າດື່ມບໍ່ສະອາດເປິເປື້ອນ,ມີຂີ້ຝຸ່ນແມ່ນມາຈາກ ຜູ້ຂາຍນໍ້າທີ່ມາຮັບຈາກທາງບໍຣິສັດອີກຕໍ່ນື່ງຊື່ງສ່ວນຫລາຍຈະບໍ່ເຮັດຕາມມາຕຖານຄືລັກຮ່າຍນໍ້າໃສ່ກະຕຸກເອງໂດຍບໍ່ໄດ້ຜ່ານການຂ້າ ເຊື້ອຈຶ່ງພາໃຫ້ເກິດບັນຫານີ້ຂື້ນມາ.ປັຈຈຸບັນນໍ້າດື່ມທີ່ມີຄຸນນະພາບໃນນະຄອນຫລວງວຽງຈັນຈະຂາຍຕາມຣາຄາທີ່ສະມາຄົມນໍ້ານໍ້າດື່ມ ນະຄອນຫລວງວຽຈັນໄດ້ຕົກລົງກັນຄື4ພັນກີບຕໍ່ກະຕຸກແຕ່ນໍ້າທີ່ບໍ່ໄດ້ມາຕຖານສ່ວນຫລາຍມັກຈະຂາຍໃນຣາຄາ3ພັນກີບຕໍ່ກະຕຸກເພື່ອ ດຶງດູດລູກຄ້າຊຶ່ງກໍມີລູກຄ້າຈໍານວນຫລວງຫລາຍຊື້ດື່ມແຕ່ກໍເປັນນໍ້າທີ່ບໍ່ສະອາດບໍ່ໄດ້ມາຕຖານວິທີສັງເກດງ່າຍໆກໍຄືຣົດຂອງນໍ້າຈະມີ ຣົດສົ້ມຜິດປົກກະຕິແລະສີບໍ່ໃສເທົ່ານໍ້າທີ່ມີຄຸນນະພາບ.

ຢ່າງໃດກໍຕາມບັນຫານໍ້າບໍ່ມີຄຸນນະພາບມີຂື້ນແຕ່ປີ 2012 ເປັນຕົ້ນມາແລະບໍຣິສັດນໍ້າດື່ມໃນນະຄອນຫລວງວຽງຈັນກໍເຄີຍຮ່ວມກັນແຈ້ງ ໄປຍັງຜແນກກະຊວງສາທາຣະນະສຸຂແລະອຸສຫະກັມແລະການຄ້າເພື່ອຕິດຕາມກວດກາແລະແກ້ໄຂຊື່ງທາງການລາວກໍໄດ້ອອກຄໍາສັ່ງ ໃຫ້ຜູ້ຂາຍນໍ້າທີ່ບໍ່ຜ່ານການຂ້າເຊື້ອເຊົາຂາຍແຕ່ກໍຍັງມີຫລາຍບໍຣິສັດດໍາເນີນກິຈການແບບນີ້ມາຕລອດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ