ພໍ່-ລູກຂົນເຮໂຣອິນ ຖືກຈັບ

ຈຳປາທອງ
2017-06-28
Share
f-luangnamtha ຕລາດກາງຄືນ ໃນແຂວງ ຫລວງນໍ້າທາ
Citizen Journalist

ເຈົ້າໜ້າທີ່ຕຳຣວດ ປາບປາມ ຢາເສບຕິດ ແຂວງຫລວງນ້ຳທາ ຈັບຄົນລາວ ພໍ່ກັບລູກ ຄື; ຜູ້ເປັນພໍ່ຊື່ ໃໝ່ ອຸ່ນນ້ອຍ ອາຍຸ 53 ປີ, ລູກຊື່ວ່າ ທ້າວ ກອງ ອາຍຸ 20 ປີ, ໃນຂນະທີ່ ລັກລອບນຳ ເຮໂຣອິນ 12 ແທ່ງ, ໜັກ 12 ກິໂລ ຈາກເຂດ ສາມຫລ່ຽມຄຳ ມາສົ່ງໃຫ້ຜູ້ຊື້ ຢູ່ຕລາດ ກາງຄືນ ໃນເຂດ ເທສບານ ເມືອງຫລວງນ້ຳທາ ບ່ອນທີ່ຖືກຈັບໄດ້ ເມື່ອວັນທີ 7 ມິຖຸນາ 2017 ພາຍຫຼັງ ເຈົ້າໜ້າທີ່ເຫັນຣົດຕູ້ 2 ຄັນ, ເບິ່ງ ຜິດປົກກະຕິ ເປັນໜ້າສົງສັຍ ຈຶ່ງເຂົ້າຄວບຄຸມໂຕໄວ້. ຊຶ່ງຂນະນີ້ ເຈົ້າໜ້າທີ່ຕຳຣວດ ກຳລັງສອບສວນ ພວກກ່ຽວຢູ່. ດັ່ງ ເຈົ້າໜ້າທີ່ ປກສ. ແຂວງຫລວງນ້ຳທາ ເວົ້າວ່າ:

"ຈັບວັນທີ 7 ເດືອນ 6 ຄົນລາວເຮົານີ້ແຫຼະ ຂອງກາງກໍເປັນເຮໂຣອີນ 12 ແທ່ງ ແຕ່ວ່າຄະດີນີ້ ເຈົ້າໜ້າທີ່ ກໍກໍາລັງດໍາເນີນຄະດີ ຫັ້ນແຫຼະ ກຳລັງລົງສອບ ຂັ້ນສອບສວນຢູ່".

ຜູ້ຕ້ອງຫາທັງ 2 ຄົນເປັນຄົນບ້ານໃໝ່ ເມືອງສິງ ແຂວງຫລວງນ້ຳທາ ໃຊ້ຣົດຕູ້ 2 ຄັນເປັນພາຫະນະ ຂົນສົ່ງຢາເສບຕິດນັ້ນ. ໃນເບື້ອງຕົ້ນ ຜູ້ຕ້ອງຫາທັງ 2 ຄົນ ຮັບສາຣະພາບ ວ່າໄດ້ໄປຮັບເອົາ ເຮໂຣອິນ ຈຳນວນດັ່ງກ່າວ ມາຈາກຂົວມິດຕະພາບ ລາວ-ພະມ້າ ມາຂາຍໃຫ້ຜູ້ຊື້ ທີ່ມາຈາກ ນະຄອນຫລວງວຽງຈັນ ໂດຍນັດ ຊື້-ຂາຍ ກັນຢູ່ຕລາດກາງຄືນ ແຫ່ງນີ້. ແຕ່ຖືກ ເຈົ້າໜ້າທີ່ ຈັບໄດ້ກ່ອນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ