ສານຕັດສິນ ລົງ​ໂທ​ສນາງ ​ໝວຍ ຈຳຄຸກ 5 ປີ

ໄຊຍາ
2019-11-25
ອີແມວລ໌
ຄໍາເຫັນ
Share
ພິມ
ສານຕັດສິນ ລົງ​ໂທ​ສນາງ ​ໝວຍ ຈຳຄຸກ 5 ປີ
ສານຕັດສິນ ລົງ​ໂທ​ສນາງ ​ໝວຍ ຈຳຄຸກ 5 ປີ
ນັກຂ່າວພົລເມືອງ

ເມື່ອວັນທີ 22 ພຶ​ສຈິກາ ຜ່ານມາ ສານຊັ້ນຕົ້ນແຂວງຈຳປາສັກ ຕັດສິນລົງໂທສຈຳຄຸກ ນາງ ຮວາຍເຮືອງ ໄຊຍະບູລີ ຫຼື ນາງໝວຍ ເປັນເວລາ 5 ປີ ພ້ອມທັງປັບໄໝເງິນ 20 ລ້ານກີບ ໃນຄວາມຜິດຖານຂໍ້ຫາ ຕໍ່ຕ້ານ ສປປ ລາວ ແລະ ການໂຄສະນາໃສ່ຮ້າຍປ້າຍສີ ຣັຖບານລາວ. ດັ່ງເຈົ້າໜ້າທີ່ສານ​ທ່ານ​ນຶ່ງ ໄດ້ໃຫ້ສັມພາດ ຕໍ່ນັກຂ່າວເອເຊັຽເສຣີ ໃນວັນທີ 25 ພຶ​ສຈິກາ ວ່າ:

“ຕາມປະມວນກົດໝາຍອາຍາ ກາວ່າຜິດຫັ້ນແຫຼະ ການໂຄສະນາໃສ່ຮ້າຍປ້າຍສີ ມີລັກສະນະໂຄ່ນລົ້ມໂຈມຕີພັກ-ຣັຖ. ຣັຖບານເຂົາກາລົງຄຳຕັດສິນລັກສະນະຈັ່ງຊັ້ນແຫຼະ, ແຕ່ວ່າຄົນນີ້ ຈັກເຂົາຍ້າຍໄປ​ໄວ້ໃສນີ້ ເຂົາບໍ່ບອກ ເພາະວ່າເຮົາ​ກະ​ບໍ່ໄດ້ຂໍ້ມູນ ບໍ່ຊັດເຈນ, ຈັກເຂົາເອົາໄວ້ວຽງ, ຈັກ​ເຂົາເອົາໄວ້ປາກເຊ.”

ເຈົ້າໜ້າທີ່ໄດ້ໃຫ້ຄຳເຫັນຕື່ມວ່າ ສານແຂວງຈຳປາສັກ ໄດ້ເປີດໂອກາດໃຫ້ນາງໝວຍ ແລະ ຄອບຄົວມີສິທຫາທະນາຍ ມາອຸທອນຄຳຕັດສິນ ໄປຮອດສານພາກໃຕ້ ແລະ ສານສູງສຸດພາຍໃນ 20 ວັນ ນັບຈາກມື້ສານໄດ້ຕັດສິນ. ໃນຂະນະທີ່ການຕັດສິນໃນຄັ້ງນີ້, ໄດ້ມີອ້າຍຂອງນາງໝວຍ ໄດ້ໄປຮ່ວມຮັບຟັງການຕັດສິນ, ອີງ​ຕາມ​ຄວາມ​ເວົ້າ​ຂອງ​ເຈົ້າ​ໜ້າ​ທີ່​ທ້ອງ​ຖິ່ນ​ ເມືອງ​ໂພນ​ທອງ.

“ເພິ່ນເຮັດໃບແຈ້ງການ ໃບໝາຍຮຽກຜູ້ປົກຄອງ. ມີແຕ່ວ່າອ້າຍລາວໄປ ຟັງຄຳຕັດສິນ ກະໄດ້ຍີນຢູ່ດອກວ່າ ຕ້ອງຈຳເງິນ ແລະ ກາຈຳຄຸກ 5 ປີ ຈຳເງິນ 20 ລ້ານກີບ.”

ຕໍ່ກັບການຕັດສິນດັ່ງກ່າວ ທ່ານ Adrea Giorgetta, ຜູ້ອຳນວຍການອົງການສະຫະພັນສາກົລ ເພື່ອສິດທິມະນຸດ ໄດ້ໃຫ້ສຳພາດຕໍ່ນັກຂ່າວເອເຊັຽເສຣີວ່າ:

“ພວກເຮົາຄິດວ່າ ຄົງເປັນໄປຕາມນັ້ນ ທີ່ນາງໝວຍຖືກຕັດສິນລົງໂທສ ຢ່າງໜັກ ເພາະວ່າເຮົາເຫັນຄົນອື່ນໆໃນລາວ ກໍຖືກຕັດສິນຂັງຄຸກ ເປັນເວລາຫຼາຍປີ, ພຽງແຕ່ເຂົາສະແດງອອກເຖິງສິທທິໃນການເວົ້າ ແລະ ຄຳເຫັນເທົ່ານັ້ນ.”

ນາງໝວຍຖືກເຈົ້າໜ້າທີ່ຕຳຣວດ ແຂວງຈຳປາສັກ ຈັບເມື່ອວັນທີ 12 ກັນຍາ ປີ 2019 ໃນຂໍ້ຫາໂຄສະນາ ຕໍ່ຕ້ານຣັຖບານ ສປປ ລາວ ຜ່ານທາງສື່ອອນລາຍເຟສບຸກ.

ຜ່ານມາ, ເຖິງແມ່ນວ່າ ທາງຄອບຄົວ ພະຍາຍາມຍື່ນຂໍ້ສເນີ ຂໍປະກັນໂຕນາງໝວຍ, ແຕ່ບໍ່ສາມາດປະກັນອອກມາໄດ້. ຈົນມາເຖິງວັນທີ 22 ພຶ​ສຈິກາ ສານຊັ້ນຕົ້ນ ຂອງແຂວງຈຳປາສັກ ໄດ້ຕັດສິນລົງໂທສຈຳຄຸກ ເປັນ​ເວ​ລາ 5 ປີ.

ຄໍາເຫັນ (3)
Share

ຜູ້ອ່ານທີ່ບໍ່ອອກຊື່

ອັນທີ່ເຂົາເອີ້ນກັນວ່າສານປະຊາຊົນສູງສຸດນັ້ນສະເພາະຢູ່ປະເທດຂ້ອຍແລ້ວແມ່ນພວກເພີ່ນໄດ້ປ່ຽນມາເປັນສານອາດຍາສິດສູງສຸດແລ້ວ,ແລະສານອາດຍາສິດສູງສຸດອັນນີ້ມັນໄດ້ຢູ່ໄຕ້ອໍານາດຂອງຄະບວນການແນວລາວຂາຍຊາດແລະພັກພະເດັດການປະຕິວັດລາວນັ້ນເອັງ,ໂດຍການຄວບຄຸມແລະນໍາພາຂອງຜູ້ມີອໍານາດທາງທະຫານແລະຕໍ່າລວດທັງໝົດ,ທຸກສິ່ງທຸກຢ່າງຢູ່ໃນປະເທດລາວປະຈຸບັນນີ້ອີ້ຫັຽງກໍແລ້ວແຕ່ຄັນແມ່ນຂອງທະຫານແລະຂອງຕໍ່າລວດແລ້ວແມ່ນແຕະຕ້ອງບໍ່ໄດ້ເດັດຂາດ,ແລະພວກນີ້ລະທີ່ເຮັດໄຫ້ປະເທດລາວເປັນປະເທດທີ່ໜ້າຢ້ານກົວແລະເປັນປະເທດທີ່ໄຊ້ສິດໄຊ້ອໍານາດ,ຂົ່ມຂູ່,ຂົ່ມເຫັງ,ບັງຄັບ,ຂູດຮີດ,ສໍ້ໂກງແລະຕ່າງໆຕໍ່ປະຊາຊົນຂອງລັດທະບານ,ແໍະພວກນີ້ລະທີ່ນໍາພາປະເທດຊາດລົ້ມຈົມ.

Nov 26, 2019 09:25 AM

(

This is the Lao commie justice. Lao party-state and your whole gang , you are animals or even less so. The world will be better off and safer if you disappear.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 26, 2019 05:54 AM

ລາວ

ຈາກ ລາວ

ພຽງແຕ່ອອກມາຂໍຮ້ອງຄວາມຊ່ວຍເຫຼືອໄພນໍ້ຖ້ວມຊື່ໆ ຕິດຄຸກຮອດ 5 ປີ ບາດພວກທີ່ສໍ້ກົງ, ຍັກຍອກ, ເງີນຊ່ວຍເຫຼືອຈົນເຮັດໄຫ້ລັດທະບານທຸກ ຈົນໄດ້ຂໍທານ ຄືບໍ່ເຫັນວ່າສິເຮັດຫັຍງໄຫ້ເຂົາໄດ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 26, 2019 05:53 AM

ເຕັມຫນ້າ