ກອງປະຊຸມຄັ້ງທີ 10 ຂອງ ພັກ-ຣັດ

ກອງປະຊຸມ ໃຫຍ່ ຄັ້ງທີ 10 ຂອງ ພັກ ປະຊາຊົນ ປະຕິວັດ ລາວ ທີ່ ຈະຈັດ ຂຶ້ນ ໃນ ຕົ້ນປີ 2016 ຊຶ່ງ ຂນະນີ້ ມີການ ຈັດຕັ້ງ ປະຕິບັດ ມະຕິ 7 ຂອງ ກົມ ການເມືອງ ສູນກາງ ພັກ ວ່າດ້ວຍ ການ ກະຕຣຽມ ແລະ ດໍາເນີນ ກອງ ປະຊຸມ ດັ່ງກ່າວ ນັ້ນ ຈະ ຮັບຮອງ ເອົາ ຣາຍງານ ການເມືອງ ຂອງ ທ່ານ ຈູມມະລີ ໄຊຍະສອນ ທີ່ ຈະ ໝົດວາລະ ເປັນ ເລຂາທິການ ໃຫຍ່.

ໃນ ກອງປະຊຸມ ພັກ ນັ້ນ ຈະເວົ້າ ເຖິງ ຜົລງານ ໃນ ຂົງເຂດ ປ້ອງກັນ ຊາດ, ປ້ອງກັນ ຄວາມສງົບ, ການ ພັທນາ ເສຖກິດ ສັງຄົມ ຮວມທັງ ວຽກງານ ການ ພົວພັນ ແລະ ການຮ່ວມມື ກັບ ຕ່າງ ປະເທສ ເປັນຕົ້ນ ກັບ ວຽດນາມ ແລະ ຈີນ ທີ່ ໃຫ້ການ ອູ້ມຊູ ຕົນ ແລະ ຈະບໍ່ປະ ໄດ້ ການ ເວົ້າເຖິງ ການຊີ້ນໍາ ນໍາພາ ຂອງພັກ ທີ່ ຍຶດໝັ້ນ ທິສດີ ມາກ ເລນິນ, ການ ໝຸນໃຊ້ ຫລັກມູນ ຂອງ ລັດທິ ມາກ  ເລນິນ ຄື ລັດທິ ຄອມມິວນິສ ແລະ ອຸຸດົມການ ສັງຄົມ ນິຍົມ.