ສາຍການບິນລາວຈະເພີ້ມຄ່າ ຊົດເຊີຍ


2013-11-05
Share
F-plane-crash ຊາວບ້ານພາກັນມາເບິ່ງ ເຄື່ອງຂອງສໍາພາລະ ຂອງຜູ້ໂດຍສານ ໃນຍົນ ສາຍການບິນລາວ ທີ່ຕົກໃສ່ແມ່ນໍ້າຂອງ ໃກ້ເມືອງປາກເຊ ວັນທີ 17 ຕຸລາ 2013
AFP PHOTO / PORNCHAI KITTIWONGSAKUL

 

ສາຍການບິນລາວ ໃຫ້ການວ່າຈະຈ່າຍ ເງິນຄ່າຊົດເຊີຍ ຕື່ມໃຫ້ຄອບຄົວ ຂອງຜູ້ເສັຍຊີວິດ ຈາກ ອຸບັຕຕິເຫດ ເຮືອບິນຕົກ ເພື່ອໃຫ້ໄດ້ຕາມ ມາຕຖານສາກົນ.

ໜັງສືພິມ ວຽງຈັນທາມສ໌ ຣາຍງານວ່າ ເວລາທີ່ທ່ານ ສະເຫລີມ ໄຕຍະຣາດ (Saleum Tayarath) ຮອງປະທານ ສາຍການບິນລາວ ໃຫ້ ສັມພາດຕໍ່ສື່ມວນຊົນ ໃນມື້ວັນຈັນ ນີ້ ທ່ານບໍ່ໄດ້ໃຫ້ຣາຍລະອຽດ ກ່ຽວກັບ ຈໍານວນເງິນຄ່າຫົວ ວ່າຫລາຍປານໃດ ຫລືກໍາໜົດການ ເວລາທີ່ ຈະມອບໃຫ້ນັ້ນ ແຕ່ຢ່າງໃດ ພຽງແຕ່ວ່າ ທາງເຈົ້າໜ້າທີ່ກ່ຽວຂ້ອງ ກໍາລັງພິຈາຣະນາ ຫາລື ກັບທາງບໍຣິສັດ ປະກັນໄພເທົ່ານັ້ນ ຊຶ່ງກໍແມ່ນບໍ ຣິສັດ ປະກັນໄພຂອງ Willis Aviation ທີ່ມີຫ້ອງການຢູ່ກຸງລອນດອນ ປະເທດອັງກິດ ເປັນຝ່າຍປະກັນ ແລະວ່າໃນຂັ້ນຕົ້ນ ທາງສາຍການ ບິນລາວ ກໍໄດ້ມອບເງິນໃຫ້ແຕ່ລະຄອບຄົວ ຂອງຜູ້ເສັຍຊີວີຕ ໄປແລ້ວກວ່າ 39 ລ້ານກີບ ຫລືປະມານ 5,000 ໂດລາສະຫະຣັດ ໃຫ້ແຕ່ລະ ຄອບຄົວ ຂອງຜູ້ເສັຍຊີວີດ ທັງໝົດ 49 ຄົນ.

ເຮືອບິນຊນິດ ATR72-600 ຂອງສາຍການບິນລາວຖ້ຽວບິນ QV301 ບິນຈາກສນາມບິນວັດໄຕນະຄອນຫລວງວຽງຈັນມຸ້ງໜ້າໄປຍັງເມືອງ ປາກເຊ ແຂວງຈຳປາສັກ ໃນມື້ວັນທີ່ 16 ຕຸລາ 2013 ແຕ່ຕົກລົງໃສ່ ແມ່ນ້ຳຂອງ ກ່ອນເຖິງເດີ່ນ ອັນເປັນສາເຫດເຮັດໃຫ້ຜູ້ໂດຽສານ ແລະ ພະນັກງານເຮືອບິນຮວມທັງໝົດ 49 ຄົນເສັຍຊີວິດ. ຜູ້ໂດຽສານທັງໝົດ 44 ຄົນນັ້ນເປັນຊາວລາວ 16 ຄົນ ຝຣັ່ງ 7 ຄົນ ອອສເຕຣເລັຽ 6 ຄົນ ໄທ 5 ຄົນ ເກົາຫລີໃຕ້ 3 ຄົນ ວຽດນາມ 3 ຄົນ. ນອກນັ້ນໄປຈາກ ສະຫະຣັຖ ຈີນ ມາເລເຊັຍ ແລະ ໃຕ້ຫວັນ ປະເທດລະ 1 ຄົນ. ພະນັກງານໃນເຮືອບິນ 5 ຄົນເປັນຊາວລາວ 4 ຄົນແລະນັກບິນຊາວກັມພູຊາ 1 ຄົນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ