Kay Danes ນັກຕໍ່ສູ້ໄດ້ຮັບ ຫຼຽນ


2014.01.27
Share on WhatsApp
Share on WhatsApp
F-Kay-Danes ຍານາງ KAY DANES ນັກຕໍ່ສູ້ ເພື່ອ ສິດທິມະນຸດ ຜູ້ທີ່ຖືກ ເຈົ້າຫນ້າທີ່ລາວ ຈັບຂັງຄຸກ ໃນລາວ
Wikimedia / Maiyang

 

ຍານາງ KAY DANES ນັກຕໍ່ສູ້ເພື່ອສິດທິມະນຸດ ຂອງ ລາວ-ມົ້ງ ຜູ້ທີ່ຖືກ ເຈົ້າຫນ້າທີ່ລາວ ຈັບໃສ່ຄຸກໃນລາວ ໄດ້ຮັບຫຼຽນກຽດຕິຍົດ ຣະດັບສູງ ຈາກຣັຖບານ ອອສເຕຣເລັຽ ນາງເປັນນື່ງ ໃນຈຳນວນ ຄົນອອສເຕຣເລັຽ ທີ່ຮັບຫລຽນ ໃນການຕໍ່ສູ້ ເພຶ່ອສິດທິມະນຸດ ແລະ ຄວາມຍຸຕິທັມ ຂອງຊຸມຊົນ ປະຈຳປີ 2014.

ໃນຣະຍະ 10 ປີມານີ້ ຍານາງ ເດນສ໌ ໄດ້ເດີນທາງມາກຸງວໍຊີງຕັນ ຕຣອດຍ້ອນການເຊື້ອເຊີນ ຂອງເຈົ້າຫນ້າທີ່ ສະຫະຣັຖ ເພື່ອມາໃຫ້ ປາກຄຳ ຕໍ່ສະພາສະຫະຣັຖ ກ່ຽວກັບ ການລ່ວງ ຣະເມີດ ສິດທິ ມະນຸດໃນລາວ ແລະການບີບບັງຄັບໃຫ້ຄົນລາວ ແລະຄົນມົ້ງຫນີ ຈາກບ້ານເກີດເມືອງນອນ ຂອງຕົນ ຮ່ວມດ້ວຍການ ກັກຂັງນັກ ໂທດ ການເມືອງ ແລະ ນັກເຄື່ອນໄຫວ ທາງສາສນາ ໃນລາວ.

ນາງໄດ້ໃຫ້ປາກຄຳ ຕໍ່ສະພາສະຫະຣັຖ ກ່ຽວກັບ ການບີບບັງຄັບ ຜູ້ອົພຍົບ ຊາວມົ້ງ ຈາກໄທ ໃຫ້ກັບຄືນໄປລາວ ການທາຣຸນ ນັກ ໂທດ ຕ່າງຊາດ ແລະ ການກົດຂີ່ຂົ່ມເຫັງ ກຸ່ມສາສນາ ອື່ນໆໃນ ລາວ ຮ່ວມທັງການ ຫາຍສາບສູນ ຂອງຄົນມົ້ງ ອາເມຣິກັນ 3 ຄົນ ຈາກເມືອງແຊັງພໍ ຣັຖມິນນີໂຊຕາ ປັດຈຸບັນຄາດວ່າຍັງຖືກກັກຂັງ ໃນລາວຢູ່ ໃນນັ້ນກໍມີ ນາຍອາກີ ຢາງ ນາຍ ກົງຊີນັງຢາງ ແລະ ນາຍ ຕຣີລຽນ ຢັງໄຮຊອງ. ນາງ ເຄ ເດນສ໌ ເປັນຄົນສຳຄັນ ໃນການ ໃຫ້ຂໍ້ມູນ ດັ່ງກ່າວ ແກ່ ສະພາສະຫະຣັຖ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ