ຊາຍແດນລາວ-ກຳພູຊາ ງຽບລົງ

ສິດນີ
2017-09-01
ອີແມວລ໌
ຄໍາເຫັນ
Share
ພິມ
ເຂດຊາຍແດນ ລາວ ແລະ ກໍາພູຊາ ທີ່ມີການທຽວ ໄປມາຫາສູ່ກັນ ເປັນປະຈໍາ
ເຂດຊາຍແດນ ລາວ ແລະ ກໍາພູຊາ ທີ່ມີການທຽວ ໄປມາຫາສູ່ກັນ ເປັນປະຈໍາ
RFA

ສະພາບການຄວາມເຄັ່ງຕຶງ ຕາມເຂດຊາຍແດນ ລາວ-ກຳພູຊາ ຣະຫວ່າງແຂວງອັດຕະປື ແລະແຂວງຊຽງແຕງ ດີຂື້ນຫຼັງຈາກສອງຝ່າຍ ໄດ້ຖອນທະຫານ ອອກຈາກຈຸດ ຂັດແຍ່ງ ເຮັດໃຫ້ ປະຊາຊົນ ທັງສອງແຂວງ ໄດ້ເດີນທາງ ໄປມາຫາສູ່ກັນ ເປັນປົກກະຕິ ປາສຈາກ ຄວາມຢ້ານກົວ. ດັ່ງເຈົ້າຫນ້າທີ່ ແຂວງອັດຕະປື ທ່ານນື່ງ ກ່າວໃນວັນທີ 31 ສິງຫາ ນີ້ວ່າ:

"ກະມີມາຫຼາຍຢູ່ເຂົາກະທຽວໄປທຽວມາເດ້ ຄົນລາວກໍມີ ຈຳນວນນຶ່ງ ເຂົ້າໄປກຳປູເຈັຽ ໄປທັມມະດາ ບໍ່ມີຫຍັງ ບໍ່ໄດ້ແຕກຕື່ນ ຫຍັງດອກ ສອງຊາຍແດນ ຫັ້ນເວົ້າຄຳລາວ ຫມົດເດ້ ທາງລາວ ກໍບໍ່ມີທະຫານດອກ ເພາະວ່າມັນ ກໍບໍ່ຫນ້າຊີ່ເປັນເສິກ ກັນດອກນະ".

ທ່ານກ່າວຕື່ມວ່າ ສຳລັບຈຳນວນຄົນລາວ ແລະກຳພູຊາ ທີ່ເດີນທາງເຂົ້າອອກຕາມດ່ານ ໃນແຕ່ລະມື້ນັ້ນ ບໍ່ສາມາດ ຣະບຸໄດ້ວ່າ ມີຈັກຄົນ ແຕ່ສ່ວນຫຼາຍ ຈະເປັນຄົນກຳພູຊາ ເຂົ້າມາລາວ. ດັ່ງພໍ່ຄ້າທີ່ເຂົ້າມາຂາຍເຄື່ອງ ຕາມແນວຊາຍແດນ ສ່ວນຄົນລາວນັ້ນຈະເຂົ້າໄປ ກຳພູຊາ ນັ້ນມີຫນ້ອຍ ຍ້ອນເຂົາ ບໍ່ມັກໄປ ປານໃດ.

ໃນຣະຍະເວລາ ທີ່ມີການເຄື່ອນຍ້າຍ ທະຫານມາປະຈຳການ ໃນເຂດຂັດແຍ່ງ ຣະຫວ່າງ ບ້ານຫ້ວຍຕະເນົາ ເມືອງພູວົງ ແຂວງອັດຕະປື ກັບບ້ານໂອອະລັຍ ເມືອງ ຣັດຕະນະຄີລີ ຂອງກຳພູຊານັ້ນ ປະຊາຊົນລາວກໍແຕກຕື່ນ ເລັກນ້ອຍ ແຕ່ກໍບໍ່ເຖີງຂັ້ນວ່າ ມີຄວາມຢ້ານກົວ ຈົນ ບໍ່ສາມາດ ອອກຈາກບ້ານ.

ໃນປັດຈຸບັນເຂດ ດັ່ງກ່າວ ບໍ່ມີລາຍງານວ່າ ມີທະຫານ ປະຈຳການຢູ່ ຄນະກັມມະການຊາຍແດນ ຣະຫວ່າງ ສອງປະເທດ ຈະປືກສາຫາ ລືກັນ ໃນການປັກຫຼັກກໝາຍ ເຂດແດນ ໃຫ້ຖືກຕ້ອງ.

ເຕັມຫນ້າ