ໂຮງຮຽນຊຸດໂຊມໄດ້ປິດ ຍາມຝົນ

ອຸ່ນແກ້ວ ສຸກສະຫວັນ
2019-02-20
ອີແມວລ໌
ຄໍາເຫັນ
Share
ພິມ
ເດັກນ້ອຍນັກຮຽນລາວ ໃນເຂດຊົນນະບົດ ທີ່ຍັງຂາດ ອຸປກອນ ການຮຽນການສອນ ຮວມທັງຫ້ອງຮຽນ ໂຕະຕັ່ງ ແປ້ນມ້າ
ເດັກນ້ອຍນັກຮຽນລາວ ໃນເຂດຊົນນະບົດ ທີ່ຍັງຂາດ ອຸປກອນ ການຮຽນການສອນ ຮວມທັງຫ້ອງຮຽນ ໂຕະຕັ່ງ ແປ້ນມ້າ
RFA/PN

ໂຮງຮຽນຊັ້ນປະຖົມ ບ້ານກໍເພນ ເມືອງສິງ ແຂວງຫລວງນ້ຳທາ, ຊຶ່ງເປັນເຂດຫ່າງໄກສອກຫລີກ ບໍ່ສາມາດເປີດການຮຽນ-ການສອນ ໄດ້ ໃນຍາມຝົນ, ຍ້ອນວ່າ ຫລັງຄາມຸງດ້ວຍຫຍ້າ ແລະຝາແອ້ມກໍບໍ່ມີ ແລະ ນັກຮຽນປະມານ 90 ຄົນ ທີ່ເປັນຊົນເຜົ່າ ຢູ່ໂຮງຮຽນແຫ່ງນີ້, ບໍ່ສາມາດເດີນທາງ ມາໂຮງຮຽນໄດ້ໃນຍາມຝົນ ຍ້ອນຖະໜົນຫົນທາງ ເປັນຫລຸມ ເປັນຕົມ. ເຈົ້າຫນ້າທີ່ຜແນກສຶກສາທິການ ແລະ ກິລາ ແຂວງຫລວງນ້ຳທາ ໄດ້ກ່າວ ຕໍ່ເອເຊັຽເສຣີ ໃນວັນທີ 19 ກຸມພາ ວ່າ:

"ດຽວນີ້ມັນຈະລົ້ມແລ້ວ ຫລັງຈາກຝົນຕົກຫລາຍມື້, ນັກຮຽນຈະຂາດຫລາຍເຄິ່ງນຶ່ງພູ້ນແຫລະ, ຍ້ອນວ່າເສັ້ນທາງມັນມື່ນໄປຍາກ, ຣົດໄປບໍ່ໄດ້ ມັນເປັນດອຍ ຝົນຕົກມັນໄປມາຍາກ, ມັນມີຂື້ນຕົມທັງມື່ນ ຖ້າຝົນຕົກນີ້ ບໍ່ຊ່າງໄປເລີຍ, ປີນີ້ກໍເດືອນ 5 ເດືອນ 6 ພູ້ນກ່າ."

ທ່ານກ່າວຕື່ມວ່າ, ຍັງບໍ່ມີໂຄງການໃດເຂົ້າມາຊ່ອຍເຫລືອເທື່ອ, ທາງໂຮງຮຽນກໍຂໍງົບປະມານຈາກທາງການ ມາຫລາຍປີແລ້ວ ແຕ່ຍັງບໍ່ມີ ຄຳຕອບ ສິ່ງຕ້ອງການທີ່ສຸດ ກໍແມ່ນໂຮງຮຽນຫລັງໃຫມ່ ທີ່ໄດ້ ມາຕຖານ, ເພື່ອໃຫ້ນັກຮຽນມີບ່ອນຮຽນໄດ້ທຸກຣະດູການ, ຊຶ່ງໃນປັດຈຸບັນນີ້, ໂຮງຮຽນທີ່ມີຢູ່ກໍຫລັງຄາຮົ່ວ, ຝົນຜະ, ລົມພັດ, ຮ່ວມທັງກ໋ອກນ້ຳ ແລະສ້ວມຖ່າຍກໍບໍ່ມີ:

"ໂຮງຮຽນຊີ່ລົ້ມແລ້ວນ່າ, ໂຄງການກໍບໍ່ມີ, ຢູ່ກັນຈັ່ງຊີ້, ຂໍທາງການກໍບໍ່ຕອບສນອງໃຫ້, ຢາກສ້າງໂຮງຮຽນຫຼັງໃຫມ່ ອີກຫຼັງນຶ່ງ, ໂຮງຮຽນ ທຳໄວ້ມັນມີຫຼັງດຽວສອງຫ້ອງບໍ່ພໍ, ຢາກສ້າງຫ້ອງການ ແລະກໍຢາກສ້າງນ້ຳກອ໊ກ, ນ້ຳລ້າງມືຫັ້ນນ່າ, ມາໂຮງຮຽນກໍຍ້ອນບໍ່ມີ, ສ່ວນຫຼາຍ ຂະເຈົ້າໃຊ້ ນ້ຳດິນນຳບ້ານເຂົາຕັກມາຫັ້ນນ່າ."

ເຖິງຢ່າງໃດກໍຕາມ, ທ່ານຫວັງວ່າ ຈະໄດ້ຮັບງົບປະມານ ຈາກທາງການ ເພື່ອມາສ້ອມແປງໂຮງຮຽນ ຫລັງນີ້, ໃຫ້ໄດ້ມາຕຖານດີຂຶ້ນ ຫລື ປຸກຫລັງໃຫມ່, ແຕ່ທີ່ຜ່ານມາ ຍັງບໍ່ມີໜ່ວຍງານໃດ ເຂົ້າມາຊ່ອຍເຫລືອ.

ເຕັມຫນ້າ