ກົດໝາຍໃໝ່ຂອງລາວ ຈະ ບັ່ນທອນ ສິດທິ ຊຸມນຸມ

ສິດນີ
2018-07-11
ອີແມວລ໌
ຄໍາເຫັນ
Share
ພິມ
ຊາວລາວທີ່ນັບຖືສາສນາຄຣິສຕຽນ ທີ່ແຂວງຊຽງຂວາງ ກຳລັງປະກອບພິທີ ນະມັສການປະຈຳສັປດາ
ຊາວລາວທີ່ນັບຖືສາສນາຄຣິສຕຽນ ທີ່ແຂວງຊຽງຂວາງ ກຳລັງປະກອບພິທີ ນະມັສການປະຈຳສັປດາ
RFA/LX

ສິດທິການໄຫວ້ພຣະສູດມົນ ໃນຊຸມຊົນ ຫລືເປັນກຸ່ມໃຫຍ່ໆ ຂອງຊາວຄຣິສຕຽນໃນລາວ ຈະມີຄວາມສ່ຽງ ຖ້າກົດໝາຍໃໝ່ລາວ ຖືກບັງຄັບ ໃຊ້ ຍ້ອນວ່າກົດຫມາຍໃຫມ່ ໄດ້ກຳນົດໃຫ້ ການຊຸມນຸມຕ່າງໆ ຫຼື ຊຸມນຸມທາງສາສນາ ຕ້ອງໄດ້ຮັບໃບອະນຸຍາດ ຈາກຫຼາຍຜແນກການ ຂອງ ສປປ ລາວ.

ນາຍົກຣັຖມົນຕຣີລາວ ທ່ານ ທອງລຸນ ສີສຸລິດ ໄດ້ລົງນາມໃນດຳຣັດດັ່ງກ່າວ ໃນເດືອນສິງຫາ 2017 ຖ້າຖືກບັງຄັບໃຊ້ຢ່າງເປັນທາງການ ຈະເປັນຄວາມສ່ຽງຕໍ່ສິດທິ ການນັບຖືສາສນາອື່ນໆໃນລາວ ໃນການຊຸມນຸມ ທາງດ້ານສາສນາ ເປັນຕົ້ນສາສນາ ຄຣິສຕຽນ.

ອີງຕາມການຣາຍງານຂອງອົງການຄຣິສຕຽນ online, the voice of Martyrs ຣະບຸວ່າກົດໝາຍດັ່ງກ່າວ ເນັ້ນຈຸດປະສົງໃສ່ການຊຸມນຸມ ເປັນຫລັກ ບໍ່ວ່າຈະເປັນການຊຸມນຸມ ທາງດ້ານສາສນາ ຫລືທາງດ້ານການເມືອງ ຫລືບໍ່ ກໍແມ່ນການຊຸມນຸມກ່ຽວກັບ ສະຫະພັນກັມມະກອນ ຣັຖບານລາວ ຕ້ອງການຄວບຄຸມ ການຊຸມນຸມທີ່ມີກຸ່ມຄົນຫລາຍ ເຂົ້າໂຮມກັນນັ້ນຢູ່ສເມີ, ຍ້ອນຢາກຮູ້ວ່າ ມີໃຜແດ່ເຂົ້າຮ່ວມແລະໂອ້ລົມກັນ ເຣື້ອງຫຍັງ ໃນຈຸດປະສົງອັນໃດ.

ອົງການດັ່ງກ່າວເວົ້າວ່າ ຈຸດປະສົງຂອງກົດຫມາຍນີ້ ບໍ່ແມ່ນແນເປົ້າໃສ່ການຊຸມນຸມ ໂດຍທົ່ວໄປ ອາດແນ່ເປົ້າໃສ່ການນັບຖືສາສນາ ຫຼາຍກວ່າຍ້ອນກຸ່ມນັບຖືສາສນາ ໂດຍສະເພາະສາສນາຄຣິສຕຽນ ຈະໃຊ້ການໄຫວ້ພຣະສູດມົນເປັນກຸ່ມຫຼາຍກວ່າ ບໍ່ວ່າຈະຢູ່ໃນໂບດ ຫລືໃນສະຖານທີ່ຊຸມຊົນ. ສະນັ້ນກົດຫມາຍດັ່ງກ່າວ ຂອງທາງການລາວ ຖ້າຖືກບັງຄັບໃຊ້ ແຮ່ງຈະເພີ້ມຄວາມສ່ຽງຕໍ່ສິດທິການນັບຖື ສາສນາຄຣິສຕຽນ ໃນລາວຫລາຍຂຶ້ນ.

ຄໍາເຫັນ (2)
Share

(ລາວ

ຈາກ ລາວ

ບັນຫາຂອງຜູ້ນໍາສປປລາວນີ້ ນັ້ນຄືຈະແກ້ບັນຫາຍາກຫຼາຍ ຖ້າບໍ່ໄຊ້ມາດຕະການແບບທີ່ໄຊ້ ກັບຜູ້ນໍາຂອງປະເທດອີຣັກ ແລະລີເບັຍຄືຊັດດັມ ແລະແຄດດາຟີ, ແລະຈະເຮັດໄຫ້ຜູ້ນໍາລາວ ລຽນແບບຜູ້ນໍາທະຫານພະມ້ານັ້ນ ຂອ້ຍຄິດວ່າບໍ່ງ່າຍຄືກັນ ສນັ້ນຄົນລາວທຸກຄົນທີ່ສແຫວງຫາ ສັນຕິພາບທີ່ຢູ່ໃນແລະນອກນັ້ນ ຂ້າພະເຈົ້າຄຶດວ່າໃຫ້ຊອກຫາ ທີ່ໝັ້ນແລະຈຸດຢືນໄໝ່ ທີ່ອາດຈະດີກ່ວາໃຫ້ມັນຮູ້ກັນໄປເລີຍນໍ້ວ່າ ໃຜຈະຢູ່ແລະໃຜຈະໄປພວກທ່ານທັງຫຼາຍຄິດວ່າຈັ່ງໃດ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 23, 2018 08:03 AM

(

Never trust commies.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2018 12:25 PM

ເຕັມຫນ້າ