ເມືອງເຟືອງເກັບເງິນເພື່ອຈັດ ກອງປະຊຸມ

ສຸພັດຕາ
2018-10-11
ອີແມວລ໌
ຄໍາເຫັນ
Share
ພິມ
ທະນາບັດ ເງິນກີບ ສປປ ລາວ
ທະນາບັດ ເງິນກີບ ສປປ ລາວ
Public Domain

ອໍານາດການປົກຄອງ ເມືອງເຟືອງ ແຂວງວຽງຈັນ ໄດ້ອອກແຈ້ງການ ຂໍເກັບເງິນຈາກ ຫຼາຍພາກສ່ວນພາຍໃນເມືອງ ເປັນຕົ້ນ ພະນັກງານຣັຖກອນ ຕລອດຈົນເຖິງບັນດາ ນັກທຸຣະກິຈ ເພື່ອນໍາມາໃຊ້ ຈັດກອງປະຊຸມໃຫຍ່ ຂອງອົງການຈັດຕັ້ງ ມະຫາຊົນເມືອງ.

ສາເຫດທີ່ຕ້ອງອາສັຍ ການເກັບເງິນດັ່ງກ່າວ ຍ້ອນທາງການເມືອງ ຂາດງົບປະມານ. ດັ່ງເຈົ້າໜ້າທີ່ ເມືອງເຟືອງ ທ່ານນຶ່ງ ກ່າວຕໍ່ວິທຍຸ ເອເຊັຍເສຣີ ໃນວັນທີ່ 10 ຕຸລາ ນີ້ວ່າ:

“ກອງປະຊຸມຂອງອົງການໃຫຍ່ ຈັດຕັ້ງມະຫາຊົນ ທາງດ້ານງົບປະມານນີ້ ມັນກໍບໍ່ພຽງພໍ ເປັນກອງປະຊຸມ ຂັ້ນເມືອງ ໄທເຮົາກໍ ພ້ອມກັນ ແຜ່ສະ ແຜ່່ນໍານັກທຸຣະກິດ ຕລອດທັ້ງພະນັກງານ ຣັຖກອນ ທົ່ວເມືອງ ນີ້ຫັ້ນນະ ມີຄວາມຈໍາເປັນ ແນວນັ້ນ.”

ໃນແຈ້ງການສະບັບດັ່ງກ່າວ ຣະບຸວ່າ ພະນັກງານຣັຖກອນ ໃນເມືອງເຟືອງ ຈະເກັບຄົນລະ 30 ພັນກີບ, ການຈັດຕັ້ງຊາວໜຸ່ມບ້ານ ແລະ ໂຮງຮຽນ ໃນທົ່ວເມືອງເກັບ ຄົນລະ 5 ພັນກີບ, ນັກຮຽນຍິງ ແລະແມ່ຍິງ ທີ່ເປັນສະມາຊິກ ຊາວໜຸ່ມບ້ານ ເກັບຄົນລະ10 ພັນກີບ, ສະມາຊິກ ສະຫະພັນນັກຣົບເກົ່າຄົນລະ 5 ພັນກີບ, ນັກທຸຣະກິຈ ທັງພາຍໃນ ແລະຕ່າງປະເທດ ແລະ ໜ່ວຍບໍຣິການຕ່າງໆ ມີບັນຊີ ເກັບເງິນ ຕ່າງຫາກ.

ການເກັບເງິນສໍາລັບ ຈັດກອງປະຊຸມໃຫຍ່ ຂອງອົງການຈັດຕັ້ງມະຫາຊົນ ເມືອງເຟືອງ ໃນເທື່ອນີ້ ໄດ້ເກັບມາຕັ້ງແຕ່ ວັນທີ່ 4 ຕຸລາ ແລະ ຈະເກັບໄປຈົນຮອດ ວັນທີ່ 25 ຕຸລາ ນີ້.

ກ່ຽວກັບເຣື້ອງນີ້ ວິທຍຸເອເຊັຍເສຣີ ກໍໄດ້ຕິດຕໍ່ໄປຍັງ ພະນັກງານຣັຖກອນ ແລະ ເຈົ້າຂອງຮ້ານຂາຍເຄື່ອງ ຢູ່ເມືອງເຟືອງ ເພື່ອຂໍຄວາມເຫັນ ກ່ຽວກັບເຣື້ອງດັ່ງກ່າວ ແຕ່ບໍ່ມີໃຜ ໃຫ້ຄວາມເຫັນໄດ້.

ຄໍາເຫັນ (1)
Share

(

ຂະນາດກອງປະຊູມລະດັບຂອງເມືອງແທ້ໆ ລັດທະບານຍັງບໍ່ມີງົບມາຊ່ວຍເຫຼືອ ແລະຍັງມາເດືອດຮ້ອນນໍາເງິນປະຊາຊົນອີກ ແລ້ວພໍ່ແມ່ພີ່ນອ້ງປະຊາຊົນ ສິຄິດວ່າຜູ້ນໍາທີ່ສລາດສ່ອງໃສໄດ້ແນວໃດ, ຂອ້ຍປະຊາຊົນທໍາມະດາ ບໍ່ມີອໍານາດບໍ່ມີເງີນເດືອນ ບໍມີວຽກເຮັດງານທໍາ ສະນັ້ນປະຊາຊົນລາວຢາກໄຫ້ ລັດທະບານປ່ຽນທິດທາງໄໝ່ສາ ຫຼືວ່າສິໄຫ້ປະຊາຊົນປ່ຽນລັດທະບານໄໝ່ ນີ້ຄືມີສອງທາງເລືອກເທົ່ານັ້ນ ທີ່ຊາດລາວຈຶ່ງສິກ້າວໜ້ໄປໄຫ້ທັນໂລກເຂົາ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 25, 2018 12:03 PM

ເຕັມຫນ້າ