ອັງກິດຊ່ອຍກູ້ຣະເບີດ 4 ລ້ານ 5 ແສນໂດລາ

ພູວົງສ໌
2019-01-17
ອີແມວລ໌
ຄໍາເຫັນ
Share
ພິມ
ເຄື່ອງໝາຍ ໃນເຂດອັນຕະລາຍ ທີ່ມີລະເບີດຝັງຢູ່
ເຄື່ອງໝາຍ ໃນເຂດອັນຕະລາຍ ທີ່ມີລະເບີດຝັງຢູ່
RFA

ບໍຣິສັດເກັບກູ້ຣະເບີດໃນລາວ ໄດ້ຮັບເງິນຊ່ອຍເຫຼືອລ້າ ຈາກຣັຖບານອັງກິດເປັນຈຳນວນເງິນ 4 ລ້ານ 5 ແສນໂດລາ ເພື່ອໃຊ້ໃນວຽກງານ ເກັບກູ້ຣະເບີດ ທີ່ບໍ່ທັນແຕກໃນລາວໃນປີນີ້. ໃນການຊ່ອຍເຫຼືອນັ້ນ, ປະກອບດ້ວຍການເກັບກູ້ຣະເບີດ ທີ່ເມືອງໜອງແຮດ, ເມືອງຄູນ ແລະ ເມືອງຜາໄຊ ແຂວງຊຽງຂວາງ ຮວມທັງການສຳຣວຈພື້ນທີ່ເກັບກູ້ ທີ່ເມືອງບົວລະພາ ແລະ ຍົມມະຣາດ ແຂວງຄຳມ່ວນ.

ກ່ຽວກັບການຊ່ອຍເຫຼືອອົງການເກັບກູ້ຣະເບີດໃນລາວ ຂອງຣັຖບານອັງກິດຄັ້ງນີ້, ເຈົ້າໜ້າທີ່ໂຄງການເກັບກູ້ຣະເບີດ ປະຈຳແຂວງຊຽງຂວາງ ທ່ານນຶ່ງກ່າວວ່າ ການຊ່ອຍເຫຼືອ ໄດ້ເປັນໄປຕາມຄຳສເນີ ຂອງອົງການ MAG.

“ເປັນເປົ້າໝາຍເກົ່າຂອງຂະເຈົ້າເນາະ ທີ່ວ່າອົງການ British ຫຼືວ່າຈາກປະເທສອັງກິດ ໃຫ້ການຊ່ວຍເຫຼືອ. ຜ່ານມາຂະເຈົ້າຊ່ວຍເຫຼືອແຕ່ 2011 ຮອດ 2016 ແລ້ວ, ແຕ່ມາຣະຍະນີ້ຂະເຈົ້າພັດຢຸດ. ແຕ່ວ່າໃນປີນີ້, ຈາກການສເນີຂອງອົງການ MAG ເຫັນວ່າມີ ຄວາມຈຳເປັນ ຈະຕ້ອງໄດ້ສືບຕໍ່ ການເກັບກູ້ ເພາະຣະເບີດຍັງຫຼາຍຢູ່, ຫັ້ນນ່າ. ສນັ້ນ, ໃນປີນີ້ເຂົາຈຶ່ງຊ່ວຍອີກ."

ການຊ່ອຍເຫຼືອຈຳນວນເງິນ 4 ລ້ານ 5 ແສນໂດລາສະຫະຣັຖ ທີ່ໄດ້ເຊັນບົດບັນທຶກຄວາມເຂົ້າໃຈກັນ ໃນວັນທີ 14 ມົກຣານີ້ຈະເລັ່ງໃສ່ ວຽກງານກວດກາ ແລະເກັບກູ້ຣະເບີດ ທີ່ຕົກຄ້າງ ແລະຍັງບໍ່ທັນແຕກໃນຣະຍະເວລາ 13 ເດືອນ, ໂດຍຈະເຣີ້ມ ປະຕິບັດກັນ ແຕ່ເດືອນ ມົກກະຣາ ຫຼື ເດືອນກຸມພາ 2019 ນີ້ ເປັນຕົ້ນໄປ.

ເງິນບໍຣິຈາກດັ່ງກ່າວ ນອກຈາກຈະໃຊ້ໃນການເກັບກູ້ຣະເບີດແລ້ວ ຍັງຈະໃຊ້ໃນການສຳຣວຈພື້ນທີ່ ທີ່ຍັງມີຣະເບີດຕົກຄ້າງ ຢູ່ໃນຫຼາຍບ້ານ ໃນສອງແຂວງ ຈຳນວນ 39 ບ້ານ ແລະ ພື້ນທີ່ສ່ຽງ 195 ແຫ່ງ ໃນຣະຍະຄວາມກວ້າງ ປະມານ 8 ລ້ານ 5 ແສນ ແມັດມົນທົນ.

ຄໍາເຫັນ (2)
Share

(

With this money Mr Sonexay Siphandone can buy one more house in the capital city of UK.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 22, 2019 03:27 AM

Chong Lo Her

ຈາກ anouvong distric xaisombun

Dear. all Laotian people, the u.s department of justice, the world human right and amnesty international. Now we are the Mhong ( Hmong) hill trip the remanding CIA recruit foot soldiers who served the U.S. during the Vietnam war Era. Now is remanding in the Xiengkhouang and xaisombun provinces is now to be killed and surrounded by the Lao people army. Around 60 civilians to come to surrender the the Lao people army in the Phoubia the Moung Cha Xaisombun province district and many has be force to kill. On november 23, 2019 Lao people has ordered three battalions of troop to clean and kill the Hmong people who hide in the Mountain like animals they have no food,shelter and arms to defense and many has out to surrenders and all the men has be killed. So I need the World and the U.S. department of justice to come to see our people ans ask for human right justice form them Please: I am mr Chong Lo Her who love Freedom, democracy to the Lao Country.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 22, 2019 03:23 AM

ເຕັມຫນ້າ