ມ.ຊຸຍເມັງ ວ່ານໍ້າຖ້ວມປາກ

ມະນີຈັນ
2016-09-02
ອີແມວລ໌
ຄໍາເຫັນ
Share
ພິມ
ມາດາມ ຊຸຍເມັງ ຍັງເຊື່ອໝັ້ນວ່າ ຄົນລາວຮຸ້ນໃໝ່ ທີ່ໄດ້ຮຽນຮູ້ ຈາກ PADETC ຈະສືບຕໍ່ ວິສັຍທັສ ຂອງ ທ່ານ ສົມບັດ ສົມພອນ
ມາດາມ ຊຸຍເມັງ ຍັງເຊື່ອໝັ້ນວ່າ ຄົນລາວຮຸ້ນໃໝ່ ທີ່ໄດ້ຮຽນຮູ້ ຈາກ PADETC ຈະສືບຕໍ່ ວິສັຍທັສ ຂອງ ທ່ານ ສົມບັດ ສົມພອນ
RFA

ມາດາມ ຊຸຍເມັງ ພັລຍາຂອງ ທ່ານ ສົມບັດ ສົມພອນ ນັກພັທນາ ຊຸມຊົນ ດີເດັ່ນ ຂອງລາວ ທີ່ຖືກ ຫາຍສາບສູນ ຕັ້ງແຕ່ເດືອນ ທັນວາ 2012 ນັ້ນ ໄດ້ເປີດເຜີຍ ຕໍ່ RFA ບໍ່ມີຫຍັງ ຄືບໜ້າຈາກ ທາງການລາວ ກ່ຽວກັບ ການສືບສວນ ສອບສວນ ເຣື່ອງການ ຫາຍສາບສູນ ຂອງ ທ່ານ ສົມບັດ ເກືອບໄດ້ 4 ປີ ແລ້ວ ແລະຕົນເອງ ກໍ ບໍ່ສາມາດ ກົດດັນໃຫ້ ສານ ຫລື ຕໍາຣວດ ລາວ ເຮັດຫຍັງໄດ້, ຈົນເຮັດໃຫ້ ຕົນເອງ ຮູ້ສຶກ ອິດເມື່ອຍ:

"ມາດາມ ກ່າວວ່າ ບໍ່ມີຄວາມ ຄືບໜ້າ ຫລື ຂໍ້ມູນໃໝ່ ກ່ຽວກັບ ກໍຣະນີ ຂອງທ່ານ ສົມບັດ ແລະ ຕໍາຣວດ ບໍ່ໄດ້ຕິດຕໍ່ ກັບ ມາດາມ ເກືອບ 4 ປີ ແລ້ວ. ກົດໝາຍລາວ ຣະບຸໄວ້ ຢ່າງຈະແຈ້ງ ວ່າ ພົລເມືອງ ລາວທຸກຄົນ ຈະໄດ້ຮັບ ການຄຸ້ມຄອງ ຈາກການ ຖືກບັງຄັບ ໃຫ້ຫາຍ ສາບສູນ, ແຕ່ສານ ຈະເປີດເຜີຍ ຄວາມຄືບໜ້າ ກ່ຽວກັບ ກໍຣະນີ ນັ້ນ ຫລືບໍ່ ມາດາມ ກໍບໍ່ສາມາດ ເຮັດຫຍັງໄດ້ ເພື່ອໃຫ້ ສານ ຫລື ຕໍາຣວດ ສົ່ງຣາຍງານ ຄວາມຄືບໜ້າ ມາໃຫ້ ມາດາມ ຮູ້ນໍາ.

ຜ່ານມາ ມາດາມໄດ້ ຮັບກໍາລັງໃຈ ແລະ ການສນັບສນູນ ຈາກອົງການ ຈັດຕັ້ງ ສາກົລ ສື່ມວນຊົນ ແລະ ໝູ່ຄູ່ ຂອງ ທ່ານ ສົມບັດ ທັງຢູ່ພາຍໃນ ລາວ ແລະ ນອກປະເທດ, ແຕ່ການປົກປິດ ຄວາມ ຄືບໜ້າ ຂອງຄະດີ ທ່ານ ສົມບັດ ຕລອດ ລະຍະເວລາ ເກືອບ 4 ປີ ນັ້ນ ເພີ່ມຄວາມຍາກ ລໍາບາກ ໃຫ້ຕົນເອງ ໃນ ການຮັກສາ ການສນັບສນູນ ຈາກອົງການ ເຫລົ່ານັ້ນ.

ພ້ອມກັນນັ້ນ ມາດາມ ຊຸຍເມັງ ກໍຍັງ ເຊື່ອໝັ້ນ ວ່າ ຄົນຮຸ້ນໃໝ່ ໃນລາວທີ່ໄດ້ ຮຽນຮູ້ ຈາກ PADETC ແລະ ມີໂອກາດ ໄດ້ຮຽນຮູ້ ເຖິງວິສັຍທັສ ຂອງ ທ່ານ ສົມບັດ ສົມພອນ ຈະສືບຕໍ່ ແນວຄິດ ຂອງທ່ານ ສົມບັດ ແລະ ເຮັດໃຫ້ ສັງຄົມລາວ ມີການພັທນາ ຍືນຍົງ:

"ມາດາມ ກ່າວວ່າ ມາດາມ ເຊື່ອວ່າ ຊາຍໜຸ່ມ ຍິງສາວ ທີ່ເຮັດວຽກ ໃນອົງການ ພັທນາ ເອກຊົນ ຫລືພາກ ປະຊາສັງຄົມ ຍັງສົນໃຈ ແນວຄິດຂອງ ທ່ານ ສົມບັດ ຊຶ່ງຂະເຈົ້າ ຫຼາຍຄົນ ໄດ້ຮັບແຮງ ບັນດານໃຈ ໃນການ ເຮັດວຽກງານ ຈາກແນວຄິດ ຂອງທ່ານ ສົມບັດ ເຖິງແມ່ນວ່າ ພວກຂະເຈົ້າ ບໍ່ໄດ້ເວົ້າເຖິງ ທ່ານ ສົມບັດ ຫລາຍປານໃດ ກໍຕາມ ແຕ່ ມາດາມ ກໍເຊື່ອວ່າ ສິ່ງທີ່ ທ່ານ ສົມບັດ ໄດ້ເຮັດນັ້ນ ມີອິດທິພົລ ຕໍ່ແນວ ຄວາມຄິດ ຂອງ ຄົນໜຸ່ມສາວ ຫລາຍ".

ມາດາມ ຊຸຍເມັງ ຍັງມີຄວາມ ຫວັງວ່າ ສິດທິມະນຸດ ໃນລາວ ຈະເກີດການ ປ່ຽນແປງ ໄປໃນທາງ ທີ່ດີຂຶ້ນ ເຖິງຈະບໍ່ແມ່ນ ໃນໄວໆນີ້ ກໍຕາມ. ແລະວ່າ ການຢ້ຽມຢາມ ລາວ ຂອງ ປະທານາ ທິບໍດີ ສະຫະຣັຖ ອະເມຣິກາ ທ່ານ ບາຣັກ ໂອບາມາ ໃນຣະຫວ່າງ ກອງປະຊຸມ ສຸດຍອດ ອາຊຽນນີ້ ຈະເຮັດໃຫ້ ມີການ ທົບທວນ ສະພາບ ສິດທິມະນຸດ ໃນລາວ ຢ່າງ ກວ້າງຂວາງ ບໍ່ແມ່ນ ສະເພາະແຕ່ ກໍຣະນີ ຂອງ ທ່ານ ສົມບັດ ສົມພອນ ເທົ່ານັ້ນ.

ເຕັມຫນ້າ