ການສຶກສາຂຍາຍບໍ່ໄດ້ ຕາມແຜນ

2013-10-15
ອີແມວລ໌
ຄໍາເຫັນ
Share
ພິມ
ໂຮງຮຽນປະຖົມສົມບູນ ບ້ານໂພນສູງ ຊື່ງຢູ່ບໍ່ຫ່າງໄກຈາກ ນະຄອນຫລວງວຽງຈັນ
ໂຮງຮຽນປະຖົມສົມບູນ ບ້ານໂພນສູງ ຊື່ງຢູ່ບໍ່ຫ່າງໄກຈາກ ນະຄອນຫລວງວຽງຈັນ
Citizen Journalist

 

ຣັຖບານລາວ ຈະບໍ່ສາມາດຂຍາຍການສຶກສາໄປສູ່ເຂດຊົນນະບົດ ໃຫ້ໄດ້ຕາມແຜນເປົ້າໝາຍທີ່ວາງໄວ້ ເພາະຣັຖບານຂາດເຂີນງົບປະມານ ຂາດເຂີນຄຣູ ແລະພໍ່ແມ່ນັກຮຽນກໍຍັງທຸກຍາກ. ດັ່ງເຈົ້າໜ້າທີ່ຂັ້ນສູງຂອງກະຊວງສຶກສາແລະກິລາ ທ່ານນຶ່ງເວົ້າວ່າ:

“ເນື່ອງຈາກຄອບຄົວພໍ່ແມ່ ກໍຍັງທຸກຍາກຢູ່ ໄປທໍາການຜລິດຢູ່ເຂດຫ່າງໄກສອກຫລີກ ຖືວ່າສະພາບທາງດ້ານເສຖກິດສັງຄົມບໍ່ອໍານວຍຄວາມ ສະດວກ ເຮັດໃຫ້ຄອບຄົວນັ້ນຕ້ອງ ເຄື່ອນຍ້າຍໄປນໍາການຜລິດພໍ່ແມ່ກໍເອົາລູກຫລານໄປນໍາ ຈໍາເປັນພາໃຫ້ລູກຫລານປະລະການຮຽນ ການ ຄ້າງຫ້ອງນີ້ ມາຈາກການສິດສອນ ຂອງຄຣູຈໍານວນນຶ່ງທີ່ ເຮັດໃຫ້ນັກຮຽນຮຽນບໍໄດ້.”

ທ່ານ ທອງສິງ ທັມມະວົງ ນາຍົກຣັຖມົນຕຣີສປປລາວກ່າວຕໍ່ກອງປະຊຸມສະພາແຫ່ງຊາດເມື່ອເດືອນກໍຣະກະດາປີນີ້ວ່າຣັຖບານມີເປົ້າໝາຍຈະ ຂຍາຍການ ສຶກສາໄປສູ່ເຂດຊົນນະບົດສອກຫລີກຫ່າງໄກໃຫ້ທົ່ວເຖິງ ເຊັ່ນຈະຊຸກຍູ້ສົ່ງເສີມ ໃຫ້ເດັກນ້ອຍທີ່ມີອາຍຸຣະຫວ່າງ 6ຫາ10 ປີ ໃຫ້ ໄດ້ເຂົ້າໂຮງຮຽນເຖິງ 95 ສ່ວນຮ້ອຍ ພາຍໃນປີ 2015 ແຕ່ເມື່ອປີກາຍມີເດັກນ້ອຍພຽງແຕ່ 73 ສ່ວນຮ້ອຍເທົ່ານັ້ນ ໄດ້ຮຽນໜັງສື ຍັງເຫລືອ ຢູ່ເຖິງ 22 ສ່ວນຮ້ອຍຈຶ່ງຈະໄດ້ຕາມຣະດັບຄາດໝາຍ.

ການຂຍາຍການສຶກສາໄປສູ່ເຂດຊົນນະບົດ ຕ້ອງການງົບປະມານຫລາຍເພື່ອປຸກໂຮງຮຽນຖນົນຫົນທາງ ແລະເພື່ອຈ້າງນາຍຄຣູ ແຕ່ປັດຈຸບັນ ຣັຖບານລາວກຳລັງຂາດເຂີນງົບປະມານຢ່າງໜັກຕ້ອງປະຫຍັດແມ້ແຕ່ເງິນເດືອນຂອງຄຣູ ແລະພະນັກງານທີ່ມີຢູ່ແລ້ວນັ້ນກໍຍັງບໍ່ສາມາດຈ່າຍ ໃຫ້ພວກເຂົາເຈົ້າໄດ້.

ຄໍາເຫັນ (3)
Share

Boun

ຈາກ Vangvieng, Laos

5555, no money for school but have money for YAMA and hire somebody kill innocents Laotian. Laodeng needs to use the corruption money to hire teachers and built schools for the country side. If Laodeng gov cannot help Laotian PLEASE GET OUT NOW.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 16, 2013 10:39 AM

Boun

ຈາກ Vangvieng, Laos

5555, no money for school but have money for YAMA and hire somebody kill innocents Laotian. Laodeng needs to use the corruption money to hire teachers and built schools for the country side. If Laodeng gov cannot help Laotian PLEAS GET OUT NOW.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 16, 2013 10:38 AM

ຄ.ນະຄຳມ່ວນ

ຈາກ ຄຳເກີດ

ຖ້າວ່າແມ່ນຫຍັງ ກໍ່ບໍ່ໄປບໍ່ມາ ຂັດຂ້ອງທຸກຢ່າງ, ມັນກໍ່ເປັນການສົມຄວນ ແລະເຖິງເວລາແລ້ວ, ຈະຕ້ອງມອບ ທຸກສິ່ງທຸກຢ່າງ ໃຫ້ເຈົ້າຂອງປະເທດ ຈັດການ ຫາທາງອອກເອງ, ເຈົ້າຂອງປະເທດ ກໍ່ຄື ປະຊາຊົນ!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 16, 2013 10:34 AM

ເຕັມຫນ້າ