ທາງການລາວບໍ່ຈິງຈັງ ເຣື້ອງ ທ.ສົມບັດ

2013-06-25
ອີແມວລ໌
ຄໍາເຫັນ
Share
ພິມ
ວັນທີ 21 ມິຖຸນາ 2013: ກຸ່ມອະພິປຣາຍ ໃນໄທ ໄດ້ມີການ ສົນທະນາ ວິຈັຍ ການຫາຍສາບສູນ ຂອງ ທ່ານສົມບັດ ສົມພອນ ແລະ ສົນທະນາ ກ່ຽວກັບ ການເມືອງ ໃນ ສປປລາວ.
ວັນທີ 21 ມິຖຸນາ 2013: ກຸ່ມອະພິປຣາຍ ໃນໄທ ໄດ້ມີການ ສົນທະນາ ວິຈັຍ ການຫາຍສາບສູນ ຂອງ ທ່ານສົມບັດ ສົມພອນ ແລະ ສົນທະນາ ກ່ຽວກັບ ການເມືອງ ໃນ ສປປລາວ.
RFA

 

ເຈົ້າໜ້າທີ່ ອົງການ ທີ່ ບໍ່ຂຶ້ນ ກັບ ຣັຖບານ ຫລື NGO ໄທ ທ່ານນຶ່ງ ກ່າວ ໃນວັນທີ 25 ມີຖຸນາ 2013 ວ່າ ຣັຖບານ ລາວ ສືບສວນ ກໍຣະນີ ການ ຫາຍສາບສູນ ຂອງ ທ່ານສົມບັດ ສົມພອນ ແບບ ບໍ່ຈິງຈັງ ເທົ່າທີ່ຄວນ ຫລັງຈາກ ທີ່ຕົນໄດ້ ຕິດຕາມ ບົດຣາຍງານ ການສອບສວນ ຊອກຫາ ທ່ານ ສົມບັດ ສົມພອນ ມາເປັນຄັ້ງ ທີ 3 ແລ້ວ ແຕ່ກໍຍັງ ເປັນຂໍ້ມູລ ເກົ່າຢູ່:

"ທ່ານ ກ່າວວ່າ ນີ້ບໍ່ແມ່ນ ສິ່ງ ທີ່ຈະເອີ້ນວ່າ ການສອບສວນ ຢ່າງຈິງຈັງໄດ້ ເພາະມັນ ບໍ່ໄດ້ຕອບ ຄໍາຖາມ ອີ່ຫຍັງເລີຍ ທີ່ ຣັຖບານລາວ ອ້າງວ່າ ໄດ້ທໍາການ ສອບສວນ ຢ່າງຈິງຈັງ ໄປແລ້ວ ພວກເຮົາ ເຫັນວ່າ ຣັຖບານ ລາວ ຍັງບໍ່ໄດ້ ດໍາເນີນ ການ ແນວໃດ ທີ່ ເປັນແກ່ນສານ ເທື່ອ".

ທ່ານກ່າວ ຕໍ່ໄປວ່າ ເປັນເວລາ 6 ເດືອນ ແລ້ວ ທີ່ ທ່ານ ສົມບັດ ສົມພອນ ຖືກລັກພາ ຕົວໄປ ຊຶ່ງ ຣັຖບານ ລາວ ກໍຮູ້ວ່າ ນີ້ເປັນ ກໍຣະນີ ທີ່ໃຫຍ່ ຣະດັບ ປະເທດ ແລະ ຣະດັບ ພາກພື້ນ ໄປແລ້ວ ແຕ່ກໍບໍ່ມີ ທ່າທີ ວ່າຈະເພີ່ມ ການສືບສວນ ເພື່ອ ໃຫ້ ມີຜົລ ຄືບໜ້າ ມີຂໍ້ມູລ ທີ່ ໜັກແໜ້ນຂຶ້ນ ແຕ່ຢ່າງໃດ ເລີຍ. ພ້ອມດຽວກັນ ທ່ານກໍວ່າ ຫາກບໍ່ມີ ຫລາຍ ອົງການ ທົ່ວໂລກ ຄອຍກົດດັນ ຣັຖບານ ລາວ ຄືດັ່ງ ທຸກມື້ນີ້ ຣັຖບານລາວ ກໍ ຄົງຈະປ່ອຍ ໃຫ້ ທຸກຢ່າງ ງຽບຫາຍ ໄປເລີຍ.

ການຫາຍສາບສູນ ຂອງ ທ່ານ ສົມບັດ ສົມພອນ ເຮັດໃຫ້ ຊາວລາວ ສ່ວນໃຫຍ່ ແຮງ ບໍ່ກ້າເວົ້າ ເຣື່ອງ ການເມືອງ ອີກ ເພາະຢ້ານ ບໍ່ປອດພັຍ ຊຶ່ງ ເຈົ້າໜ້າທີ່ ໄທ ກໍເຊື່ອວ່າ ຫາກ ຣັຖບານລາວ ສາມາດ ແກ້ໄຂ ກໍຣະນີ ດັ່ງກ່າວ ໄດ້ ກໍອາຈເຮັດ ໃຫ້ ປະຊາຊົນ ເຊົາຢ້ານກົວ ແລະ ໃຊ້ຊີວິດ ຕາມ ປົກກະຕິ.

ຄໍາເຫັນ (6)
Share

ຄ.ນະຄຳມ່ວນ

ຈາກ ຄຳເກີດ

ບໍ່ມີຄວາມບັງເອີນ ໃນຊີວິຕ ຂອງສັພພະສັຕສ໌ ທັງຫລາຍ ບົນສາກົນນະໂລກ ແຫ່ງນີ້, ພຣະພຸດທະສາສນາ ສອນວ່າ: ສັຕສ໌ໂລກຍ່ອມ ເປັນໄປຕາມກັມ. ໄຜສ້າງກັມແນວໄດໄວ້ ກໍ່ຈະໄດ້ຮັບ ຜົລແຫ່ງກັມນັ້ນ ເປັນລາງວັນ ຕອບແທນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 10, 2013 12:55 PM

phetsakhat sorphainam

ຈາກ vientiane

the disappearance of mr. sombath become a game for the lao government to play and they will continue covering up.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 08, 2013 03:56 PM

ລູກໄກສອນ ພົມວີຫານ

ຈາກ ສະຫວັນນະເຂກ

ບັນຫາ ທ ສົມບັດນີ້ ບໍ່ເປັນບັນຫາ ໃຫຽ່ ໃຫ້ ລັດຖະບານ ສ ປ ປ ລາວ ດອກ. ເມືອກອ່ນ 1975-76 ກອ່ນວັນທີ ສອງ ທັນວາ ນັ້ນ ຜູ້ນາມ ພັກປະຊາຊົນ ປະຕິວັດລາວ ໄດ້ ລະດົມເອົາ ເຈົ້າມະຫາຊິວິດ ພອ້ມດວ້ຽ ຂ້າລາຊະການ ຝ່າຍຂວາ 45 ພັນ ຄົນ ໄປ ຂຸມຂັງ ແລະ ຂ້າໝົດຢູ່ ວຽງໃຊ ບໍ່ມີໃຜ ຊີກ້າເວົ້າ ກ້າປາກ ແດ່. ສ່ວນທີ່ເຫລືອຕາຍ ກໍ່ພາກັນລົບໜີ ຂ້າມຂອງ ເປັນກະຈິກ ກະຈາຍໄປ ທົ່ວມູມໂລກ ທ ສົມບັດ ແມ່ນ ປະຕິການ ລູກແລ້ງ ຕີນມື ຂອງ ຈັກະພັກອາເມລິກາ ທີ່ຫວັງກັບມາ ແຊກແຊງ ກິດຈະການ ພາຍໃນຂອງລາວ ຈິງ ຖືກລັດຖະບານ ສັ່ງການ ເອົາໄປຂ້າແບບ ລີ້ ລະ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 27, 2013 10:29 AM

ໄມ້ຂະຍູງ

ຈາກ ລາວ

ທ່ານ ສົມບັດ ສົມພອນ ບໍເຄີຍມີ ຜົນງານຫຍັງ ໃນ ປະເທດລາວ, ຕັ້ງແຕ່ເກີດມາ ບໍ່ເຄີຍໄດ້ງິນ ຜົນງານ ທີ່ພົ້ນເດັນ ຂອງເພິ່ນເລີຍ. ມີແຕ່ພວກສັດຕູ ຂອງ ປະເທດລາວ ຫັ້ນແລະ ຍ້ອງໜັກຍ້ອງໜາ ສ່ຳວ່າ ທ່ານ ສົມບັດ ເປັນພໍ່ເພິ່ນ ນີ້ແລະ. ເຊີນໃສ່ມາດຕະການ ມາໂລດ ປະທາດລາວ ບໍ່ເຄີຍຢ້ານໃຜ, ຕີຟຣັ່ງ ແລະ ອາເມລິກາ ກະຈົນຍອມມາແລ້ວ. ປະເທດລາວ ມີແຕ່ບໍ່ຄຳ ບໍ່ເງິນ ຢ່າຄິດວ່າ ປະເທດລາວ ຊິທຸກເດີ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2013 10:46 AM

ຊາວວຽງຈັນ

ຈາກ ນະຄອນຫຼວງວຽງຈັນ

ທາດແທ້ ຂອງລາວນອກ ກໍຄື ຕ້ອງການ ເຮັດທຸກວິທີທາງ ເພື່ອເຮັດໃຫ້ ຊີວິດການເປັນຢູ່ ຂອງລາວໃນ ທຸກຍາກ ລໍາບາກ ໂດຍການ ປຸກລະດົມ ໃຫ້ປະເທດນັ້ນ ປະເທດນີ້ ຕັດການຊ່ວຍເຫຼືອ ເຮັດໃຫ້ ປະເທດລາວ ເກີດມີຄວາມ ວຸ້ນວາຍ ແລະ ລາວນອກ ກໍຈະໄດ້ຄວາມສະໃຈ. ຂ້າພະເຈົ້າ ຄິດວ່າ ປະເທດລາວ ເປັນຂອງຄົນລາວ, ເປັນປະເທດ ທີ່ມີເອກະລາດ ແລະ ເປັນປະເທດ ທີ່ມີສັນຕິພາບ, ເຊິ່ງປັດຈຸບັນ ພວກເຮົາ ກໍາລັງຂຸ້ນຂ້ຽວ ສ້າງຮັ່ງຄູນມີ ໃຫ້ກັບ ປະເທດຊາດ ແລະ ປະຊາຊົນ, ເພື່ອໃຫ້ ປະເທດຊາດ ພົ້ນຈາກ ຄວາມທຸກຍາກ. ພວກເຮົາ ບໍ່ສົນໃຈດອກວ່າ ລາວນອກ ຈະປັ້ນເລື່ອງ ປັ້ນລາວ ເພື່ອໃສ່ຮ້າຍ ປ້ານສີ ປະເທດລາວ ທີ່ຫວງແຫນ ຂອງ ຄົນລາວໃນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2013 10:44 AM

ເບິ່ງຄວາມເຫັນທັງໝົດ.

ເຕັມຫນ້າ