ໂຣກຣະບົບຫາຍໃຈ ໃນແຂວງຜົ້ງສາລີ

ສາທາຣະນະສຸຂ ແຂວງຜົ້ງສາລີ ກວດພົບ ປະຊາຊົນ ເປັນໂຣກ ຣະບົບຫາຍໃຈ ມີຈໍານວນ ຫຼາຍຂື້ນໃນ ລະຍະຫົກເດືອນ ຜ່ານມາ.
ມະນີຈັນ
2010-06-07
Share

ໃນລະຍະ ຫົກເດືອນ ທີ່ຜ່ານມານີ້ ທາງສາທາຣະນະສຸຂ ແຂວງຜົ້ງສາລີ ໄດ້ກວດພົບ ປະຊາຊົນ ເປັນໂຣກ ທີ່ກ່ຽວພັນກັບ ຣະບົບຫາຍໃຈ ຫລາຍຂື້ນ ໂດຍສະເພາະ ໃນເຂດຫ່າງໄກ ຊຶ່ງປະຊາຊົນ ຍັງບໍ່ມີການ ຮັກສາອະນາມັຍ  ທີ່ດີ -ຕາມຄໍາເວົ້າຂອງ ທ່ານ ເປົາລີ ສີຈູມວົງ ຮອງຫົວໜ້າຜແນກ ສາທາຣະນະສຸຂ ແຂວງຜົ້ງສາລີ:

"ພາຍໃນຫົກເດືອນ ຜ່ານໄປແລ້ວນັ້ນ ກໍພົບວ່າ ເປັນໄຂ້ຫວັດ ຣະບົບຫາຍໃຈນີ້ ກໍພົບຫລາຍຢູ່ ອາຈຈະແມ່ນ ໄຂ້ຫວັດຣະດູການບໍ່ ຫລືວ່າ ແມ່ນຈໍານວນນຶ່ງ ກໍພົບໄຂ້ຫວັດ ຣະບົບຫາຍໃຈ".

ທ່ານ ເປົາລີ ກ່າວຕໍ່ໄປວ່າ ບັນດາແພດ-ໝໍ ແຂວງ ໄດ້ຮຽກປະຊຸມກັນ ເພື່ອຫາວິທີ ປ້ອງກັນ ແລະທາງຜແນກ ສາທາຣະນະສຸຂ ກໍໄດ້ປະສານງານ ເພື່ອໃຫ້ພນັກງານ ວິຊາການ ລົງໄປໂຄສນາ ແລະໃຫ້ຄໍາແນະນໍາ ແກ່ປະຊາຊົນ ກ່ຽວກັບການດູແລ ຮັກສາສຸຂພາບ ຂອງຕົນເອງ ແລະການປີ່ນປົວ ຢ່າງຖືກວິທີ ຖ້າເປັນໄຂ້ ມີບັນຫາ ໃນການຫາຍໃຈ.   

ສາເຫດ ສໍາຄັນທີ່ເຮັດໃຫ້ ມັກເປັນໄຂ້ ມີບັນຫາເລື້ອງ ການຫາຍໃຈ ທ່ານເປົາຫລີ ສີຈູມວົງ ບອກວ່າ ຍ້ອນສະພາບອາກາດ ໃນແຂວງພາກເໜືອ ມີການປ່ຽນແປງ ຢູ່ເລື້ອຍ ສົ່ງຜົລໃຫ້ ປະຊາຊົນ ທີ່ບໍ່ມີພູມຕ້ານສູງ ຕິດເຊື້ອພຍາດ ໄດ້ງ່າຍ:

"ສິ່ງທີ່ຫຍໍ້ທໍ້ ລະມັນເປັນນໍາ ອາກາດທາງເໜືອ ມີອາກາດ ປ່ຽນແປງ ຕລອດນັບແຕ່ ຜູ້ໃຫຍ່ເດັກນ້ອຍ ກໍເປັນໄອນີ້ ກໍມີ ຂຶ້ນກັບ ຣະດູການ ປ່ຽນແປງພາຍ ໃນຫົກ ເດືອນຜ່ານມາ".

ທ່ານເປົາລີ ກ່າວມ້ວນທ້າຍວ່າ ເຖິງແມ່ນວ່າ ຈະບໍ່ມີພຍາດ ທີ່ຮ້າຍແຮງ ຣະບາດໃນຊ່ວງນີ້ ແຕ່ກໍມີພຍາດ ຕາມຣະດູການ ເຊັ່ນໄຂ້ຫັວດ ໄອ ແລະ ພຍາດກ່ຽວກັບ ຣະບົບຫາຍໃຈ ຊຶ່ງ ທາງຜແນກ ສາທາຣະນະສຸຂ ແຂວງຜົ້ງສາລີ ກໍໄດ້ລົງເຜີຍແຜ່ ເລື່ອງການ ປ້ອງກັນພຍາດ ໃຫ້ປະຊາຊົນ ໃນເຂດຕ່າງໆ ບໍ່ໄດ້ຂາດ ໂດຍສະເພາະ ໃນເຂດຫ່າງໄກ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ