ສະຖິຕິ ໂຣກປອດອັກເສບ

ສາທາຣະນະສຸກ ແຂວງສວັນະເຂດ ເກັບກໍາ ຂໍ້ມູນ ຜູ້ປ່ວຍ ເປັນໂຣກອັກເສບ ໃນປອດ ສໍາລັບປີ 2008 ໄດ້ທັງໝົດ 1,592 ຄົນ.
ສົມເນ ຣາຍງານ
2008-11-07
Share

ການສໍາຣວດ ເອົາຂໍ້ມູນກ່ຽວກັບໂຣກນີ້ນັບວ່າ ເປັນປີທໍາອິດ ຢູ່ໃນແຂວງ​. ​ຫລັງຈາກ​ ​ໄດ້ຂໍ້ມູນແລ້ວ ທາງການລາວ ວ່າ ຈະຈັດທໍາ ເປັນສະຖິຕິໄວ້. ການເກັບກໍາ ຂໍ້ມູນໄດ້ດໍາເນີນ ຢູ່ໃນໝູ່ປະຊາຊົນໃນຕົວເມືອງໄກສອນພົມວິຫານ ເມືອງອຸທຸມພອນ ເມືອງອາດສະພັງທອງ ເມືອງພີນ.

ດຣ. ນູດາ ປະສິດທິ ຫົວໜ້ຫ້ອງການ ລະບາດ ວິທະຍາ ປະຈໍາແຂວງສວັນະເຂດ ກ່າວວ່າ ປັດຈຸບັນນີ້ເຮົາມີແຕ່ເຝົ້າລະວັງ ເບິ່ງໂຣກອັກເສບປອດໃນໝູ່ເດັກນ້ອຍແລະ ຄົນແກ່ ໂດຍສະເພາະ ໃນຍາມລະດູຝົນ​. ​ເຫດຜົນທີ່ຕ້ອງເກັບກໍາ ຂໍ້ມູນນີ້ ເນື່ອງຈາກວ່າ ອາການ ເປັນໂຣກອັກເສບ ໃນປອດ ມັນຄ້າຍຄືກັນ ກັບອາການ ເປັນໂຣກໄຂ້ຫວັດນົກ ແລະ ມີໂອກາດ ທີ່ຈະຕິດໂຣກໄຂ້ຫວັດນົກ ໄດ້ຖ້າຫາກວ່າ ໂຣກໄຂ້ຫວັດນົກ ລະບາດຂື້ນ:

“​ເກັບກໍາ ມາແຕ່ຕົ້ນປີ ຮອດປັດຈຸບັນ ກໍປະມານ 1,592 ຄົນ. ​ເປັນໂຣກປອດ ເຮົາເຝົ້າລະວັງ ເພາະຢ້ານ ມັນຈະຕິດບ່ຽງ ໄປທາງໄຂ້ຫວັດສັດປີກ ເຮົາກໍໄດ້ເຝົ້າລະວັງ ຄືກັນ

ທ່ານ ວ່າ ນັບຕັ້ງແຕ່ ​​ໂຣກໄຂ້ຫວັດສັດປີກ ໄດ້ລະບາດຂື້ນ​ ​ໃນແຂວງສວັນະເຂດ ເມື່ອປີ 2007

ເຮັດໃຫ້ທາງແນກ ສາທາຣະນະສຸກຕ້ອງໄດ້ຕຽມແຜນໄວ້ ເພື່ອເຝົ້າລະວັງ ຢ້ານວ່າ ໂຣກນີ້ຈະເກີດຂື້ນອີກ ດັ່ງນັ້ນ ຈື່ງໄດ້ຈັດທໍາ ສະຖິຕິ ຄົນເປັນໂຣກປອດອັກເສບໄວ້.

ນອກຈາກ ຕິດຕາມເຝົ້າລະວັງ ໂຣກປອດອັກເສບແລ້ວ ທາງສາທາຣະນະສຸກແຂວງ ຍັງໄດ້ຕິດຕາມ ໂຣກ ຈໍານວນ 29 ​ໂຣກ ດ້ວຍກັນ ນັບຕັ້ງແຕ່ ພະຍາດຖອກທ້ອງ ພະຍາດທ້ອງບິດ ພະຍາດ ໃນລໍາໃສ້ ພະຍາດ ປອດແຫ້ງ ໄຂ້ຫັວດ ໄຂ້ເລືອດອອກ ພະຍາດເບົາຫວານ ແລະ ອື່ນໆ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ