ແຜນຊ່ວຍເຫຼືອຜູ້ເຄາະຮ້າຍ ຈາກຣະເບີດຕົກຄ້າງ

ທາງກາຣກ່ຽວຂ້ອງ ຂອງລາວ ກໍາລັງຮ່າງ ຍຸທສາຕ ເພື່ອຊ່ວຍເຫລືອ ຜູ້ເຄາະຮ້າຍ ຈາກຣະເບີດ ຕົກຄ້າງ ທີ່ແຕກໃສ່ ໃຫ້ເປັນຮູປທັມ.
ຫວາດ ສີມູນ
2010-11-11
ອີແມວລ໌
ຄໍາເຫັນ
Share
ພິມ
ຜູ້ຖືກເຄາະຮ້າຍ ຈາກຣະເບີດຕົກຄ້າງ ແຕກໃສ່(ຜູ້ຊາຍແລະຜູ້ຢູ່ກາງ)
ຜູ້ຖືກເຄາະຮ້າຍ ຈາກຣະເບີດຕົກຄ້າງ ແຕກໃສ່(ຜູ້ຊາຍແລະຜູ້ຢູ່ກາງ)
PX/RFA

ກົດຟັງສຽງ

ຄນະກັມກາຣ ຄຸ້ມຄອງແຫ່ງຊາຕ ເພື່ອແກ້ໄຂ ບັນຫາ ກ່ຽວກັບຣະເບີດ ທີ່ບໍ່ທັນແຕກ ຫລື UXO ໄດ້ຮ່າງແຜນກາຣ ເພື່ອໃຫ້ຄວາມ ຊ່ວຍເຫລືອ ຜູ້ປະສົບ ເຄາະຮ້າຍ ໃຫ້ເປັນຮູປທັມ ເນື່ອງຈາກວ່າ ໃນຣະຍະ ທີ່ຜ່ານມາ ທາງກະຊວງ ທີ່ຮັບຜິດຊອບ ນຳກາຣຊ່ວຍເຫລືອ ກໍບໍ່ມີ ກາຣບົ່ງບອກ ຢ່າງແຈ່ມແຈ້ງ ກ່ຽວກັບ ກາຣປິ່ນປົວ ຫລືກາຣຊອກຫາ ວຽກເຮັດງານທຳ ໃຫ້ແກ່ ຜູ້ທີ່ໄດ້ ຮັບເຄາະຮ້າຍ ແຕ່ຢ່າງໃດ ດັ່ງທ່ານ ພູຂຽວ ຈັນທະສົມບຸນ ຜູ້ອຳນວຍກາຣ ຄນະກັມກາຣ ຄຸ້ມຄອງ ແຫ່ງຊາຕ ນະຄອນຫລວງ ວຽງຈັນ ໄດ້ກ່າວວ່າ:

"ດຽວນີ້ ຄນະກັມກາຣ ຄຸ້ມຄອງແຫ່ງຊາຕ ພວກເຮົາຮ່າງ ຍຸທສາຕ ໃນກາຣຊ່ວຍເຫລືອ ຜູ້ເຄາະຮ້າຍ ຈາກຣະເບີດ ບໍ່ທັນແຕກ ນີ້ຢູ່ ຄາດວ່າ ໃນບໍ່ດົນນີ້ ຈະໄດ້ນຳສເນີ ຣັຖບາລ ເພື່ອໃຫ້ ເພີ່ນຮັບຮອງ ຄວາມຈິງນີ້ ພວກເຮົາມີ ນະໂຍບາຍ ອັນນີ້ ພຽງແຕ່ວ່າ ຄວາມເປັນລະອຽດ ຂອງມັນ ບໍ່ທັນມີ ວ່າແມ່ນ ກະຊວງໃດ ຕ້ອງເຮັດຫຍັງ ບໍ່ທັນໄດ້ ຣະບຸຊັດເຈນ".

ພ້ອມດຽວກັນນີ້ ທ່ານກໍວ່າ ຈຸດປະສົງ ທີ່ຈັດຮ່າງ ເອກສາຣຍຸທສາຕ ດັ່ງກ່າວນີ້ ກໍເພື່ອໃຫ້ ຄວາມຊ່ວຍເຫລືອ ປິ່ນປົວ ແລະຟື້ນຟູ ສຸຂພາບຮ່າງກາຍ ຂອງຜູ້ໄດ້ ຮັບເຄາະຮ້າຍ ຕລອດໃຫ້ ຄວາມຊ່ວຍເຫລືອ ດ້ານຫາວຽກ ກາຣງານ ແລະປົກປ້ອງ ສິທທິ ຜົລປໂຍດຕ່າງໆ ຊຶ່ງທັ້ງໝົດນີ້ ກໍພຽງແຕ່ເປັນ ນະໂຍບາຍ ຂອງແຜນກາຣ ຊ່ວຍເຫລືອ ຜູ້ປະສົບ ເຄາະຮ້າຍ:

"ອັນ ນີ້ຄວາມເປັນຈິງ ກໍບໍ່ເຖິງຂັ້ນ ເປັນກົດໝາຍ ມັນເປັນ ເອກສາຣຍຸທສາຕ ເປັນແຜນກາຣ ໃນກາຣຊ່ວຍ ຜູ້ປະສົບ ເຄາະຣ້າຍ ຈາກຣະເບີດ ບໍ່ທັນແຕກ ອາຈຈະໄປຜ່ານ ກອງປະຊຸມ ຣັຖບາລ ແລະ ເພີ່ນກໍອາຈມີ ຄວາມເຫັນ ເພື່ອມາ ປັບປຸງຕື່ມ ແລະກໍສເນີໃຫ້ ທ່ານນາຍົກ ເຊັນຮັບຮອງ".

ເຈົ້າໜ້າທີ່ລາວ ທ່ານນີ້ ໄດ້ກ່າເນັ້ນ ເພີ່ມວ່າ ຮ່າງຍຸທສາຕ ດັ່ງກ່າວ ໃນເມື່ອມີ ກາຣຈັດຕັ້ງ ປະຕິບັຕ ໄປຊົ່ວຣະຍະ ໜຶ່ງແລ້ວ ຖ້າເຫັນສົມຄວນ ທີ່ຈະນຳມາ ເປັນກົດໝາຍ ໄດ້ນັ້ນ ທາງຄນະກັມກາຣ ກ່່ຽວຂ້ອງ ຈະຕ້ອງມີ ກາຣປັບປຸງ ແລະ ສເນີຕໍ່ທາງ ຣັຖບາລ ໃຫ້ມີກາຣ ພິຈາຣະນາ ໃນຂັ້ນຕໍ່ໄປ.

ເຕັມຫນ້າ