ອົງການໄຟຟ້າລາວ ຕ້ອງເນັ້ນໜັກສີ່ງແວດລ້ອມ

ຣັຖວິສາຫະກິຈ ໄຟຟ້າ ລາວ ເນັ້ນເຣື່ອງ ກາຣກວດສອບ ຜົລກະທົບ ດ້ານສິ່ງ ແວດລ້ອມ.
ຫວາດ ສີມູນ
2011-04-26
ອີແມວລ໌
ຄໍາເຫັນ
Share
ພິມ

ກົດຟັງສຽງ

ກ່ຽວກັບ ແຜນກາຣ ພັທນາ ໄຟຟ້າ ສປປລາວ ໃນປັຈຈຸບັນ ນີ້ ທາງ ຣັຖບາລ ຍັງຈະສືບຕໍ່ ກາຣພັທນາ ໂຄງກາຣ ສ້າງເຂື່ອນ ໄຟຟ້າ ພລັງນ້ຳ ໃນທົ່ວ ປະເທສ ໃຫ້ໄດ້ ໂດຽມີກາຣ ເພີ່ມດ້ານ ເງື່ອນໄຂ ກ່ຽວກັບ ກາຣກວດກາ ແລະ ພິຈາຣະນາ ຜົລກະທົບ ທາງດ້ານ ສິ່ງແວດລ້ອມ ໃຫ້ລະອຽດ ຫລາຍຂຶ້ນ ກວ່າເກົ່າ. ດັ່ງເຈົ້າໜ້າທີ່ ກ່ຽວຂ້ອງ ຈາກ ຣັຖວິສາຫະກິຈ ໄຟຟ້າ ລາວ ກ່າວວ່າ:

“ເນັ້ນໜັກ ເຣື່ອງ ສະພາບ ແວດລ້ອມ ປະຕິບັຕ ສະພາບ ແວດລ້ອມ ໄດ້ ກໍແມ່ນ ກໍຖືວ່າ ໂຄງກາຣຖືກ ອະນຸມັຕ ຫລືວ່າເຣັດ ຣາຍງານ ໄປຫາ ກະຊວງ ສິ່ງແວດລ້ອມ ເພື່ນມີ ຄວາມເຫັນ ກໍແລ້ວ ແຕ່ວ່າເພີ່ນ ມີຄວາມເຫັນ”.

ພ້ອມດຽວກັນນີ້ ທ່ານກໍວ່າ ຈາກກະແສ ຕໍ່ຕ້ານ ຂອງອົງກອນ ດ້ານສິ່ງ ແວດລ້ອມ ຕ່າງປະເທສ ແລະ ຈາກປະເທສ ເພື່ອນບ້ານ ທີ່ໄດ້ແສດງ ຄວາມເປັນຫ່ວງ ນຳໂຄງກາຣ ສ້າງເຂື່ອນ ໃນທົ່ວປະເທສ ລາວ ທີ່ຢ້ານ ຈະສ້າງຜົລ ກະທົບ ຕໍ່ປ່າໄມ້ ຕລອດສັຕ ແລະກາຣປະມົງ ຕ່າງໆນັ້ນ ທາງກາຣລາວ ຈຶ່ງຈະມີ ກາຣກວດສອບ ຢ່າງເຂັ້ມງວດ ໂດຽສະເພາະ ທີ່ຕ້ອງໄດ້ ມີກາຣ ຕັດໄມ້ ອອກຈາກເຂຕ ທີ່ມີກຳໜົດ ລົງມື ກໍ່ສ້າງ ເຂື່ອນຕ່າງໆ.

ສະນັ້ນ ທາງກະຊວງ ພລັງງານ ແລະ ບໍ່ແຮ່ ຈຶ່ງໄດ້ອອກ ແຜນກາຣ ໄປຍັງທາງ ບໍຣິສັທ ຜູ້ ພັທນາ ທີ່ໄດ້ຮັບ ສັມປະທານ ນັ້ນ ໄດ້ສຳຣວຈ ແລະ ວິຈັຍ ຢ່າງຮອບຄອບ ແລະ ຄັກແນ່ ເສັຽກ່ອນໆ ທີ່ຈະຮັບ ຜ່ານກາຣ ພິຈາຣະນາ ຈາກທາງ ຣັຖບາລ ລາວ, ຊຶ່ງປັຈຈຸບັນ ມີແຜນກາຣ ກໍ່ສ້າງເຂື່ອນ ທັງໝົດ ເຖິງ 75 ແຫ່ງ ແລະ ໄດ້ເຣີ່ມດຳເນີນ ໄປແລ້ວ ທັງໝົດ 15 ເຂື່ອນ.  ແຕ່ສະເພາະ ເຂື່ອນທີ່ສ້າງ ສຳເຣັຈ ແລ້ວນັ້ນ ມີທັງໝົດ 8 ເຂື່ອນ ດ້ວຍກັນ.

ເຕັມຫນ້າ