ສວັດດີການ ຂອງຄົນງານລາວ

ທາງການລາວ ຈັດກອງປະຊຸມ ບັນຫາຄວາມ ຂັດແຍ່ງຣະຫວ່າງ ລູກຈ້າງ ກັບນາຍຈ້າງ ຄ່າຈ້າງ ແຮງງານຕໍ່າ ແລະ ຄວາມປອດໄພ ໃນສະຖານທີ່ ເຮັດວຽກ.
ສິດນີ
2010-08-12
ອີແມວລ໌
ຄໍາເຫັນ
Share
ພິມ

ສປປລາວ ຍັງປະເຊີນ ກັບບັນຫາ ຄວາມຂັດແຍ່ງ ຣະຫວ່າງ ກຸ່ມແຮງງານ ກັບນາຍຈ້າງ ມາຕລອດ ເຮັດໃຫ້ມີ ແຮງງານ ຈຳນວນຫລວງຫລາຍ ລາອອກ ຈາກຫນ້າທີ່ ເພາະການແກ້ໄຂ ຂາດຄວາມ ເປັນທັມ ໃນຂນະທີ່ ສປປລາວ ຍັງຂາດເຂີນ ແຮງງານ ທີ່ມີ ຄຸນນະພາບ ສົ່ງຜົລກະທົບ ຕໍ່ເສຖກິດ ຂອງປະເທດ ຫລາຍພໍສົມຄວນ.

ທ່ານ ບຸນຄົງ ຫລ້າສຸກັນ ຣັຖມົນຕຣີ ຊ່ວຍກະຊວງ ແຮງງານ ແລະ ສວັດດີການ ສັງຄົມ ໄດ້ຊີ້ແຈງ ກ່ຽວກັບເຣື້ອງນີ້ ໃນກອງປະຊຸມ ວ່າດ້ວຍສາຍ ພົວພັນແຮງງານ ໃນຫົວຂໍ້  “ການແກ້ໄຂ ແຮງງານ ແລະ ການຕໍ່ລອງ ແບບຮວມຫມູ່” ວ່າ ກຸ່ມຜູ້ຈ້າງ ແຮງງານໃນລາວ ໃຫ້ຄຳເຫັນວ່າ ແຮງງານລາວ ຍັງບໍ່ມີ ຄຸນນະພາບ ພຽງພໍ ທີ່ຈະສ້າງ ສ່ວນເກີນ ທີ່ຈະເຮັດ ໃຫ້ຜົລຜລິດ ທາງດ້ານ ທຸຣະກິດ ສຸງຂື້ນ ເປັນຕົ້ນ ແຮງງານລາວ ຍັງບໍ່ທັນ ເຂັ້ມແຂງພໍ ບໍ່ມີລັກສນະ ເປັນແຮງງານ ແບບ ອຸດສາຫະກັມ ຍັງຢູ່ໃນ ຂ້ອນຂ້າງຈຳກັດ ແລະ ຣະດັບຕ່ຳ. ແຕ່ກຸ່ມຜຸູ້ ອອກແຮງງານ ພັດເວົ້າວ່າ ກຸ່ມຜູ້ຈ້າງ ແຮງງານໃນລາວ ຍັງບໍ່ສນອງ ເງື່ອນໄຂທີ່ດີ ແລະສະພາບ ເອື້ອອຳນວຍ ໃຫ້ແກ່ການ ເຮັດວຽກ ຂາດຄວາມເອົາ ໃຈໃສ່ຕໍ່ ສວັດດີພາບ ຂອງຜູ້ອອກ ແຮງງານ ຄ່າຈ້າງແຮງງານ ຕ່ຳ ແລະ ເຮັດວຽກ ເກີນເວລາ ບ່ອນເຮັດວຽກ ຍັງຂາດ ສຸຂອະນາມັຍ ແລະບໍ່ມີ ຄວາມປອດພັຍ ຖ້າມີເຫດ ສຸກເສີນເກີດຂື້ນ.

ຣັຖມົນຕຣີຊ່ວຍ ທ່ານນັ້ນ ຍັງບອກອີກວ່າ ກົດຫມາຍແຮງງານ ລາວ ຍັງບໍ່ຖືກ ປະຕິບັດ ຢ່າງເຂັ້ມງວດ ຂາດການເຜີຍແພ່ ໂຄສະນາ ຢ່າງກ້ວາງຂວາງ ແລະ ກຸ່ມແຮງງານ ໃນລາວ ສ່ວນໃຫຍ່ບໍ່ຮູ້ ແລະບໍ່ເຂົ້າໃຈ ໃນສິດທິ ຂອງຕົນ ນາຍຈ້າງກໍບໍ່ ເອົາຫົວຊາ ຈື່ງເຮັດໃຫ້ເກີດ ຄວາມຂັດແຍ່ງກັນ ຢູ່ຕລອດ.

ເຕັມຫນ້າ