ອົງການກວດກາຂອງ ສະມາຄົມອາຊຽນ

ຣັຖບານລາວ ໃຫ້ການ ສນັບສນູນ ຂໍ້ສເນີ ຂອງ ວຽດນາມ ໃຫ້ມີການ ສ້າງຕັ້ງ ອົງການ ກວດກາ ຂື້ນໃນ ສະມາຄົມ ອາຊຽນ.
ສິດນີ
2011-06-27
ອີແມວລ໌
ຄໍາເຫັນ
Share
ພິມ
ທຸງຊາດ ຂອງກຸ່ມປະເທດ ເອເຊັຽ
ທຸງຊາດ ຂອງກຸ່ມປະເທດ ເອເຊັຽ
RFA

ກົດຟັງສຽງ

ໃນມື້ວັນ ທີ 20 ມິຖຸນາ ຜ່ານມາ ທີ່ໂຮງແຮມ ລາວ ປລາຊາ ໄດ້ມີ ກອງປະຊຸມ ພົບປະ ຫາລື ຣະຫວ່າງ ອົງການ ກວດກາ ແຫ່ງຊາດ ສປປລາວ ກັບ ສສ ວຽດນາມ ທີ່ເດີນທາງ ມາ ຢ້ຽມຢາມ ລາວ, ຊື່ງຝ່າຍລາວ ມີ ດຣ ບົວສີ ລໍວັນໄຊ ປະທານອົງການ ກວດກາ ແຫ່ງຣັຖ, ຝ່າຍວຽດນາມ ນຳໂດຍ ທ່ານ ດວນຊວນຕຽນ ຮອງຫົວຫນ້າ ອົງການ ກວດກາ ແຫ່ງຣັຖ ວຽດນາມ ພ້ອມດ້ວຍ ພະນັກງານ ນັກວິຊາການ ທັງສອງຝ່າຍ ເຂົ້າຮ່ວມ.

ວຽດນາມ ເປັນນື່ງ ໃນຈຳນວນ ປະເທດ ສະມາຊິກ ອາຊຽນ ທີ່ສເນີ ຄວາມຄີດ ຄວາມເຫັນ ໃຫ້ຕັ້ງ ອົງການ ກວດກາ ໃນສະມາຄົມ ອາຊຽນຂື້ນ ທີ່ຮ່ວມດ້ວຍ ປະເທດ ມາເລເຊັຽ ອີນໂດເນເຊັຽ ແລະ ບູຣນາຍ ໂດຍໃຫ້ ເຫດຜົລ ໃນການສ້າງ ຄັ້ງອົງການ ດັ່ງກ່າວ ດັ່ງນີ້:

1-ເປັນເວທີ ເພື່ອແລກປ່ຽນ ຄວາມຄິດ ຄວາມເຫັນ ໃນການ ກວດກາ ສະຖາບັນ ການເງີນ ຂອງຣັຖ ພ້ອມທັງ ໃຫ້ການ ແນະນຳ ຊື່ງກັນ ແລະ ກັນ ຣະຫວ່າງ ປະເທດ ສະມາຊິກ ໃນການ ກວດກາ ສະຖາບັນ ການ ເງີນຂອງຣັຖ ໃນແຕ່ລະປະເທດ.

2- ຊ່ອຍເຫລືອກັນ ທາງດ້ານ ເຕັກນິກ ໃນການ ສອບສວນ ແລະ ກວດກາ.

3-ໃຫ້ເປັນ ສູນກາງ ກວດກາ ໃນພູມີພາກ. ອົງການກວດ ກາອາຊຽນ ຈະຖືກ ຕັ້ງຂື້ນ ຢ່າງເປັນ ທາງການ ໃນກອງ ປະຊຸມ ສຸດຍອດ ອາຊຽນ ຊຸດຊີ່ມາ ທີ່ກຸງ ຈາກາຕາ .

ໃນກອງປະຊຸມ ດ່ັງກ່າວ ຈະມີການ ລົງນາມ ຮັບເອົາ ກົດບັນຍັດ ແລະ ເລືອກຕັ້ງເອົາ ປະທານ ຂອງ ອົງການ.

ໃນກອງ ປະຊຸມ ທີ່ນະຄອນຫລວງ ວຽງຈັນ ຫວ່າງ ອາທີດກ່ອນ  ຝ່າຍລາວ ກໍ່ສະແດງ ເຈຕຈຳນົງ ໃນການ ເຂົ້າເປັນ ສະມາຊິກ ແລະ ໃຫ້ການ ສນັບສນູນ ອົງການ ກວດກາ ອາຊຽນທີ່  ສເນີໂດຍ ວຽດນາມ ຢ່າງບໍ່ ຄັດຄ້ານ.

ເຕັມຫນ້າ