ຊິວິີດເດັກນ້ອຍລາວ ຊົນນະບົດຜັນປ່ຽນ

ຊາວຕ່າງດ້າວ ຊ່ອຍປ່ຽນ ຊິວິີດ ການເປັນຢູ່ ຂອງ ເດັກນ້ອຍ ລາວ ໃນເຂດ ຊົນນະບົດ ໃຫ້ດີຂື້ນ
ສິດນີ
2011-12-28
ອີແມວລ໌
ຄໍາເຫັນ
Share
ພິມ
ເດັກນ້ອຍລາວ ໃນເຂດ ຊົນນະບົດ ກໍບໍ່ແຕກຕ່າງ ໄປຈາກເດັກນ້ອຍ ໃນຕົວເມືອງ ຫາກໄດ້ຮັບ ໂອກາດຮໍ່າຮຽນ ກໍຈະເປັນ ສົມບັດ ອັນສູງຄ່າ ຂອງ ປະເທດຊາດ
ເດັກນ້ອຍລາວ ໃນເຂດ ຊົນນະບົດ ກໍບໍ່ແຕກຕ່າງ ໄປຈາກເດັກນ້ອຍ ໃນຕົວເມືອງ ຫາກໄດ້ຮັບ ໂອກາດຮໍ່າຮຽນ ກໍຈະເປັນ ສົມບັດ ອັນສູງຄ່າ ຂອງ ປະເທດຊາດ
blogspot

ກົດຟັງສຽງ

ທ່ານ Peter Laurence ຊາວ ອອສເຕຣເລັຽ ໄດ້ມາ ຢ້ຽມຢາມ ສປປລາວ ແລະໄດ້ເຫັນ ຄວາມທຸກຍາກ ຂອງ ເດັກນ້ອຍລາວ ໃນເຂດ ຊົນນະບົດ ເມື່ອກັບບ້ານ ທ່ານໄດ້ ໃຊ້ເວລາ ສ່ວນຕົວ ຂອງທ່ານ ກັບຄືນມາ ຊ່ອຍເຫລືອ ເດັກນ້ອຍ ໃນລາວ.

ໃນປີຜ່ານມາ ໃນຍາມບຸນ ຄຣິສມາດ ຫລັງຈາກ ຢ້ຽມຢາມ ປະເທດໄທ ເພື່ອ ຊື້ສີນຄ້າ ສຳລັບ ຮ້ານຄ້າ ຂອງທ່ານ ໃນ ອອສເຕຣເລັຽ ທ່ານໄດ້ເຂົ້າມາ ລາວ ຈື່ງໄດ້ເຫັນ ຄວາມທຸກຍາກ ຂອງ ເດັກນ້່ອຍລາວ ໃນເຂດ ຊົນນະບົດ ຊື່ງບາງ ຄອບຄົວ ບໍ່ສາມາດ ສົ່ງລູກໄປ ໂຮງຮຽນ ທ່ານຈື່ງ ບໍຣິຈາກ ເງິນສ່ວນຕົວ ຂອງ ທ່ານ ບາງເລັກນ້ອຍ ຮ່ວມທັງປື້ມ ສໍ ອຸປກອນ ການຮຽນ ແລະ ເຄື່ອງນຸ່ງ ໄປໂຮງຮຽນ ໃຫ້ເດັກນ້ອຍ ນັກຮຽນ ຊັ້ນ ປະຖົມ ທີ່ທຸກຍາກ ຢູ່ບ້ານ ໂຄກແອກ ໃນລາວ.

ປັດຈຸບັນ ທ່ານໄດ້ ຮ່ວມງານກັບ ພນັກງານ ຫ້ອງສມຸດ ແຫ່ງຊາດ ໃນລາວ ນາງ ຈັນທາ ເຮັດຫ້ອງສມຸດ ເຄື່ອນທີ່ ຂື້ນດ້ວຍການ ໃຊ້ເຮືອ 2 ລຳ ລ່ອງຕາມ ແມ່ນ້ຳຂອງ ໄປຫລາຍຮ້ອຍ ກິໂລແມັດ ເພື່ອນຳປື້ມ ຮຽນ ແລະ ອຸປກອນ ການຮຽນ ປະເພດຕ່າງໆ ໄປແຈກຢາຍ ໃຫ້ແກ່ ເດັກນ້ອຍ ນັກຮຽນກວ່າ 15 ພັນ ຄົນ ໃນຈຳນວນ 114 ຫມູ່ບ້ານ ໄດ້ອ່ານ ໄດ້ຮຽນ.

ທ່ານບອກວ່າ ເດັກນ້ອຍລາວ ເຫລົ່ານີ້ ເປັນ ຊັພຍາກອນ ຂອງຊາດ ຍ້ອນພໍ່ແມ່ ທຸກຍາກ ຈື່ງບໍ່ມີ ໂອກາດ ເຂົ້າໂຮງຮຽນ ຫລາຍຄົນ ກໍອອກ ໂຮງຮຽນ ກ່ອນກຳນົດ ເພື່ອຊ່ອຍ ພໍ່ແມ່ ເຮັດໄຮ່ ເຮັດນາ ຫຼື ຄ້າຂາຍ.

ເຕັມຫນ້າ