ຣົດມືສອງຕ້ອງຫ້າມ ເຂົ້າລາວ

ຣົດບັນທຸກ ມືສອງ ຫລາຍຮ້ອຍຄັນ ຍັງຄ້າງຢູ່ ສົ້ນຂົວ ມິຕພາບ ລາວ-ໄທ ທີ່ ເມືອງທ່າແຂກ ແຂວງຄໍາມ່ວນ.
ຈໍາປາທອງ
2012-10-23
Share
F-used-trucks ຣົດມືສອງ ທີ່ຍັງຄ້າງຢູ່ ສົ້ນຂົວມິຕພາບ ລາວ-ໄທ ມ.ທ່າແຂກ ຂ.ຄໍາມ່ວນ
RFA/Apichart

ປັດຈຸບັນ ຣົດບັນທຸກ ຂນາດນ້ອຍ ມືສອງ ຈາກ ປະເທດເກົາຫລີໃຕ້ ທີ່ນັກ ທຸຣະກິດລາວ ນໍາເຂົ້າມາ ຫລາຍຮ້ອຍຄັນ ເພື່ອຈໍາໜ່າຍ ຂາຍຕໍ່ນັ້ນ ຍັງຈອດຢູ່ ບໍຣິເວນ ຂົວ ມິຕພາບ ລາວ - ໄທ ທີ່ເມືອງທ່າແຂກ ແຂວງຄໍາມ່ວນ ຍ້ອນວ່າ ຣັຖບານລາວ ຍັງບໍ່ມີ ອະນຸຍາດໃຫ້ນໍາ ຣົດມືສອງ ເຂົ້າມາໃຊ້ ໃນລາວ. ກ່ຽວກັບເຣື່ອງນີ້ ເຈົ້າໜ້າທີ່ ແຂວງຄໍາມ່ວນ ທ່ານນຶ່ງ ເວົ້າວ່າ:

"ເປັນຣົດ Hyundai ຂອງເກົາຫລີ 300-400 ຄັນພຸ້ນ ແຫລະ ຣົດເອົາເຂົ້າມາ ເປັນຣົດມືສອງ ເຖົ້າແກ່ຄົນລາວ ໄປເຫັນ ຢູ່ເກົາຫລີຫຼາຍ ແລ້ວກໍເລີຍຊື້ເຂົ້າມາ ເພີ່ນຈະເອົາມາຂາຍ ແລ້ວທາງ ຣັຖບານ ເພີ່ນຫ້າມ ເປັນຣົດມືສອງເກົ່າ ເພີ່ນເລີຍ ຢາກຫ້າມນໍາເຂົ້າມາ".

ທ່ານເວົ້າ ຕໍ່ໄປວ່າ ນັກທຸຣະກິດ ຊື້ຣົດນັ້ນເຂົ້າມາ ໃນຣາຄາຄັນລະ ປະມານ 1,000 ໂດລາ ສະຫະຣັດ ໂດຍທີ່ບໍ່ຮູ້ວ່າ ຣັຖບານ ຫ້າມບໍ່ໃຫ້ ນໍາຣົດມືສອງ ຈາກ ຕ່າງປະເທດ ເຂົ້າມາໃຊ້ ໃນລາວ.

ປັດຈຸບັນ ນັກທຸຣະກິດ ກໍາລັງວິ້ງເຕັ້ນ ແລ່ນໜັງສື ຂໍເອົາຣົດດັ່ງກ່າວ ມາຂາຍໃນປະເທດ ໃນຂນະດຽວກັນ ທາງບໍຣິສັດ ທີ່ຂາຍຣົດໃຫ້ນັ້ນ ກໍໄດ້ປະຕິເສດ ທີ່ຈະຊື້ຣົດ ນັ້ນຄືນ. ເພື່ອຄວາມ ກະຈ່າງແຈ້ງ ຜູ້ສື່ຂ່າວ ໄດ້ຕິດຕໍ່ໄປຍັງ ກະຊວງ ໂຍທາທິການ ແລະຂົນສົ່ງ ທີ່ນະຄອນຫລວງ ວຽງຈັນ ແຕ່ທາງເຈົ້າໜ້າທີ່ ບໍ່ສາມາດເວົ້າ ກ່ຽວກັບເຣື່ອງ ທີ່ວ່ານັ້ນ ໃຫ້ຮູ້ໄດ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ