ເກົາຫລີເໜືອ ຮັບເອົາຜູ້ນໍາຄົນໃໝ່

ເກົາຫລີເໜືອ ທໍາພິທີ ເດີນສວນສນາມ ຮັບເອົາຜູ້ນໍາ ສູງສຸດ ຄົນໃໝ່ ທີ່ໃຫຍ່ໂຕ ມະໂຫລານ.
ໂພໄຊສວັດ
2011-12-30
ອີແມວລ໌
ຄໍາເຫັນ
Share
ພິມ
ທ່ານກິມຈົງອຸນ (ຊຸດດໍາ)ໃນວັນຮັບທອດອໍານາດ
ທ່ານກິມຈົງອຸນ (ຊຸດດໍາ)ໃນວັນຮັບທອດອໍານາດ
web-the-Australian

ກົດຟັງສຽງ

ເກົາຫລີເໜືອ ໄດ້ທໍາພິທີ ສັ່ງລາ ທ່ານ Kim Jong IL ຢ່າງໃຫຍ່ໂຕ ສິ້ນສຸດ ການໄວ້ອາລັຍ ທີ່ໃຊ້ເວລາ ເກືອບສອງ ອາທິດ ແລະ ໄດ້ຮັບຮອງ ເອົາທ່ານ Kim Jong Un ຂຶ້ນຮັບໜ້າທີ່ ໂດຍປາສຈາກ ການແຂ່ງຂັນ.

ທ່ານ Kim Yong Nam ຜູ້ທໍາພິທີ ຕາງໜ້າ ໃຫ້ພາກຣັຖ ໄດ້ກ່າວ ຕໍ່ໜ້າ ກໍາລັງທັບ ແລະ ປະຊາຊົນ ທີ່ເຕັມແໜ້ນ ຈະຕຸຣັດ ພຽງຢາງ ຍ້ອງຍໍ ອະດີດ ຜູ້ນໍາ ວ່າໄດ້ ອຸທິດຕົນ ສົມທົບ ຮັກສາ ຄວາມສງົບ ແລະສ້າງ ສະເຖັຍຣະພາບ ຂອງໂລກ ໃນສັຕວັດ ທີ 21 ໄວ້ໄດ້.

ທ່ານກ່າວອີກວ່າ ບາດນີ້ ທ່ານ Kim Jong Un ທີ່ເປັນ ສາຍເລືອດ ຂອງ ອະດີດຜູ້ນໍາ ຈະເປັນຜູ້ ນໍາພາ ພັກຣັຖ ກອງທັບ ແລະ ປະຊາຊົນ ຕໍ່ໄປ ຜູ້ນໍາ ຄົນໃໝ່ ຈະມີຈິຕ ວິນຍານ ການເປັນຜູ້ນໍາ ມີບຸຄລິກ ທີ່ໜ້າ ເຊື່ອຖື ແລະມີຄວາມ ອົດທົນ ອົດກັ້ນ ຄືກັບ ຜູ້ເປັນພໍ່.

ນັກວິໄຈ ເວົ້າວ່າ ການເຕົ້າໂຮມກັນ ຂອງປະຊາຊົນ ແລະ ເຫລົ່າກອງທັບ ທີ່ແໜ້ນໜາ ໃນຈະຕຸຣັດ Kim IL Sung ເພື່ອສະແດງ ເຖີງຄວາມ ໄວ້ເນື້ອເຊື່ອໃຈ ທີ່ມີຕໍ່ Kim Jong Un ທີ່ໄດ້ຮັບທອດ ອໍານາດ ປົກຄອງ ປະເທດ ໃນເວລາທີ່ ເກົາຫລີເໜືອ ກໍາລັງ ປະເຊີນ ກັບວິກິດການ ຂາດແຄນ ອາຫານ ການກິນ ເສຖກິດ ທີ່ກໍາລັງ ລົ້ມລຸກ ພລັງງານ ທີ່ຂາດເຂີນ ແລະໂຄງການ ອາວຸດ ນິວເຄລັຍ ທີ່ ກໍ່ກວນ ທ້າທາຍ ຊາວ ຕາເວັນຕົກ.

ອົງການ ສະຫະປະຊາຊາດ ກ່າວວ່າ ປະຊາກອນ 6 ລ້ານຄົນ ຊຶ່ງເປັນ ຈໍານວນ 25 ສ່ວນຮ້ອຍ ຂອງ ປະຊາຊົນ ເກົາຫລີເໜືອ ຕ້ອງການ ອາຫານການກິນ ຢ່າງຮີບດ່ວນ.

ຄໍາເຫັນ (1)
Share

ຜູ້ອ່ານທີ່ບໍ່ອອກຊື່

ເປັນການດີ ທ່ານເປັນຄົນ ລຸ້ນໃໝ່ຍຸກໂລກາພິວັດ ເຄີຍສຶກສາຮ່ຳຮຽນຢູ່ ແຖວຢູໂຣບ ຮູ້ພາສາສາກົນດີ ສາມາດສື່ສານດ້ວຍ ຕົວເອງດີພໍສົມຄວນ ທ່ານເຫັນສອງລະບອບ ການປົກຄອງ ພິເສດແມ່ນ ນິຍົມກິລາບານບ້ວງ ເປັນຊີວິດຈິດໃຈ ຈົນໄດ້ຮ່ວມຖ່າຍຮູບກັບຍອດນັກ ກິລາບານບ້ວງຢູ່ ສະຫະຣັດສອງທ່ານໄວ້ ເປັນທີ່ລະລຶກ ຖ້າບໍ່ມີອຸບປະສັກໃນພາຍຫນ້າ ແນ່ນອນທ່ານ ຕ້ອງສະແຫວງຫາຄວາມ ກ້າວຫນ້າຂອງປະເທດ ແລະປະຊາຊົນ ໃຫ້ໄດ້ຮັບຄວາມຈະເລີນ ເປັນເທື່ອລະບາດກ້າວຕໍ່ໄປ. ຈະເປັນຈິງພຽງໄດນັ້ນພວກເຮົາຄ່ອຍພາກັນຕິດຕາມຕໍ່ໄປອີກ.

Mar 02, 2012 05:59 PM

ເຕັມຫນ້າ