Явропа тупрақлирида уйғурлуқ издәп: рәссам мәрвайит һапиз вә униң сәнәт қариши һәққидә (1)

Мухбиримиз җүмә
2019-09-06
Share
Merwayit-Hapiz-00.jpeg Рәссам мәрвайит һапиз ханимниң әсәрлиридин.
Social Media

"мениң пул тепип бай болуш истиким йоқ, өз кәспимгә-гүзәл сәнәткә болған иштияқ, хәлқимгә болған муһәббәт мени иҗадийәткә үндәп кәлди" дәйду, нөвәттә германийәдә яшаватқан уйғур рәссами мәрвайит һапиз өз әсәрлири һәққидә соралған соаллиримизға җаваб берип.

Рәссам мәрвайит һапиз әйни замандила уйғур диярида тонулушқа башлиған сәнәткарларниң бири иди. У, ғәрб дунясиға йәрләшкән тунҗи уйғур рәссамлириниң бири болуш сүпити билән, өткән 23 йил җәрянида иҗадийәттин ваз кәчмәй бәлгилик орун вә нопуз қазанған рәссамларниңму биридур. 

Ундақта мәрвайит һапиз ким? у, өз рәсимлиридә қандақ туйғуларни ипадиләшкә бәкрәк әһмийәт бериду? 

Рәссам мәрвайит һапиз қумул дияри астанә кәнтидә дуняға кәлгән, 1976-йили үрүмчи сәнәт мәктипигә рәсим кәспидин таллинип үч йил оқуғандин кейин, 1979-1983 йилиғичә ғәрби шимал милләтләр университети гүзәл сәнәт академийисиниң майбояқ кәспини тамалиған.

У, шинҗаң педагогика университети гүзәл сәнәт академийәсидә 1983-йилидин, 1996-йилғичә оқутқучи вә дотсент болуп ишлигән, көплигән иҗадийәтләрни ишлигән һәм нурғунлиған мәмликәт дәриҗилик көргәзмиләргә талланған. 

У 1996 германийәгә кәлгәндин буянму тохтимай иҗадийәт билән шуғуллинип, асасән уйғурлар һаятини мәзмун қилған әсәрләрни яритип, германийәниң көплигән шәһәрлиридә сансизлиған шәхси көргәзмиләрни ачқан. Униң әсәрлири мюнхен шәһиридики чоң көргәзмиләргә таллинип сәнәт музейлирида көргәзмигә қоюлған вә көп қетимлап мәтбуатлардиму тонуштурулған.

У 2010-, 2013-йиллири түркийә сәнәт салониниң тәклипи билән түркийәниң истанбул, қатарлиқ шәһәрләрдики чоң дөләт дәриҗилик сәнәт сарайлирида әсәрлирини көргәзмигә қойған.

Бүгүнки сөһбитимиздә рәссам өзиниң дуня қариши, сәнәт қариши вә рәсим иҗадийитигә түрткә болған амилларни биз билән ортақлашти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт