Yawropa tupraqlirida Uyghurluq izdep: ressam merwayit hapiz we uning sen'et qarishi heqqide (2)

Muxbirimiz jüme
2019-09-27
Élxet
Pikir
Share
Print
Ressam merwayit hapiz xanimning eserliridin.
Ressam merwayit hapiz xanimning eserliridin.
Social Media

"Méning pul tépip bay bolush istikim yoq, öz kespimge-güzel sen'etke bolghan ishtiyaq, xelqimge bolghan muhebbet méni ijadiyetke ündep keldi" deydu nöwette gérmaniyede yashawatqan Uyghur ressami merwayit hapiz öz eserliri heqqide soralghan so'allirimizgha jawab bérip.

Ressam merwayit hapiz eyni zamandila Uyghur diyarida tonulushqa bashlighan sen'etkarlarning biri idi. U, gherb dunyasigha yerleshken tunji Uyghur ressamlirining biri bolush süpiti bilen ötken 23 yil jeryanida ijadiyettin waz kechmey belgilik orun we nopuz qazan'ghan ressamlarningmu biridur. 

Undaqta, merwayit hapiz kim? u öz resimliride qandaq tuyghularni ipadileshke bekrek ehmiyet béridu? 

Ressam merwayit hapiz qumul diyarining astane kentide dunyagha kelgen. 1976-Yili ürümchi sen'et mektipige resim kespidin tallinip üch yil oqughandin kéyin 1979-1983 yilighiche gherbi-shimal milletler instituti güzel sen'et akadémiyisining mayboyaq kespini tamalighan.

U shinjang pédagogika uniwérsitéti güzel sen'et akadémiyeside 1983-yilidin, 1996-yilghiche oqutquchi bolup ishligen we dotséntliq unwanigha érishken. Bu jeryanda u köpligen ijadiyetlerni ishligen hem nurghunlighan memliket derijilik körgezmilerge tallan'ghan. 

U 1996 gérmaniyege kelgendin buyanmu toxtimay ijadiyet bilen shughullinip, asasen Uyghurlar hayatini mezmun qilghan eserlerni yaritip, gérmaniyening köpligen sheherliride köpligen shexsi körgezmilerni achqan. Uning eserliri myunxén shehiridiki chong körgezmilerge tallinip, sen'et muzéylirida körgezmige qoyulghan we köp qétimlap metbu'atlardimu tonushturulghan.

U 2010-we 2013-yilliri türkiye sen'et salonining teklipi bilen türkiyening istanbul qatarliq sheherlerdiki dölet derijilik sen'et saraylirida eserlirini körgezmige qoyghan.

Bügünki söhbitimizde ressam özining dunya qarishi, sen'et qarishi we resim ijadiyitige türtke bolghan amillarni biz bilen ortaqlashti.

Toluq bet