Xitayda ishchilar oyghandi, ish tashlash bashlandi

• 5 - Ayning 1 - küni sendung ölkisi za juwang shehiride paxta toqumichiliq ishchiliri ish tashlidi.

• 5 - Ayning 5 - küni nenjing issiqliq tarqitish shirkitining ishchiliri ish tashlidi.

• 5 - Ayning 5 - küni shinjin finggang türlük mallar ishlepchiqirish zawutining ishchiliri ish tashlidi.

• 5 - Ayning 17 - küni yaponiye meblegh salghan gu'angdung nenxey zawutining ishchiliri ish tashlidi. Ishchilar ma'ash östürüshni telep qildi. Netijide yaponiye meblegh salghan 4 yürüsh zawut biraqla ish toxtatti.

• 5 - Ayning 20 küni jangsu künshen dölet igilikidiki jin'gang guruhining ishchiliri ish tashlidi.

Ötüp ketken bir nechche yil ichide öy bahasi, mal bahasi örlep ketkenliktin ishchilarning naraziliq keypiyati, maddi menpe'et teleplirining bir xil inkasi bolup ipadilendi.

Mushu künlerde, jaylarda ishchilarning ish tashlishigha egiship yaponiye meblighi bilen shangxeyde qurulghan éléktir saymanliri zawutining, jenobiy koriyining béyjingda qurulghan mashinisazliq pen - téxnika shirkitining, yaponiyining meblighi bilen wushida qurulghan nikon nazuk apparatlar ishlepchiqirish shirkitining, xénen féngdingshen paxta toqumichiliq zawutining 10 mingdin artuq shitatliq we ishsiz ishchiliri ish tashlidi.

" Taliplar isyan kötürse 10 yildimu héch ish qilalmaydu" deydighan eqliye sözi bar iken xitayning, emma xitayning mexpiy axbarat toplash organliri, lékin, hazir ehwal oxshimaydu: emgekchiler sinipi barghanséri oyghinishqa bashlidi, ular özini tutuwalalmaydighan axirqi chekke yetti déyishti.

Ishchilarning ma'ashi östürülmidi, rehberlerning ma'ashi 10 hesse östürüldi. Pen - téxnika xadimlirining ötken yilliq ma'ashi 4 - 5 yüz ming yüen'ge östürüldi. Gerche, xitayda pen - téxnika xadimi dégüdek xadim bolsa kashki... Ishchilarning ma'ashichu? töwen turmush chékini saqlap qélishqila yétidighan 5 - 6 yüz yüen'ge chüshüp qaldi. Ilgiri bu ishchilar 2 ming yüen ma'ash alatti. Néme ish boldi, néme ish yüz berdi junggoda? xitay ishchilirining oyghinishi qandaq weziyetke toghra keldi?

5 - Ayning 24 -, 25 - künliri amérika bilen junggoning istratégiyilik we iqtisadi söhbiti béyjingda ötküzülüp, söhbet ayaqlashqanda junggoning éksportqa tayan'ghan sodisini ichki bazargha yüzlen'gen sodigha özgertish telep qilindi. Amérika tereptin junggogha wede bérip, nahayiti tiz arida junggoning bazar igiliki yaki bazar iqtisadigha ötkenlikini étirap qilimiz dédi. Bundaq qilish ongay gepmu? junggoning sodisi ichki bazargha yüzlinish üchün, puqralarning sétiwélish küchini östürüshke toghra kélidu.

Rehberlerning yilliq ma'ashi 5 yüz ming yüen'ge östürülüp, ishchilarning ma'ashi 5 yüz yüenlik sewiyide toxtap qalsa, hélimu gep qilmaydighan ishchilarkine‏ bu, junggoning ishchiliri! ( amérika, junggo söhbiti jeryanida, amérika terep junggogha "bazar iqtisadigha ötken dölet orni bérish "ni qarar qildi. "Birleshme se her géziti" 2010 - yili 26 - may.)

Amérika junggoda ishchilar uyushmisi qurulup bolghandin kéyin, junggoning bazar iqtisadigha ötkenlikini étirap qilamdu yaki amérika awwal, junggoning bazar iqtisadigha ötkenlikini étirap qilip, uning arqisidin junggoda ishchilar uyushmisi qurulamdu?

Junggoning bazar iqtisadigha ötkenlikini étirap qilishning négizlik shertliri néme ...? téxi otturigha chiqmidi. Étirap qilish némishqa bundaq tiz bolup ketti, junggo, emgek bilen kapitalning munasiwitini hel qilip boldimu? bu toghrida junggo amérika terepke qandaq wedilerni berdi ...? junggoda ishchilarning ish tashlishi del mushundaq peytte otturigha chiqti.