' Саңа буниңдин есил пәсил йоқ, 2009 дин ашмисун йешиң '

Биринчи, пуқраларниң намайиш қилип кочиға чиқиши, иккинчи иқтисади касатчилиқ, үчинчи юқири қатламда увисида елишиш. Үч хил күч бир - биригә чирмишип кәткән, бир - бирини риғбәтләндүргән, бу күчни һәр қандақ куч тосуп қалалмайду. Җуңго пуқралириниң азап - оқубити, аччиқ - надамити җуғлинип җуңго җәмийити худди сәрәңгә чеқилсила от тутишидиған қуруқ отунға айлинип қалди.

Лю шавҗу мундақ давамлаштуриду: пул - муамилә киризиси, иқтисади касатчилиқ,далида янған отқа охшап қалди. Виңәндин тартип - шинҗинғичә, җишовдин тартип - шиәнгичә, чуңчиңдин тартип луң нәнгичә пүтүн җуңго земини пуқраларниң сияси сәһнисигә айлинип қалди, бирақ, лю шавҗу әпәнди, мустәмликә уйғуристанниң қәшқәр өлкиси сәмән йолидин - мустәмликә тибәт ласағичә дәп тилға алмайду. Бүйүк империйиләрниң гумран болушиға сәвәб болған мәсилиләрниң теги - тәктидин ейтқанда миллий мәсилә, милләтләр мәсилисигә бағлиқ болуп кәлгән тарихниң пакитлирини лю шавҗу әпәнди исидин чиқирип қойған болса керәк.

Миниң қаришимчә, мустәмликә уйғуристан билән тибәт мәсилиси хитайни оң тәрәпкиму, сол тәрәпкиму салам қилидиған һаләткә кәлтүрүп қоймиған болса, уйғур билән тибәт мәсилиси хитайни сәддичинниң ичигә қайтип кетиш тәһдитигә гириптар қилип қоймиған болса, хитай, хитайға тәләп қилған демократийини беривәткән болатти.

Хош, лю шавҗуға қайтип кәлсәк, лю шавҗу мақалини давамлаштуруп мундақ көрсәтти: аммиви характерлик вәқәләр вә һәрикәтләр зорийишқа, көләмлишишкә қарап тәрәққи қилди. Бирлишиш, алақилишиш күнсайин ениқ болди.Ху җинтав һөкүмити биринчидин бих һалитидә йоқитиш усулини таллап алди. Иккинчидин бастуруш вастисини таллап алди. Туташқан инқилабниң отини бастуруш билән өчүрүшкә болаттиму?

Бүгүн, чаңҗяң делтиси вә үч дәря делтисида бир йүрүш карханини вә бир йүрүш завутни қутқазғанда, бир дәриҗилик яман һесабат банкиларға қошулидиған болди. Бирәр завут яки бирәр кархана тақалған һаман бир түркүм ишсиз ишчилар кочиларға чиқти. Банкиларниң яман һесабати билән карханиларниң гумран болуп тақилиши оттурисида, пул - муамилә киризиси билән ишсизлиқ киризиси оттурисида бир партийә һөкүмранлиқи сәкратқа чүшти. Җуңгода кишилик һоқуқ десә уму йоқ болди, қанун билән дөләт башқуруш десә буму йоқ болди. Адәмни - адәм башқуруш дегәндиму адәмгә охшайдиған адәм йоқ болди. Алдамчилиқ, ялғанчилиқ, рәңвазлиқ, дағвазлиқтин башқа, хушамәтчиликни вастә қилған хиянәт қилмайдиған әмәлдар болмайдиған бир җәмийәт әлвәттә бу җуңгу җәмийити болуп қалди.

Җәмийәтниң сияси қияпитини өзгәрткәндә бузуш болиду вә қуруш болиду. Пуқраларниң намайиш билән кочиға чиқиши куч топлиғанлиқтур. Пуқраларниң пуқраларға ярдәм бериши йеңи әхлақни турғүзғанлиқидур. Қисқиси бир җүмлә сөз билән ейтқанда, җуңго җәмийити қуруқ отунға айлинип қалди. Мәркәз - җуңнәнхәй аза - муза сөзләшкә башлиди дәйду, лю шавҗу әпәнди.

Пуқраларниң кочиға чиқишиниң қетим сани ашқанда җәмийәт сияси өзгириш дәвригә кирип келиду, вақит 2009‏ - йилидур! лю шавҗу немә демәкчи болиду? " мустәмликичи хитайларға буниңдин есил пәсил йоқ, 2009 дин ашмисун йешиң " демәкчи болиду.