"Төт чүшәнчә бирлики" қандақ мал?

Қәлб майиллиқини "қолға кәлтүрүш"кә әмәс, уйғүрларниң вақтини исрап қилиш үнүмигә, разилиқини "қолға кәлтүрүш" үнүмигә әмәс, уйғүрларниң бизарлиқини, наразилиқини һәссиләп ашуруш үнүмигә, җуңхва дегән исимни "тунуш бирлики" ни ишқа ашуруш үнүмигә әмәс, "җуңхва "вә хитай дегәнлик - кона мустәмликичи, дегәнлик дәйдиған уйғурларниң" җуңхва", хитай исимлириға нәпрәт яғдуруш үнүмигә еришти.

1 - "Һәр милләт яш өсмүрлири арисидики чүшәнчә бирлики"дә : хитай өсмүрлири, уйғүр өсмүрләрни, бизниң - хитайларниң бала қуллири, бала дедәклири, бала ишләмчилири, бала падичилири, бала деһқанлири дәп чүшәнсә; уйғур өсмүрләр, хитай өсмүрләрни: йеқин кәлгүсидә сақчи, һәрбий болидиған өсмүрләр, аптоном районға секретар болидиған өсмүрләр, пойиз һәйдәйдиған инженер болуп, уйғуристанниң байлиқини тошуп кетидиған өсмүрләр, сақчи булуп түрмиләргә қарайдиған яки түрмә башқуридиған өсмүрләр, хитай өсмүрлири әнә шундақ өсмүрләр дәп чүшинишкә башлиди.

2 - "Хәнзу(хитай) аилә башлиқлири" һәр бир уйғур аилисини: бизниң - көчмән хитайларға бала қулларни туғуп чоң қилип биридиған, ашпәз, навайларни, кавапчи, доғапчи, қассап, баққал тәрбийиләп беридиған аилиләр дәп чүшиништи. Уйғур аилиләр болса, хитай аилиләрни: чеградин киргәндә лата хәйлирини қолтуқиға қистуруп әпкәш көтүрүп киргән, биринчи күни кочлиримизни сүпүрүп тазилиған, иккинчи күни тәрәтханимизға башлиқ болған, үчинчи күни яки тәңритағ райониға секретар болған, яки ға либийәт кочиси сақчиханиға сақчи башлиқи болған қанунсиз көчмәнләр дәп чүшинишкә башлиди.

3 - Хитай балилар билән уйғүр балилар өз - ара хәт йезишармиш. Немә дәп йезишиду? хитай балилар хәт язғанда: мениң дадам қораллиқ сақчи қисимда ишләйду, уйғүр сиясий мәһбусларға өлүм җазаси бәргәндә, мениң дадам оқ билән иҗра қилиду дәп язамду? уйғур өсмүрләр хитай өсмүрләргә немә дәп хәт язиду? мениң дадам сиясий мәһбус иди, сениң дадаң, мениң дадамни оқ етип өлтүрди дәп хәт язамду?

Хитай өсмүрләр билән уйғүр өсмүрләр зади қандақ хәт йезишиду?

Башта вақит исрапчилиқи дәп тилға алғинимиздәк, хитай мустәмликичилири тәбиәттә өткән вақит, 60 йил ичидә уйғурларниң ихтияри һәрикәт қилишиға бир минутму йол қоймиди. Уйғурларға нисбитән вақит ичидә үнүм яритиштин ейтқанда, уйғүрларниң хитайға қарши елип барған намайишлириға кәткән вақитни чиқиривәткәндә, өтүп кәткән 60 йил биһудә өткән 60 йил болуп қалди.

Рәһмәтлик мутәпәккуримиз турғун алмас:" сақчи мунбәргә чиққанда қиямәт қайим болиду" дегән иди. Хитай сақчи тарих сөзләп " җуңхуа" дегән исимни чүшәндүрүшкә башлиғанда, хитай сақчи қанун түзүп иҗра қилишқа башлиғанда, дуняда немә иш йүз бирә р?

Хитай һөкүмити чүшиниши керәкки, мәҗбурий хитайчилаштуруш әксичә үнүм бериду. Һәр қандақ шәйи әйни вақитта шу шәйиниң өзи.

Иккинчи сорун, иккинчи вақитта шу шәйи вә һадисиләр, өзигә қарши шәйи вә һадисиләрни тәйярлап чиқиду. Мәҗбурлап хитайчилаштуруш бүгүнки күндә, хитай көчмәнлири һакимийитиниң уйғурларға қаратқан йоқитиш сиясити болуп һесабланса,мәҗбурлашқа қарши, мәҗбурлаш билән оттуриға чиқидиған иккинчи бир хил шәйи вә һадисиләр, бирләмчи мәҗбурлашниң һасилати болуп қалиду.

Бүгүн хитай мустәмликичилири миңә ююш, хитайлаштурушни мәҗбурий йолға қойғандәк, қери мустәмликичи әнгилийә тарихта һиндистанда ихтиярий ассимилиятсийә сияситини йолға қойған.Ахири немә болди? ингилиз тилини үгәнгән һиндилар, ингилизларниң қолида тәлим - тәрбийә көргән һиндилар, ингилизларниң қолида миңиси ююлуп кәткән һиндилар ахири әнгилйә мустәмликичилирини һиндистандин қоғлап чиқирип, мустәқил һиндистанни қуруп чиқти.

юқиридики улиништин бу прогирамминиң тәпсилатини аңлиғайсиләр.