' Бовақниң җени үчүн нимә көрсәм разимән '

18 - Нойабир күни, америка дөләт мәҗлиси авам палата әзалиридин киристофер симит билән җио питтс арзугүл турсун вә аилиси тоғрисида йәнә бир қетим бирләшмә байанат елан қилған.

Буниң үчүн пүтүн бир аилә кишилири җапа чәкти, хәтәргә көкрәк кериди. Болупму арзугүлниң дадиси турсунҗан һәсән; дуняға көз ачқуси нәвриси үчүн һәр қандақ бәдәлгә һазир болди.

Турсунҗан һәсән ярдәм қилимиз дегән һәр қандақ кишиниң телефонини алди, дәрдини ейтти; у қизиңни опиратсийә қилимиз дегән һәр қандақла кишигә қарши турди, наразилиқ билдүрди.

Нәтиҗидә, униң авази дуня җамаәтчиликиниң қулиқиға йәтти, җүмлидин америка дөләт әрбаблириниң диққитини тартти вә уларни һәрикәткә кәлтүрди; хитай һөкүмити пәйлидин йенишқа мәҗбур болди.
 

Улар баянатида, хитайниң арзугүл турсунни дохтурханидин қоюветиш қарарини мәдһийилиди. Әмма, буниңлиқ билән арзугүл турсун вә униң аилә тавабати үстидики әндишисиниң түгимигәнликини, бу аилиниң әһвалини америка һөкүмитиниң давамлиқ түрдә көзитип маңидиғанлиқини билдүрди.

Бүгүнки программимизда, турсунҗан һәсәнниң әнә әшу тиришчанлиқлиридин пәқәт пир парчини диққитиңларға сунимиз . Бу, арзугүл турсун қоюветилиштин бир күн бурун, йәни у сақчиларниң қоршавида қалған мәзгилдә йүз бәргән вәқәдур.

Арзугүл турсун қоюветилгәндин кейин, америка дөләт мәҗлиси әзалиридин киристофер симит билән җио питтс бу һәқтә йәнә бир қетим бирләшмә баянат елан қилди.

Улар баянатида, хитайниң арзугүл турсунни дохтурханидин қоюветиш қарарини мәдһийилиди. Әмма, буниңлиқ билән арзугүл турсун вә униң аилә тавабати үстидики әндишисиниң түгимигәнликини, бу аилиниң әһвалини америка һөкүмитиниң давамлиқ түрдә көзитип маңидиғанлиқини билдүрди.

Арқидин йәнә, әгәр хитайда бу хил инсан һәқлири дәпсәндичилики тәкрарланса, б д т тәрипидин хитайға бериливатқан нопус сүпитини өстүрүш ярдәм пулини тохтитиш қатарлиқ җазалаш тәдбирлирини ойлишидиғанлиқини әскәртти.

Улиниш:  Бирләшмә баянатниң толуқ текисти