' Bowaqning jéni üchün nime körsem razimen '

Tünügün arzugül tursun doxturxanidin qoyuwétildi, 6 ay 3 heptilik hamilisi opératsiyidin aman qaldi. Arzugül a'ilisi xushalliqqa chömdi, emma bu xushalliq asanla qolgha kelmidi.
Muxbirimiz shöhret hoshur
2008-11-19
Share
Congress-Joe-Smith-305.jpg 18 - Noyabir küni, amérika dölet mejlisi awam palata ezaliridin kiristofér simit bilen jio pitts arzugül tursun we ailisi toghrisida yene bir qétim birleshme bayanat élan qilghan.
www.house.gov

Buning üchün pütün bir a'ile kishiliri japa chekti, xeterge kökrek kéridi. Bolupmu arzugülning dadisi tursunjan hesen؛ dunyagha köz achqusi newrisi üchün her qandaq bedelge hazir boldi.

Tursunjan hesen yardem qilimiz dégen her qandaq kishining téléfonini aldi, derdini éytti؛ u qizingni opiratsiye qilimiz dégen her qandaqla kishige qarshi turdi, naraziliq bildürdi.

Netijide, uning awazi dunya jama'etchilikining quliqigha yetti, jümlidin amérika dölet erbablirining diqqitini tartti we ularni heriketke keltürdi؛ xitay hökümiti peylidin yénishqa mejbur boldi.
 
Ular bayanatida, xitayning arzugül tursunni doxturxanidin qoyuwétish qararini medhiyilidi. Emma, buningliq bilen arzugül tursun we uning a'ile tawabati üstidiki endishisining tügimigenlikini, bu a'ilining ehwalini amérika hökümitining dawamliq türde közitip mangidighanliqini bildürdi.
Bügünki programmimizda, tursunjan hesenning ene eshu tirishchanliqliridin peqet pir parchini diqqitinglargha sunimiz . Bu, arzugül tursun qoyuwétilishtin bir kün burun, yeni u saqchilarning qorshawida qalghan mezgilde yüz bergen weqedur.

Arzugül tursun qoyuwétilgendin kéyin, amérika dölet mejlisi ezaliridin kiristofér simit bilen ji'o pitts bu heqte yene bir qétim birleshme bayanat élan qildi.

Ular bayanatida, xitayning arzugül tursunni doxturxanidin qoyuwétish qararini medhiyilidi. Emma, buningliq bilen arzugül tursun we uning a'ile tawabati üstidiki endishisining tügimigenlikini, bu a'ilining ehwalini amérika hökümitining dawamliq türde közitip mangidighanliqini bildürdi.

Arqidin yene, eger xitayda bu xil insan heqliri depsendichiliki tekrarlansa, b d t teripidin xitaygha bériliwatqan nopus süpitini östürüsh yardem pulini toxtitish qatarliq jazalash tedbirlirini oylishidighanliqini eskertti.

Ulinish:  Birleshme bayanatning toluq tékisti
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet