Norwégiyidiki möminjan bashchiliqidiki sen'et guruppisi

Muhajirette turuwatqan Uyghur yashliri üchün yashliq, weten we millet üchün mes'uliyet hem mejburiyetni, küresh we burch tuyghusini özige mujessem qilghan ehmiyet we menagha tolghan bashqiche bir dunya.
Ixtiyari muxbirimiz aygül
2010.12.07
Share on WhatsApp
Share on WhatsApp
Norwigiye-uyghur-pubol-305 2009 - Yili 2 - may kuni norwégiyining paytexti oslo shehiride ötküzülgen norwégiye - shiwétsiye uyghur putbol komandisining birleshme musabiqisidin körünüshler.
RFA Photo / Aygul Yusup

Özining arzusi we kimlikini alliqachan toghra bayqap yashliq arzusi yolida tiriship kéliwatqan yashlirimizdin biri norwégiye Uyghur komitétining aktip ezaliridin bolghan möminjandur. Ottura mekteptin tartip sen'etke chongqur ishtiyaq baghlighan möminjan gitar we naxsha éytish saheside izchil tiriship, özining talantini körsitip kelgen. U norwégiyide yashawatqan bir nechche yildin buyan özining sen'et jehettiki alahidiliki bilen norwégiye Uyghur komitéti uyushturghan türlük pa'aliyetlerde öz qabiliyitini jari qildurup Uyghur qérindashlirining hörmitige ériship kelgen.

Yéqinda u norwégiye Uyghur komitétining qizghin qollishi bilen özi biwasite yétekchilik qilip norwégiye Uyghur yashliri sen'et guruppisini qurup chiqqan.

Bu sen'et guruppisi qurulghandin kéyin, ular paytext oslo we gjöwik qatarliq jaylarda Uyghur, norwég we bashqa qérindash milletlerge Uyghurche sen'et nomurlirini körsitip sen'et arqiliq ulargha Uyghurning kimliki we güzel naxsha -muzikilirini tonutqan.

Sen'et guruppisining iqtisadi mesilisining bir qismini norwégiye Uyghur komitéti hel qilip bergen bolsimu, lékin uninggha kétidighan köp tereplime iqtisadni öz yénidin chiqirip türlük shara'itlar toluq bolmighan ehwal astidimu a'ilisi we dostlirining yardimide qiyinchiliqni yéngip kétiwatqan möminjan ependi özlirining bu pa'aliyetlirini dawamlashturidighanliqini eskertti.

Möminjanning yétekchilikidiki sen'et guruppisidikilerning arzu -armanliri köp bolup, ular bir tereptin muhajirette qelbi wetenni séghinish otida köyüwatqan qérindashlirigha sen'et arqiliq meniwi ozuq béghishlashni qelbige pükken bolsa, yene bir tereptin sen'et arqiliq yat milletlerge Uyghurning kimlikini tonutushni asasliq meqset qilghan. Buningdin bashqa ular oyun qoyush jeryanida norwég qatarliq milletlerge Uyghurlarning en'eniwi 12 muqamini we milliy chalghu eswablirini tonushturushni pilanlighan. Möminjan ependining éytishiche, ular yene yéqin arida bir naxsha kassétisi ishlep chiqip yawropadiki Uyghur qérindashlirigha öz emgikining netijisi süpitide sunmaqchi iken.

Möminjan ependi axirida öz arzu- armanlirini mundaq bayan qildi. Aldinqi yilliri norwégiye Uyghur komitétining iqtisad we bashqa tereplerde yéqindin yardem qilishi bilen norwégiye yashlirining putbol komandisi qurulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.