«Аҗрашмаңлар ата-анилар» нахшисини ким иҗад қилған?

Мәрһум нахшичи мирзат алим иҗрасидики «аҗрашмаңлар ата-анилар» нахшиси ата-анисидин тирик туруп айрилған йетим балиларниң йүрәк садаси, бәхтлик аилиси бузулған әр-аялларниң қәлб нидаси сүпитидә 20 йиллардин бири сәһнидин-сәһнигә, екрандин-екранға көчүп, талай нахшичиларниң еғизида вайиға йетип орундилип кәлди.
Ихтиярий мухбиримиз ялқун
2013-01-15
Елхәт
Пикир
Share
Принт
Талантлиқ музикант мәрһум күрәш көсән әпәндиниң радомизни 2006 - йили 4 - йанварда зийарәт қилғанда музика орундап қалдурған хатирә сүрити.
Талантлиқ музикант мәрһум күрәш көсән әпәндиниң радомизни 2006 - йили 4 - йанварда зийарәт қилғанда музика орундап қалдурған хатирә сүрити.
RFA Photo

Әмма бу нахшини ким қандақ шәкилдә ейтмисун, бу нахша нахшини сәһнигә тунҗи қетим елип чиққан нахшичи мирзат алимниң нами билән бағлинип «мирзат алимниң нахшиси» дегән нами билән атилип кәлди. Тарихтин буян нахшиларниң ләззитидин һузурлинишни билип, униң иҗадчисиниң кимлики билән анчә һесаблишип кәтмәйдиған уйғур хәлқи бүгүнки күндиму «аҗрашмаңлар ата-анилар» дегән бу нахшини мәйли уйғур ели , мәйли чәтәлләрдә болсун, сәһнә, екранларда хәлқ нахшиси сүпитидә нам-нишансиз елан қилип кәлмәктә. Ундақта бу нахшиниң иҗадчиси ким?

Күрәш күсәнниң сиңлиси мунәввәр ханимниң билдүрүшичә, бу нахшини акиси күрәш күсән 1988-йилиниң ахирлири сәнәт институтида оқуватқан мәзгилидә иҗад қилған болуп, акисиниң бу нахшини иҗад қилишиниң мәлум иҗтимаий арқа көрүнүши бар икән.

Күрәш күсән уйғур хәлқниң арисида тонулған, һөрмәткә сазавәр нахшичиларниң бири болуп, у иҗад қилған бир қисим нахшилар әл арисида нам-нишансиз ейтилип кәлмәктә, бәзи нахшилириниң текисти башқа музикиларға селинса, бәзи аһаңлириға башқа текист селип орундалмақта. Мәсилән «адаш», «сөйимән», «анамға хәт», «яшисам дәймән», «сөзүм бар» вә башқилар.

Күрәш күсән вә мирзат алим һаят вақитлирида хизмәтдаш һәм яхши дост сәнәткарлардин иди. Уларниң нахша орундаш маһаритидә вә аһаңларниң мелодийисидики пурақларни чиқириштиму зор охшашлиқлар бар иди шундақла уларниң һаяти вә өлүмиму охшашлиқларға игә болди. Уларниң өлүмлири йешилмәс сирлаш ичидә қалди.

Пикирләр (0)
Share
Толуқ бәт