`Azghun héslar` namliq romanning Uyghurchisi neshrdin chiqti

Süret, istanbul teklimakan uyghur neshriyati teripidin neshr qilinghan, türkiyidiki tonulghan yazghuchilardin biri siebih atesh alpat xanim yazghan `azghun héslar` namliq romanning uyghurche terjimisining muqawa körünüshi.

Bu romanning oqurmen obékti yash ösmürler bolup, roman yash ösmürlerni exlaqiy jehettin terbiyilesh üchün intayin muhim ehmiyetke ige iken. Tonulghan yazghuchi si'ebih atesh alpat xanim yazghan `azghun héslar` namliq bu romanni dildar xanim Uyghurchigha terjime qilghan.

Uning éytishiche, bu roman diniy telim terbiye erkinliki bolmighan Uyghur yash ösmürliri üchün nahayiti muhim iken. Kitabni Uyghurchigha terjime qildurup basturghan teklimakan Uyghur neshriyati mes'uli abdujélil turan ependi bu eserning qimmiti heqqide toxtilip, 1980 - yillardin béri Uyghur diyarida 100din artuq roman neshr qilin'ghanliqini bu romanlarning köpige dinsizlik we kommunist idiyisining singdürülgenlikini, shunga bu romanning bügünki kündiki Uyghur jem'iyitide muhim terbiyiwiy rol oynaydighanliqini éytti.

U bu romanning teklimakan Uyghur neshriyatida neshr qilin'ghan tunji roman bolush alahidilikigimu ige ikenlikini éytti.

Biz bu eser heqqide téximu köp melumat élish üchün kitabni Uyghurchigha terjime qilghan dildar xanim we teklimakan Uyghur neshriyati mes'uli abdujélil turan ependiler bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.