Әрәб мәтбуатиниң сүрийидики йеңи асасий қанун мәсилиси

Сүрийидә мәҗбури елип бериливатқан хәлқ райини сораш паалийити сүрийә хәлқиниң әсәд һакимийитигә болған наразилиқини техиму ашурувәтти.
Ихтиярий мухбиримиз өмәрҗан
2012.02.27
Share on WhatsApp
Share on WhatsApp
suriyining-dosti-yighini-305.jpg Туниста ечилған “сүрийиниң достлири” намлиқ йиғинда әсәд һакимийитиниң қанлиқ бастурушлирини әйиблиди. 2012-Йили 24-феврал, тунис.
AFP

Сүрийә вәзийити күндин-күнгә яманлашқан болуп, пүтүн дуняниң диққитини тартмақта.

Сүрийә һакимийити қәтлиамни бир минутму тохтатмай туруп, сүрийә хәлқини мәҗбури һалда йеңи дәстурға қарита райини бериш паалийитигә қатнаштурған. Бу паалийәт сүрийиниң һәр қайси шәһәр вә вилайәтлиридә елип берилған.

Тәһлилчиләргә көрә, сүрийә хәлқи әсәд һакимийитиниң йеңи дәстурини әмәс, демократийә ғәлибә қилғандин кейинки хәлқниң ихтияри билән сайланған йеңи һөкүмәтниң дәстурини халайдикән. Сүрийә хәлқи әсәд һакимийитиниң қанунлуқ һөкүмәт әмәсликини вә бу һакимийәтни ағдуруп ташлиғанға қәдәр күрәшлирини давам қилдуридиғанлиқини җакарлиған.

Сәуди әрәбистанида чиқидиған “әл вәтән” гезитиниң 2012-йили 26-феврал дүшәнбә күнидики санида, “сүрийидә өлтүрүш йолидики хәлқ райи сораш сахтипәзлики” дегән темида бир мақалә елан қилинған болуп, мақалидә мундақ дәп йезилған:
“түнүгүн сүрийә һакимийити һеч хиҗил болмастин, хәлқ райи сораш чақириқи қилип, сүрийә хәлқини аталмиш йеңи дәстурға мәҗбури аваз беришкә зорлиди. Сүрийә һакимийити шунчилик әқилсизму яки хәлқни вә пүтүн дуня хәлқни әхмәқ санамду? бир йилдин бири турмастин бу хәлқни өлтүрүп, он миңларчә бигунаһ хәлқниң қениға боғулуп туруп, бу қәтлиамни бир күн яки бир кечә тохтатмай туруп, йәнә уларни мушун залим һөкүмәтниң йеңи дәстуриға аваз беришкә чақирса, ким униңға аваз бериду? ким униң дәстурини қоллайду?”

Әсәдни ким қутқузалайду?

Мақалидә йәнә мундақ дәп йезилған:
“сүрийә рәиси бәшар әл әсәд сүрийә хәлқини көзигә илип қоймайду. Униң нәзиридә хәлқниң һечқанчилик қиммити йоқ. Чүнки у атиси һафиз әл әсәдтин сүрийә тәхтини мирас йоли биләнла алди. Әллик йилдин көпрәк вақиттин бири әсәд аилиси сүрийә хәлқини қәтлиам қилип кәлмәктә. Сүрийә һакимийитиниң әң ишәнчлик таянчи иран болуп қалған. Хитай билән русийә әсәд һакимийитиниң тәрипини тутқан билән униңға бир иш қилип берәлмәйду. Иранниңму қудрити чәклик ахирғичә бу һакимийәтни қоғдап туралмайду. Хәлқниң күчи әсәдкә чоқум йетиду.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.