Ereb metbu'atining süriyidiki yéngi asasiy qanun mesilisi

Süriyide mejburi élip bériliwatqan xelq rayini sorash pa'aliyiti süriye xelqining esed hakimiyitige bolghan naraziliqini téximu ashuruwetti.
Ixtiyariy muxbirimiz ömerjan
2012-02-27
Élxet
Pikir
Share
Print
Tunista échilghan "Süriyining dostliri" namliq yighinda esed hakimiyitining qanliq basturushlirini eyiblidi. 2012-Yili 24-féwral, tunis.
Tunista échilghan "Süriyining dostliri" namliq yighinda esed hakimiyitining qanliq basturushlirini eyiblidi. 2012-Yili 24-féwral, tunis.
AFP

Süriye weziyiti kündin-kün'ge yamanlashqan bolup, pütün dunyaning diqqitini tartmaqta.

Süriye hakimiyiti qetli'amni bir minutmu toxtatmay turup, süriye xelqini mejburi halda yéngi desturgha qarita rayini bérish pa'aliyitige qatnashturghan. Bu pa'aliyet süriyining her qaysi sheher we wilayetliride élip bérilghan.

Tehlilchilerge köre, süriye xelqi esed hakimiyitining yéngi desturini emes, démokratiye ghelibe qilghandin kéyinki xelqning ixtiyari bilen saylan'ghan yéngi hökümetning desturini xalaydiken. Süriye xelqi esed hakimiyitining qanunluq hökümet emeslikini we bu hakimiyetni aghdurup tashlighan'gha qeder küreshlirini dawam qilduridighanliqini jakarlighan.

Se'udi erebistanida chiqidighan "El weten" gézitining 2012-yili 26-féwral düshenbe künidiki sanida, "Süriyide öltürüsh yolidiki xelq rayi sorash saxtipezliki" dégen témida bir maqale élan qilin'ghan bolup, maqalide mundaq dep yézilghan:
"Tünügün süriye hakimiyiti héch xijil bolmastin, xelq rayi sorash chaqiriqi qilip, süriye xelqini atalmish yéngi desturgha mejburi awaz bérishke zorlidi. Süriye hakimiyiti shunchilik eqilsizmu yaki xelqni we pütün dunya xelqni exmeq sanamdu? bir yildin biri turmastin bu xelqni öltürüp, on minglarche bigunah xelqning qénigha boghulup turup, bu qetli'amni bir kün yaki bir kéche toxtatmay turup, yene ularni mushun zalim hökümetning yéngi desturigha awaz bérishke chaqirsa, kim uninggha awaz béridu? kim uning desturini qollaydu?"

Esedni kim qutquzalaydu?

Maqalide yene mundaq dep yézilghan:
"Süriye re'isi beshar el esed süriye xelqini közige ilip qoymaydu. Uning neziride xelqning héchqanchilik qimmiti yoq. Chünki u atisi hafiz el esedtin süriye textini miras yoli bilenla aldi. Ellik yildin köprek waqittin biri esed a'ilisi süriye xelqini qetli'am qilip kelmekte. Süriye hakimiyitining eng ishenchlik tayanchi iran bolup qalghan. Xitay bilen rusiye esed hakimiyitining teripini tutqan bilen uninggha bir ish qilip bérelmeydu. Iranningmu qudriti cheklik axirghiche bu hakimiyetni qoghdap turalmaydu. Xelqning küchi esedke choqum yétidu."

Toluq bet