8-Nöwetlik xelq'araliq anatoliye medeniyet we sen'et bayrimida sherqiy türkistan kéchisi ötküzüldi

Türk dunyasining eng katta uchrishishliridin biri bolghan 8-nöwetlik xelq'araliq anatoliye medeniyet we sen'et bayrimi 9-ayning 9-küni enqerening etimesqut rayonida tentenilik ötküzüldi.
Ixtiyariy muxbirimiz erkin tarim
2011.09.12
Share on WhatsApp
Share on WhatsApp
mujahit-we-sumeyya-qeshqerli-shiir-oqumaqta-305.jpg 4 Yashtiki mujahit qeshqerli bilen 11 yashtiki sümeyya qeshqerli déklamatsiye qilmaqta. 2011-Yili 10-séntebir.
RFA/Erkin Tarim

Bayramning échilish murasimi parattin ötüsh bilen bashlandi. Bu parattin ötüsh murasimigha etimesqut rayonluq hökümet bashliqi enwer demirel, milletchi heriket partiyisi mu'awin bashliqi, parlamént ezasi sadir durmaz, parlamént ezaliri, herqaysi siyasiy partiyilerdin wekiller, 30 etrapida ammiwi teshkilatning mes'ulliri, türkiy jumhuriyetlerdin kelgen diplomatlarlardin bolup köp sanda kishi qatnashti.

erkin-tarim-rayon-bashliqi-enwer-demirel-385.jpg
Ixtiyariy muxbirimiz erkin tarim rayon bashliqi enwer demirel bilen. 2011-Yili 10-séntebir. Türkiye.
RFA/Erkin Tarim

8-Nöwetlik xelq'ara etimesqut medeniyet we sen'et féstiwalining échilish murasimida rayonluq hökümetning bashliqi enwer demirel söz qildi. U sözide “Türk medeniyiti, sen'iti, örp-aditini eks ettürgen buyumlarni bu yerde bir yerge élip kelduq” dédi. Adriyatik déngizidin seddichin'giche bolghan keng zémindiki türk dunyasini bu bayramda uchrashturghanliqini bayan qilghan enwer demirel, musteqil bolghan türk jumhuriyetliri we musteqil bolalmighan türkiy milletlernining medeniyet we sen'iti heqqide téximu köp melumat igisi élish üchün pütün xelqni bu meydandiki bölümlerni ékskursiye qilishqa chaqirdi.

Bu medeniyet sen'et bayrimi enqerening gherbige jaylashqan etimesqutta chong bir meydanda ötküzülmekte. Meydanning etrapida türkiyining 35 wilayitidin kelgen jem'iyet we weqipler achqan bölümler bar, bular bölümlerde shu rayonning örp -adet we medeniyetliri eks ettürülgen buyumlar we yémek-ichmekler sétilmaqta. Bulardin bashqa ezerbeyjan, türkmenistan, qazaqistan, qirghizistan, iraq türkmenliri, tatarlar we Uyghurlarmu bölüm échip öz dölitini we örp-adetlirini tonushturmaqta.

tamashibinlar-sherqiy-turkistan-shiirni-alqishlidi-385.jpg
Tamashibinlar sherqiy türkistan namliq shé'irni alqishlidi. 2011-Yili 10-séntebir. Türkiye.
RFA/Erkin Tarim

8-Nöwetlik xelq'ara anatoliye medeniyet we sen'et bayrimining 2-küni ezerbeyjan, sherqiy türkistan we türkiyining tokat wilayitige a'it bolup, bular özlirining sen'et nomurlirini körsetti. Uyghurlardin 4 yashtiki mujahit qeshqerli bilen 11 yashtiki sümeyya qeshqerli déklamatsiye qilghan “Bir wetenki sherqiy türkistan” namliq shé'ir minglarche kishining qattiq alqishlishigha érishti. Sherqiy türkistan kéchilikide yene hayrulla ependi söz qilip sherqiy türkistanning hazirqi weziyiti heqqide melumat berdi we etimesqut rayonluq hökümetning bashliqi enwer demirelge Uyghurlar namidin sowghat buyumliri teqdim qildi. Kéyin ezerbeyjanliq sen'etchiler sen'et nomurliri körsetkendin kéyin türkiyining dangliq naxshichisi nadide sultan konsért berdi. 9-Ayning 10-künidiki sherqiy türkistan, ezerbéyjan we tokat kéchiliki bu konsért bilen axirlashti.

10 Kün dawamlishidighan bu sen'et bayrimida ottura asiya türkiy jumhuriyetliri we türkiy milletler her axsham sen'et nomurliri körsetmekchi. Uning üstige her axsham türkiyining dangliq sen'etchiliridin biri konsért bermekte. Bular qirach, nadide sultan, orxan haq'almaz, hülya polat, ibrahim erqal, élif qarli, xatiche, murat kekilli, ferhat göcher qatarliq sen'etchilerdin ibaret. 8-Nöwetlik xelq'araliq anatoliye medeniyet we sen'et bayrimi 9-ayning 18-küni axirlashmaqchi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.