Gollandiyidiki “Medeniyetler bayrimi” pa'aliyitide Uyghur yémekliri namayan qilindi

Shu xil xususiyetlerning gewdilendürüp, her küni minglighan insanlarning ziyariti bilen dawam qiliwatqan, gollandiyining denbosh shehiridiki “Medeniyetler bayrimi” pa'aliyiti mol mezmunluq programmilar bilen öz qimmitini namayan qilmaqta.

Her küni etigen sa'et 7 din axsham sa'et 10 ghiche dawam qiliwatqan bu pa'aliyette, milletlerning qol-hunerwenchiliki we eqliy tepekkurini körsitidighan buyumlar milletlerning tarix sehipiliridin tartip we bügünki ehwaligha qeder melumatlardin uchur bermekte. Bolupmu, osman impériyisining heywitini namayan qilidighan orda qiyapetliridiki eskiri yürüsh shekli türk xelqining milliy rohini oyghitip, ejdadliridin iptixarlandursa؛ bashqa milletlirining diqqitini tartip sen'et tuyghusigha chömdürmekte. Arilap élip bériliwatqan, sérk oyuni, chilishish, sen'et we usullar bilen almiship turuwatqan nomurlar méhmanlarni hayajan'gha salsa؛ dangliq siyasiyonlar, artislar we jama'et erbablirining nutuqliri we ziyaretliri tamashibinlargha purset bolmaqta. Herxil edebiyat-sen'etning ustikarliri neq meydanda maharet körsitip, milliy xasliqlirini namayan qilmaqta.

RFA/Pidaiy

Yene bir terepte, özgiche puraqliri we shekilliri bilen alahide teyyarlan'ghan yémekler istémalchilarning éhtiyajini qamdimaqta. Öz yurtidiki milliy adetliri we yawropa uslubidiki özgichilikler bilen mulazimet qiliwatqan ustamlar bir-biri bilen besleshmekte. Qatar ketken chédirlarning bir teripide ay-yultuzluq kök bayriqi bilen alahide perqlinip turuwatqan Uyghurlar öz ta'amlirini satmaqta.

Uyghur millitining namayan qilinishi üchün tinmay izdiniwatqan pidakarlardin yawropa sherqiy türkistan ma'arip jem'iyitining yétekchisi obulqasim ependi bu heqte uchur berdi.