Törelmishunasliq mutexessisi yehudiy alim robért gilhimning musulman bolush sewebi

Törelmishunasliq ilmining mutexessisi robért gilhim éridin talaq qilin'ghan ayalning idditi toghriliq kelgen qur'an kerim ayiti seweblik iman éytip özining islam dinigha kirgenlikini élan qilghan.
Ixtiyariy muxbirimiz ömerjan
2012-08-30
Élxet
Pikir
Share
Print
4 - Awghust künidiki hujumda öltürülgen 16 xitay qoralliq saqchi xadimlirining matem murasimgha qatnishiwatqan uyghur ayallirining matem meydanigha yighiliwatqan körünüshi. 2000 Gha yéqin uyghurlarmu matem murasimigha qatnashqan bolup, bir nechche kishiler AFP muxbirigha özlirining matemge buyruq bilen qatnishiwatqanliqini éytqan.
4 - Awghust künidiki hujumda öltürülgen 16 xitay qoralliq saqchi xadimlirining matem murasimgha qatnishiwatqan uyghur ayallirining matem meydanigha yighiliwatqan körünüshi. 2000 Gha yéqin uyghurlarmu matem murasimigha qatnashqan bolup, bir nechche kishiler AFP muxbirigha özlirining matemge buyruq bilen qatnishiwatqanliqini éytqan.
AFP Photo

Alim robért gilhim nechche on yilliq ömrini erning ayalda qalduridighan izi heqqidiki ilmiy tetqiqatqa béghishlighan bolup, erning ayaldiki izi ayal éridin ayrilip 3aydin kéyin toluq yoqilip bolidighanliqini dunyada tunji qétim élan qilghan.

Misirda chiqidighan "Misirliqlar" géziti misir tébbiy analiz merkizining ustazi doktor abdulbasit muhemmed seyyidning munu bayanatini élan qilghan:
"Alim robért gilhim albirt énishtéyn institutining törelmishunasliq mutexessisi bolup, qur'an kerimining talaq qilin'ghan ayalning 3 ay iddet tutushi lazimliqi heqqidiki belgilimisini bilish bilen teng özining musulman bolghanliqini élan qildi. Qur'an kerimide 'talaq qilin'ghan ayallar üch heyz ötküche iddet tutidu' dep körsitilgen.

Bu alimni qayil qilghan ilmiy heqiqet shuki, er bilen ayalning bir töshekte bolushi jeryanida ayalda erning mexsus izi qalidiken. Er-ayal yéqinchiliq qilmighan her ayda bu iz yoqilishqa qarap yol alidiken we her ayda 25 yaki 30 pirsentkiche yoqilip bérip, axiri 3 ayda toluq yoqilip bolidiken, ayalmu bashqa bir er bilen birge bolushqa munasip halgha kélidiken.

Alim robért gilhim bu heqiqetni bilginidin kéyin, afriqiliq musulmanlar üstide tetqiqat élip bérip, her bir musulman ayalda peqet özining ériningla izi barliqini ispatlap chiqqan. Andin bashqa rayonlardiki musulman emes ayallar üstide tetqiqat élip barghandin kéyin, her bir ayalda ikkidin üchkiche erning izi barliqini we bundaq bolushning sewebi bu ayallarning öz erliridin bashqa erler bilenmu birge bolidighanliqidin ikenlikini ispatlap chiqqan. Hetta bu alim, özining ayali üstide élip barghan tetqiqat netijiside, ayalida üch erning izi tépilghan. Axiri ayalining étirap qilishi bilen, ayalining érige xiyanet qilidighanliqi we baliliridin bir oghlidin bashqa héchqaysisining érige a'it emesliki otturigha chiqqan. Shuningdin kéyin, alim robért gilhim islam dinining ayalning ippitini saqlash, jem'iyetning sapliqini qoghdashtimu eng ilghar din ikenlikini we musulman ayallarning yer yüzidiki ayallarning eng pakizi ikenlikini jakarlighan."

Toluq bet