' Uyghurning orni nede? ' namliq eser türkiyide neshirdin chiqti

Tonulghan obzorchi sidiq haji rozi ependi yazghan " uyghurning orni nede?" namliq eserning muqawa körünüshi.

Bu eser aptorning terjimihali we kirish söz qisimidin bashqa 86 maqalisidin terkip tapqan bolup, bular aptorning 1992 - yilidin 1998 - yilighiche bolghan ariliqta yazghan, eslime, Uyghurlarning kélechiki, xelq'ara munasiwetler heqqide tehlil, istratégiye hem siyasi mezmunlarni öz ichige alghan maqaliliridin ibaret.

"Uyghurning orni nede?" namliq kitabning kirish sözide obzorchi, siyasiyon sidiq haji rozining terjimihali etrapliq halda bayan qilin'ghan.

Teklimakan Uyghur neshriyati mes'uli abdujélil turan ependi bu eserning qimmiti heqqide toxtilip, eger yéqinqi zaman Uyghur tarixida bilinmigen bezi mesililerni we dunya Uyghur qurultiyi bashliqi rabiye qadir xanimning türmige kirishtin burunqi hayati heqqide melumat igisi bolushni xalighanlar üchün intayin muhim bir eser ikenlikini tekitlidi.

Abdujélil turan ependi yene bizge bergen melumatida, tonulghan obzorchi sidiqhaji rozining "Uyghurning orni nede?" namliq bu 3 tomluq esirining toluq neshir qilinip bolghandin kéyin, sidiq haji ependining "Uyghurlar qandaq bolup mustemlike bolup qaldi?" namliq bir esiriningmu neshir qilinidighanliqini éytti.

Biz bu eser heqqide téximu köp melumat élish üchün kitabning aptori sidiq haji rozi ependi bilen söhbet élip barduq.

Yuqiridiki awaz ulinishidin, sidiq haji rozi ependi bilen ötküzgen söhbitimizning tepsilatini anglaysiler.