17 - چېسلا داڭلىق ناخشىچى داۋۇت گۈلوغلىنىڭ كونسېرتى بىلەن باشلانغان فېستىۋال 26 - چېسلا داڭلىق ناخشىچى سىبەلجاننىڭ كونسېرتى بىلەن ئاخىرلاشماقچى. فېستىۋالدا تۈركىيىنىڭ ھەرقايسى ۋىلايەتلىرى، تۈركىي جۇمھۇرىيەتلەر ۋە باشقا تۈركىي مىللەتلەر مەخسۇس بۆلۈم ئېچىپ، ئۆز مەدەنىيىتىنى ۋە سەنئىتىنى تونۇتماقتا.
بۇلاردىن باشقا يەنە ھەر كۈنى تۈركىيىنىڭ ئىككى ۋىلايىتى بىلەن بىر تۈركىي جۇمھۇرىيەت ئۆزلىرىنىڭ سەنئەت نومۇرلىرىنى كۆرسەتمەكتە. ئۇيغۇرلار 9 - ئاينىڭ 22 - كۈنى ئۇيغۇر ناخشا - ئۇسۇللىرىنىڭ ئۆرنەكلىرىنى كۆرسەتمەكچى.
ئەنقەرەنىڭ ئەتىمەسقۇت رايونىدا ئۆتكۈزۈلۈۋاتقان 7 - نۆۋەتلىك خەلقئارالىق ئاناتولىيە مەدەنىيەت ۋە سەنئەت فېستىۋالىدىكى بۆلۈملەر ئىچىدە ئۇيغۇر بۆلۈمى ئەڭ باي مەزمۇنغا ئىگە بولۇپ، بۇ يەردە ئۇيغۇرلارنىڭ سەنئىتى، مەدەنىيىتى ۋە بۈگۈنكى ۋەزىيىتى تونۇتۇلماقتا. بۇ بۆلۈملەرنى ھەر كۈنى 7 - 8 مىڭ كىشىنىڭ زىيارەت قىلىۋاتقانلىقى پەرەز قىلىنماقتا.
يۇقىرىدىكى ئاۋاز ئۇلىنىشىدىن، نەق مەيداندىن بېرىلگەن بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.