'Уйғурларни биләмсиз?'

Түркләр тарих китаблирида өзлириниң әсли оттура асиялиқ икәнликини, ата - бовилириниң түркистандин кәлгәнликини язғачқа уйғурларни наһайити яхши көриду. Түркләр "сиз қәйәрлик?" дәп сориғинида "мән уйғур" десиңиз, тәбәссум билән "тонушқанлиқимиздин хурсән болдум" дәп қол елишип көрүшиду.
Мухбиримиз әркин тарим
2010-09-24
Share
Uyghur-medeniyet--seniti-xelqara-estiwalda-Uyghur-bolumi-3-305 Сүрәт, мухбиримиз әркин таримниң әнқәрәниң әтимәсгут районида өткүзүлүватқан хәлқара мәдәнийәт - сәнәт фестивалниң 9 - айниң 22 - күнидики уйғур сәнәт кечиликини көрүватқан тамашибинларни зийарәт қиливатқан көрнүши.
RFA Photo / Erkin Tarim

Һалбуки, түркийидики дәрслик китабларда қәдимки уйғур дөләтлири һәққидә мәлумат берип, уйғурларниң бүгүнки вәзийити һәққидә мәлумат берилмигән болғачқа, уйғурларни тарихта өткән бир милләт дәп билидиған түркләрниң саниму аз әмәс.

Әнқәрәниң әтимәсгут районида өткүзүлүватқан хәлқара мәдәнийәт - сәнәт фестивалниң9 - айниң 22 - күнидики уйғур сәнәт кечиликини көрүватқан тамашибинлардин "уйғурларни биләмсиз?", "улар һазир қәйәрдә яшайду?" дәп соридуқ.
Uyghur-medeniyet--seniti-xelqara-estiwalda-qolida-kokbayraq-kotergen-tamashibin.jpg-305
Сүрәт, хәлқара мәдәнийәт - сәнәт фестивалида қолида көкбайрақ көтүргән тамашибин мухбиримиз әркин таримниң зийаритини қобул қиливатқан көрүнүш.

Биз соал сориған кишиләрниң 30 пирсәнти уйғурларниң тарихта өткән бир милләт икәнликини, һазирқи әһвалини билмәйдиғанлиқини ейтишти. 70 Пирсәнти болса уйғурларни билидиғанлиқини, уйғурларниң һазир шәрқий түркистанда, хитайларниң қол астида яшаватқанлиқини, уларниң һазирқи вәзийитигә қаттиқ ечинидиғанлиқини ейтишти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт