Péshqedem tarixiy shahid we tetqiqatchi batur ershidinofning eslimiliri (3)
1944 - Yili 12 - noyabirda ghuljida qurulghan sherqiy türkistan jumhuriyitining milliy armiyisining tesis qilin'ghanliqigha 65 yil toshti. Qazaqistanning almuta shehiride yashawatqan 84 yashliq edebiyatshunas batur ershidinof 1944 - 1949 - yilliridiki milliy azadliq inqilabqa qatnashqan.
-
Muxbirimiz ümidwar
2010-04-07 -
-
-
Sherqi türkistan atliq qisimliridin bir körünüsh.
RFA
Your browser doesn’t support HTML5 audio
U milliy armiyining ofitséri bolup, uzun mezgil herbiy mektep, milliy armiye bash qomandanliq shitabida xizmet qilghan. 1949 - Yilidin kéyin 13 - diwiziye shitabida général muhemmed imin iminofning qol astida ishligen idi.
Sabiq milliy armiye ofitséri batur ershidinof ependi bilen ötküzgen söhbitimizde, u, sabiq sowit ittipaqining milliy azadliq inqilabqa körsetken herbiy - siyasiy tesiri, jümlidin sowét ittipaqining inqilabning ghelibe qilishidin tartip taki meghlup bolushida muhim rol oynighanliqini körsetti.
Bügünki künlerde xitay hökümiti teripidin "üch wilayet inqilabi" dep atiliwatqan 1944 - 1949 - yilliridiki sherqiy türkistan milliy azadliq inqilabining jenggiwar muntizim qoshuni bolghan milliy armiye 1945 - yili 8 - aprélda qurulghan bolup, bu inqilab we armiye eyni waqitta sabiq sowét ittipaqi hökümitining qollishi we yardimige érishken.
Milliy armiye ofitséri batur ershidinofning éytishiche, milliy armiye terkibide taki 1946 - yili bitim tüzülgiche bolghan ariliqta köpligen sowét ittipaqiliq ofitsérlar ishligen hemde sowét armiyisining tesiri küchlük bolghan.
Yuqiridiki awaz ulinishidin, bu heqtiki söhbitimizning tepsilatini anglaysiler.